مشاكل الدواره

[star_is_mesho]

الموتسيكل ما بيدورش مارش اول مره
لازم اديله زقه بسيطه
مع العلم ان البطاريه جديده وشغاله
ومش كل مره يعملها
واول ما يمشي يتعدل ويفضل طول اليوم شغال عادي
بس هى المره بتاعت اول اليوم
الموتسيكل هوندا سي بي ار 250 فاير


يا ترى ده مشكلة ايه ...وايه الحل
والتكلفه؟

وشكرا

[CRX]

دي مشكلة الموتوسيكلات في الشتاء ... هل بيعمل معاك كده في الصيف كمان؟

هل بتدور باستخدام الـ choke ولا لأ؟؟ ولا باين الـ250 فاير مفيهوش شفاط؟؟

[star_is_mesho]

فيها شفاط
ما بيستجبش كان في حاجهعلى البوجيهات
اول لما اديله زقه يبدأ يستجيب
اما انه يدور بالزقه او لو دورته مارش يدور على طول
بعدين ايه حكاية الشتا ده؟؟؟
مالهاش حل
انا لسسا جايب الموتسيكل من شهر
هو هايشتغللي ولا ايه
ده انا لسسا ما رخصتش
وهاغير الفرده اللى ورا
ارحمنى يا رب

[magna]

متقلقش عيب بسيط

انت ساكن فين؟ اعتقد شفتك في الهرم

عموما مقدرش احددلك ايه الي محتاج يتغير

بس في اكتر من احتمال انه المارش فيه عيب

[HOTSHOT]

لازم تقيس الشحن بالافو . و هوا داير . المفروض ما يقلش عن 12 فولت . لو سبتو داير و الفراية عمالة بتقل عن 12 و ممكن توصل 11 او 11.25 يبقا عنك مشكلة في الاليكتريفاير. و دة تمنو حوالي 350 جنية. . سؤال هوا المرش شغال و الا لأ .؟ يعني بيعتل في الدوارة؟
علي فكرة ممكن يكون عيب بطارية بردو. ابعد عن الصيني و هات كوري او ياباني.
بردو شيك علي البوجيهات .

[magna]

بس على فكره مجبش سيرة ان البطارية بتنام

لو ريكتيفير ويقيس عن طريق الجهاز يبقى لازم يديله 14.5 يا هوت شوت مش 12

لو اقل يبقى في عيب يا في الريكتيفير او الدينامو او في قفله في اسلاك الكهربا او حاجه ملمسه

وممكن بوجيهات هيا الي مسببه عنده تأخير في التشغيل

[HOTSHOT]

لو الكتريفاير بايظ و بتقيس علي السلانسيه حتلاقي القياس بيقل عن 12 لان ما بيشحنش كما يجب . و بتكون الكهرباء جزء منها محمل علي البطارية . لما تزود بنزين يعلا معاك الشحن لانة يبتدي يستجيب علي rpm عالي . ممكن كمان بكون فيه سلك محلول بيهرب كهرباء . كل حاجة لازم يتشيك عليها. بردو ما جاوبتش المكنت بتعتل معاك في اول دوارة و الا ما فيش مرش خالص ؟
ممكن سؤال تاني .. بعد من المكنة بتدور جرب تطفي و دور 4-5 مرات و فلي بيحصل ايه .

[star_is_mesho]

ما بتعتلش
المارش بيشتغل عادي وهي ما بتلقتش
كأني قافل زرار الدواره

[HOTSHOT]

دة كدة اغلب الظن عيب مرش

[nady2006]

ana 3andy nafs elmoshkela bas ana ma3a ya suzuki 250 wghayart elboghat wbardoo mesh 3arf leh wmashla2y 7al

[KHALED2010]

ممكن والله اعلم يكون الشمبر ال حول البستم يكون حصل فيه تاكل فالكبس مش كويس