ارجو الافادة من حد يكون فاهم

[UnderCOnTrOL]

لو سمحتم يا شباب عايز حد يفيدنى فى الموضوع ده

انا عايز اجيب Rvf 400 Nc 35 او Rvf 750 Rc 45

ياترى هلاقى منه استيراد ولا لأ وعايز اعرف سعره بيعمل فى حدود كام ؟

و لو فكرت ابيعه هخسر فيه جامد ولا هيكون الف او اتنين مثلا ؟

و قطع غياره هتبقى موجوده ولا مبينزلهوش قطع غيار ؟

ملحوظه : انا عارف يا شباب ان ال Cbr هو اللى شغال فى مصر

بس انا بحب ال Rvf اكتر

[Zedy]

بص ياباشا الrvf اقوي من الcbr و الvfr بس مشكلتة سوقة في مصر مش قوي و هتلقي منة استيرد و تقريبا ال400 استيرد عامل في حدود 19 و علي فكرة المكنة دة عيبها انها بتسخن شوية و قطع غيرها موجودة بس مش زي الcbr وربنا يوفقك ياباشا :)

[UnderCOnTrOL]

مممممم حلو الكلام

طيب متعرفش ممكن الاقيها فين والاقى قطع الغيار عند مين ؟؟

وممكن اعرف انت قصدك ايه بأنها بتسخن شوية انا اعرف ان المكنه عزمها اعلى من ال Cbr

وعموما اى سبورت بايك لو مشيت بيها براحه بتسخن ولا انت قصدك انها مع اى استخدام بتسخن على طول

ياريت توضح قصدك ولو تعرف عيوب تانيه متبخلش عليا :))

وانت ايه رأيك لو لقيتها اجيبها ولا استمر فى مسيرة ال Cbr :)

[magna]

ال RVF موتوسيكل متوره مختلف تماما عن ال cbr

عارف ليه لانه v-twin مش 4 in line و بلوك واحد

فا العزم اشد والاكسلرشن اعلى ودور على جوجل على شكله المتور

حتلاقيه V حكاية السخونه فا اي موتورسيكل بيسخن حتى لو زيرو

بس طبعا موضوع السعر فا هو بره سعره عالي جدا لان يعتبر نادر

عن ال cbr فا التجار مبيجبهوش مصر لان مكسبها مش عالي زي السي

وطبعا طالما انت في مصر يبقى تبعد عنه عشان وقت ما تبيع او يقع

وتحب تصلحه تلاقي قطع الغيار بسرعه عارف لو كان زيرو

كنت قلتلك هاته لان مش حتحتاج تغير فيه حاجه

سلام

[UnderCOnTrOL]

تمام
انا عارف يا ماجانا ان الموتور مختلف تماماً ومتفق معاك
وبينى وبينك موتور ال v4 جامد بس مشكلته انه معقد وصعب فى تصليحه
و زى ما انت قولت ان هو نادر وبالتالى قطع غياره غالية
فعشان كده سعره بره غالى و مبينزلش مصر كتير
بس بردو مش عارف كله بيقولى ابعد عن اى حاجه v
وخليك فى السى بى ار بس بردو ال Rvf داخل دماغى اكتر
المهم عايز جواب نهائى :)) اكنسل ال Rvf من دماغى ولا اتوكل على الله و ادور عليه واجيبه
ياريت تقولوى رأيكم لاخر مره :))

[Zedy]

ياباشا انا ركبة مكنة rvf 400 و بجد كانت بشد مع 900 بس المكنة قصدي انها بتسخن اكتر بكتير من cbr و قطع غيارة موجودة بس مش قوي فمتقلقش بس غالية شوية و زي ما قولتلك سوقة في مصر تعبان فنصيحة هتلك 400 فير زي الفل :)

[magna]

كلام زيدي صح هو اشد من ال cbr وكمان

لو داخل دماغك متور V و اعادة البيع خلاص هات كاستم على الاقل

لما تيجي تبيع مش بتخسر فيه او ممكن تخسر 1000 لما تبيعه

عندك الستيد 400 استيراد وفابريكة ب 22 الف تسعينات

لو مبتدأ حتنفعك ادرب عليها وبعد كده ابقى بعها وهات ريس

لان اعرف كذا واحد ابتدى على ريس واتأذى لانه اخف واسرع

انما لو بتعرف تسوق خلاص هات cbr 400 fire b 25000

[UnderCOnTrOL]

