أخـرك كـــــام؟؟

[Amo0o0oRa]

يا جماعه انا حبيت اعمل موضوع اسأل فبه كل واحد اكبر مشوار عمله كان كام كيلو والمكنه نوعها ايه وموديل كام

ويا ريت كمان لو يقولنا اقصى سرعه وصلها كانت كام(وعلى فكرة الموضوع ده مش الغرض منه انى اخللى كل واحد يجرى بالمكنه عشان يجى يقول هو جاب كام وكل واحد يفضل يتباهى بالمكنه بتاعته ممكن يحصل اى حاجه لقدر الله انا مش مسؤول)

بس هو السؤال الاهم هو انى عايز اعرف لو مسافر مثلا المكنه اخرها معايا تعمل كام كيلو وعلى سرعات عاليه شويه لان ده طريق سفر يعنى اكيد مش هكون ماشى فيه براحه

كام كيلو من غير ما تتعب منى؟؟؟



ولكم جزيل الشكر

[hedra]

يا باشا انا حبيت احيك على الموضوع الممتاز ده
ويا ريت الرجاله اللى معانا هنا يقولوا على مشاورهم
هو ممكن يكون مشوارى صغير لغيرى بس انا هحكى عليه
هو كان بمكنه صينى ماركه هامرز 150 ccموديل 2006 وده كان من بنى سويف للمنيا وقطع معايا حوالى 320 كليو
بالنسبه للسرعه والطريق اللى يعتبر فاضى بليل وانا رايح والهوا كان معايا مشيت 137 km/hوانا راجع كنت ماشى 60 70 ومن ناحيه البنزين اكلت حوالى 6.5لتر واقصى سرعه مشيتها بالمكنه لما كانت جديده كانت 142 km/h ودى حصلت حوالى 4 مرات بس
واسف جدا لو كنت طولت عليكوا
شكرا

[Amo0o0oRa]

بس يا باشا انت عملت 320 كيلو من غير ما تريح انت او تريح المكنه؟ يعنى خدتها دايركت على طول كده؟؟؟
وال320 كيلو دول عملو معاك 6.5 لتر بس؟

[star_is_mesho]

السلام عليكم ورحمة الله
اولا انا بسوق من 2003
وامتلكت ماكنه صينى هامرز 200 شكل الهارلي فى 2005
اقصى مشوار قطعته بها كان 90 كيلو كان ما بين الدائري وجوه البلد واقصى صرعه كانت 110 ومشيت عليها 10 دقايق
والمكنه كانت هاتتفكك
والمكنه ده قعدت معايا 3 سنين حافظها صم
فا انا عايز هيدرا يراجع كلامه ويتأكد منه
اما من اسبوع جبت هوندا 250 فاير
لسسا النهارده عامل 70 كيلو من القاهره الجديده لحد كارفور الصحراوي ورجعت على الهرم
كنت ماشي طول الطريق ما بين 100 و120
بس شديت مع اوكتافيا جبت 160 بس طبعا ما مشيتش عليها اكتر من دقيقه
يعنه مجرد كنت بفهم بتاع الاوكتافيا يعنى ايه هوندا سي بي ار
وشكرا على سعة الصدر


اخوكم محمد حليم

[Diablo]

السلام عليكم هما مشوارين طوال عملتهم والباقى داخل القاهرة
طريق مصر السويس الصحراوى منصحكمش بيه لعدم كفاية الاضاء وكثرة التعاريج بعد الكارتة الطريق مسفلت ومنور جبت فيه 200 كيلو متر بمكنة 600 اف 2 وخوفت ازورد لان الماكنة من ورا ابتدت تعوم
المشوار التانى رحت بلبيس جبت 180

[KHALED2010]

السلام عليكم انا كنت رايح فايد وماشي مع اتوبيس والاتوبيس شد بسرعه وشديت معاه كانت مكنة صينى حلاوة بست 150 وجبت 140 حوالى 10 دقايق ومكررتهاش لا المكنة كانت بترعش منى جامد وبعد كده 100 او 120
خـــــــــــــــــالد

[naser_56]

