bmw c1

[ehabnooh]

سلام عليكم
يا جماعه ساعدوني ازاي تقدر تفرق بين العاده و الفاير من الشكل و يعني مفيش اي ميزه في العادة مقارنة بالفاير وهل الريس احسن ولا الكاستم
و طبعاً ميكانيكي الموتوسيكل غير العربيه فيا ترى في ناس كتير بتفهم ولا الواحد هيدوخ...
حاجه حد سمع حاجه عن الموتوسيكل ده bmw c1
محدش يعرف اذا كان حلو ولا تقليعه و سعره كام في مصر هو شكل أأمن و اريح....
معلش تاعبينكو معانا يا خبرا

[magna]

اشتري من معرض مضمون ومش حيغشك عموما الفروق بتبقى واضحه

وشرحناها في المنتدى اكتر من مره راجع الكام موضوع الي عن ال 250 و 400 فاير وعاده حتلاقي الشرح

وبالنسبه للفزبه ديه اظن في منها في مصر ب 35 الف جنيه جديده

200 سي سي او 125 مش فاكر

طبعا 35 في فزبه زي ديه تروح تجيب هوندا 900 موديل 95

سلام

[ehabnooh]

و الله يا ماجنا انا قريت كتير بس مفيش حد اتكلم في الشكل من بره يعني ازاي لو شفت المكنه تعرف على طول
ثم يا اخي مالك محتقر البي ام كده
دي مش فزبه اوي يعني ثم يا راجل دي فيها ABS و حزام امان وليها سقف و مساحات في المطر.
اصلي بصراحه انا قلقان من القعده اللي مش مريحه في الريس. انا بصراحه مجربتوش وبفكر استخدمه بدل العربيه يعني حوالي 20 كم يومياً , ثم انا مش صغير قوي يعني 32 سنه كتير شويه على الريس و الحركات دي.
علشان كده بفكر فيه او حاجه زي الكاستم او الستيد - ده لو في فرق معلش الخبره شبه معدومه -
انت عارف لو الكاستم اللي عندك فضل لحد ما ارجع مصر -طبعاً ربنا يكرمك و متستنانيش ان شاء الله - يمكن يكون ليا نصيب.

[magna]

مش حتقر فزبه او بي ام ولا اي حاجه

لو عجباك اشتريها اصل مبحبش الحجات الصغير 125 او 200

الي يعجبي 600 وطالع عشان الاداء والريس او الكاستم

عادي في ناس بيطلعوا معانا بالريس او الكاستم خصوصا الكاستم

عمرهم 40 سنه وعادي جدا والكاستم بيطلق على الموتورسيكل

الي معمول فيه تعديل في الشكل اساسا لاكن في مصر الكاستم على

الموتورسيكلات الي شبه الهارلي على قولتهم زي الاستيد والماجنا

والشادو الخ بالنسبه لموضوع البيع ده قسمه

ونصيب وان شاء الله ليه نصيبه زي بقيت الموتوسيكلات الي اتباعت

هيا مسألة وقت مش اكتر وبفكر اوديه معرض اعرضه هناك بس افضى

واوديه لان في المعرض الحاجه بتتباع على طول

[ehabnooh]

ربنا يوفقك في البيع ان شاء الله..

[CRX]

ثم انا مش صغير قوي يعني 32 سنه كتير شويه على الريس و الحركات دي.

انا كمان 32 سنة وبركب ريس وكاستم (كروزر) ... عادي جدا.. بس انا ليا في الموتوسيكلات من زماان.. عامة لو مش عاجبك شكل الريس.. هاتلك واحد honda steed


بالتوفيق