ارجو الافادة و شكرا

[Mzeid]

لو سمحتم يا شباب أنا عندي 2 اصحابي عايزين يشتروا ريسات و اخرهم 20 أو 22 بالكثير فكنت عايز افيدهم في الموضوع دة ..
فكنت عايز اعرف ايه الحاجات المتوفرة في الحدود دي و موديل كام .. ؟
و يا ترى موديلات 2000 2001 عاملة كام
و هم بيشتروا يبصوا على ايه اهم حاجة
و يلاقوا عند مين سواء في القاهرة او الاسكندرية
و شكرا مقدما ..

[MoDA10]

لو 20 يبقى هوندا cbr 250 فاير استيراد ودى انضفها بيعمل 19

او 400 cbr فاير استعمال نضيف

و 22 ممكن يظبط cbr 400 فاير استيراد بس ممكن يحتاج انه يزود الف ولاحاجه

والموديلات معاك من 91 لحد 98 والموديل مبيفرقش فى السعر كتير هنا فى مصر

لان محدش بيركز فى الموديل لان مفيش فرق كبير والشكل بيبقى هو هو

اهم حاجة حالة البايك واهم حاجة يبصوا عليها الفايبر فى تجريح ولا لأ او كسور مثلاً

والشكمان بردو والشاسيه فى لحام ولا لأ

واهم حاجة الموتور متغير قبل كده ولا لأ وخد بالك

الموتور اهم حاجه فى البايك والكلام ده هيحتاج ميكانيكى كويس طبعاً

وعموماً المعارض والحاجات الاستيراد بتبقى نضيفه

بس لازم بردو تاخد معاك ميكانيكى يشيك بردو على البايك احتياطى

انما لو حاجه استعمال ومعلقة نمر يبقى تركز على الكلام اللى فوق ده

والاماكن مش هقدر افيدك غير فى القاهره بس :))

ودى اسماء المعارض وعناوينهم

ايمن فوزى : 82 مصطفى النحاس مدينة نصر

وفى واحد فى 81 معرض اسمه سوبر بايك بتاع واحد اسمه هيثم لطفى

وائل بيلد : 52 عمارت صقر قريش مساكن شيراتون مصر الجديده

احمد فهمى : العجوزه انزل عند عز العرب واسأل اى حد هناك عنه

موتو جى بى : 12 كمال الشافعى ميدان الاسماعيلية مصر الجديده

ولو فى اى استفسار تانى انا تحت امرك ,,,

[Mzeid]

شكرا لسرعة رد حضرتك

[MoDA10]

العفو ,,,

وصحيح بالنسبة لسؤالك عن موديلات 2000 و 2001

اسف مخدتش بالى غير دلوقتى : )

على العموم بتتكلم فى حالة نضيفة من 38 لحد 45

او أزيد الف او اتنين حسب الحالة ..