طيب انت ركبت سى بى ار بردو يا زيدى ولا لأ

ولو ركبت ياترى ايه اكتر اختلاف بين السى والفى غير انها بتسخن اكتر؟؟

وبما انك ركبت ال Rvf فعلى ياترى ايه رأيك فى المكنه نفسها ؟؟

بعدين خد بالك انا بفكر فى ال 750 مش ال 400 :))

وصحيح متعرفش تكون موجودة عند مين من المعارض ؟؟

[UnderCOnTrOL]

وجهة نظر محترمة يا ماجانا

بس انا بعرف اسوق

وبخصوص الكلاسيك وكده انا مش بحب الكلاسيك بشكل عام :))

بحب السبورت اكتر وال Rvf الفينش بتاعها وشكلها والتكنيك اسبورت اكتر

من ال Cbr والماتور مفيش خلاف عليه بس انت عارف تجار بلدنا

حاكمين السوق بال Cbr

[Zedy]

بص ياباشا هي كا مكنة ممتازة ماشاءالله عليها و هي 32 nc يعني حاجة ماشاءالله و عيوبها الوحيدة اللي لحظتها السخونية غير كدة معرفش لاني بصرحة مركبتهاش كتير و معلومة انا حرقة علي الاول بتعها لحد 90 و نقلة مع اني كانت ممكن اكمل :D و متسالنيش ازاي و لما سالة صحبها قالي انها تقدر تجيب لحد 110 مع العلم ان الاول بتاع ال900 هو 120 بس بردة ارجع و اقولك ابعد عنها عشان سوقها و قع في مصر و قولي انت معاك كام و انا هقولك تقدر تجيب بيهم اة و ان شاءالله خير :)

[UnderCOnTrOL]

تمام يا زيدى بس انت تقصد Nc35 مش 32

وعلى العموم انا هنزل ابص عليها واشوفها على الواقع وهاخد القرار النهائى

والمشكلة يا زيدى مش ان انا مش عارف اجيب ايه هى الفكره كلها

ان المكنة عجبانى مش اكتر وعموما انا بتكلم فى 27

[Zedy]

اووب سوري ياباشا غلطة مني معلش و بصرحة انا معاك ان المكنة ممتازة و شكلها روش و خصوصا حكاية العجلة اللي وارة :d و علي العموم 27 دول تقدر تجيب بيهم حاجات كتير ممكن تجيب بيهم 900 موديل 95 او حتة استيد و انت شكلك فاهم ماشاءالله فاكيد انا مش هقولك تقدر تجيب اة بس انا بنصحك ابعد عنها عشان هتتعب معها و ربنا يكرمك و تجيب حاجة حلوة بس انا كان عندي راي تاني كدة متجبلك عربية احسن :d

[UnderCOnTrOL]

ولايهمك يا باشا جل من لا يسهو وخد بالك المكنه دى كمان فى التعديل بيبقى شكلها فاجر عن ال cbr
وزى ما انت قولت كده لو هظبط cbr هحاول اكمل واجيب 900 والاستيد هيكون صعب لانى مش بحب الكلاسيك
وبعدين انا مش قصدى انى اقول انك مش هتقدر تقولى اجيب ايه وانا عارف انك بتنصحنى وعايز تفيدنى بدل وجع القلب :D
وانا فعلا كنت محتاج النصيحة دى من حد فاهم زيك كده يا باشا و زى ماجانا بجد انتوا فيدتونى جدا انا كان قصدى بس انى محدد لو مش هجيب ال Rvf هجيب ايه ;)
اه صحيح بالمرة كنت عايز اسألك على حاجة بما انك جبت سيرة الجنوط :D متعرفش جنط التسعميات كامل بالكوتش جديد يعمل كام ؟؟
وبخصوص العربية
رأى محترم جدا بس لو العربية موجوده يبقى الحل ايه :D

[Zedy]

والله ياباشا معرفش بس ممكن اسالك انت تامرني
لو العربية موجودة يبقة سقط ماتور و عفشة و عيييييييييييش :p :d

[bikerbsa]

بص يا باشا rvf علي كتين و هوة بيسخن بس في البلد من الاخز عايز سكة سفز Cbr علي تزوس و مشاكله اقل و لو عايز rvf ممكن اجبهولك بس تستنه شهز
buy a cbr better