موضوع حلو وبالنسبه لي كمسافات طويله تقريبا اقصي مسافه مشيتها كانت حوالي 50 كيلو اما اقصي سرعه وصلتها ولله الحمد كانت تقريبا 260 وبعدين خفت علما بأن عدد لفات الماكينه ماكانش وصل 9 الاف لفه من 14 الف لفه يعني كانت مرتاحه خالص بس مش عاوز اقلكم ضغط الهوا كان عامل ايه في وداني وجسمي بمجرد اني افكر ارفع راسي ومكنتش اقدر ارفع راسي من بعد 160 تقريبا وحتي علي ال 160 كانت راسي زي السكران من ضغط الهوا

[Amo0o0oRa]

السلام عليكم هما مشوارين طوال عملتهم والباقى داخل القاهرة
طريق مصر السويس الصحراوى منصحكمش بيه لعدم كفاية الاضاء وكثرة التعاريج بعد الكارتة الطريق مسفلت ومنور جبت فيه 200 كيلو متر بمكنة 600 اف 2 وخوفت ازورد لان الماكنة من ورا ابتدت تعوم
المشوار التانى رحت بلبيس جبت 180

Diablo باشا

انت فصدك جبت 200 كيلو و 180 دى السرعه ولا والمسافه اللى قطعتها؟

[Amo0o0oRa]

موضوع حلو وبالنسبه لي كمسافات طويله تقريبا اقصي مسافه مشيتها كانت حوالي 50 كيلو اما اقصي سرعه وصلتها ولله الحمد كانت تقريبا 260 وبعدين خفت علما بأن عدد لفات الماكينه ماكانش وصل 9 الاف لفه من 14 الف لفه يعني كانت مرتاحه خالص بس مش عاوز اقلكم ضغط الهوا كان عامل ايه في وداني وجسمي بمجرد اني افكر ارفع راسي ومكنتش اقدر ارفع راسي من بعد 160 تقريبا وحتي علي ال 160 كانت راسي زي السكران من ضغط الهوا

260 كيلو دى السرعه؟؟ لييييييييه!!!!!

كنت على طريق ايه يا باشا والمكنه بتاعتك نوعها ايه وكام سى سى؟

[naser_56]

260 كيلو دى السرعه؟؟ لييييييييه!!!!!

كنت على طريق ايه يا باشا والمكنه بتاعتك نوعها ايه وكام سى سى؟

الطريق عادي ممكن تجمع بسرعه علي اي طريق بس المهم في المكنه لازم تكون تجمع معاك بسرعه اما نوع المكنه حلاوه تايجر 150 cc ههههههههههههههه

[Amo0o0oRa]

طب قولى بس انت كنت على انهى طريق؟؟

وانا عارف ان التايجر بتعمل اكتر من كده وبعدين دى 150 بحاااااااااالهم هههههههههههههههه

[naser_56]

يا باشا انا مش عايش في مصر انا شغال في الكويت والطريق علي طريق المطار او طريق صبحان ولو عملت سيرش في النت علي قومات صبحان هتشوف كتير وهتشوف كمان عربيات ملغومه بيكون عليها غاز وتيربو وستروكر بتعدي من الموتسيكلات ال 1000 cc موديل 2009 تخيل كده بقي

[Diablo]

بسرعة 200 كيلو فى الساعة على طريق السويس بعد الكارتة
وبسرعة 180 كيلو وانا رايح بلبيس

[Diablo]

بسرعة 200 كيلو فى الساعة على طريق السويس بعد كارتة السويس
بسرعة 180 كيلو فى الساعة وانا رايح بلبيس

[hedra]

الاول مساء الفل على الموجودين
ثانيا يا باشا 320 كيلو دول مش دايرك والا مكنتش روحت والمكنه سليمه كان الله يرحمها
طبعا كنت بريح كل 40 50 كيلو وعلشان الصوره تكون واضحه كان مشوار شغل (كنت بحصل فلوس من زبائين )
وكنت بريح بتاع ربع ساعه عند كل زبون
ومعلومه للساده اللى ركبو الصينى من اول ما نزل الصينى القديم كفاءه واقوى من البسكوت بتاع اليومين دول
انا عارف انى كلامى مكنش متفسر شويه وده كان علشان مطولش عليكو