هندي يخترع جهاز يلغي دبرياج السيارة المانيوال

[commboola]

السلام عليكم ,,
تحية طيبة

لقد بحثت عن جهاز يضرب الكلتش (الدبرياج ) اوتوماتيك وهو جهاز هندي


Convert Your Car to a Semi-Automatic Car

لكن لا اعلم اذا كان هناك طريقة لنشر الجهاز بمصر والدول الاخرى

وشكرا

وهذا جهاز اخر

automate

[fefe]

ده هيوفر المبلغ الخرافى بتاع الفتيس الاتوماتيك بس فى نقطه لو سواقت حضرتك رياضيه مش هتعرف تتعامل لان انتا بتبقى على الرابع مثلا وتيجى ضاغط دبرياج ومديها التالت وطبعا انتا اسرع من الجهاز
وكمان فى ناس بتونس درياج كتير وانا واحد من الناس لما اعوز احرق وانا ماشى براحه مديها الاولانى ومونس دبرياج وكابس بنزين تمشى براحه وصوت المتور بيبقى عالى جدا وطبعا كله من عمر الديسك والاسطوانه

[Egyzizo]

اختراع ممتاز ..
وهيدى آداء قريب من الاوتوماتيك
وفى نفس الوقت مافيهوش مساوئ الأوتوماتيك اللى هى السعر الغالى , واستهلاك البنزين العالى.

فكرة عمله هنـــــــــــا

[commboola]

كلام جميل
بس ازاى هيركب على العربيات المنيوال فقط؟

فكرة العمل هي انك الجهاز بيقيس بحساسات Sensors سرعة العربية وال ار بي لم بتاع الموتور وعلى اساسها بيدي المعلومات للكمبيوتر والكمبيوتر زي الروبوت بيضرب دبرياج على اساسهم

ومن ناحية الفيتيس الفيتيس زي ماهو بس هتلزق في الفيتيس زرار لازم تتك عليه لما تيجي تنقل عشان الروبوت يضرب الدبرياج على الاخر عشان تعرف تنقل

وفي اي لحظة عاوز توقف الجهاز بتختار Off

فالعربية زي ماهي يعني ممكن تحط رجلك على الدبرياش والجهاز بيحركه

[ashouhdy]

يا جماعة دى الترجمة :

الجهاز دة عبارة عن دراع بيركب فى البرياج من تحت تدوس ع الزرار الدراع يسحب الدبرياج تسيب الزرار الدبرياج يرد تانى كأن بالضبط واحد بيدوسلك بدالك و انت بتقولة دوسلى عن طريق الزرار

طب الزرار دة فين؟

الزرار بيركب على راس الفتيس ذى كفر ... تيجى تنقل تقوم دايس الزرار و تدى الغيار و انت لما دوست الزرار قام الدراع تحت شد الدبرياج و انت نقلت عادى كأنك دايس دبرياج ... أول ما الفتيس يعشق انت بتسيب الزرار يقوم الدبرياج يرجع تانى و تسوق عادى !

فكرة الحساس ؟

الحساس دة بيقيس الار بى ام بتاع العربية لقاة وطى اوى والعربية حتبطل و انت مدوستش ع الزرار يروح اوتوماتيك دايس هو

هى دى فكرتة

بس اعتقد لو واحد ذى مثلا غاوى حرق حخرب الجهاز دة فى اول شدة لأنة حيتجنن من رابع لتانى لتالت لتانى و هكذا !!!!!!!!!!!!

[Tayer]

الهنود بيفكرو و دماغهم نضيفه

[د.محمود صلاح]

فكرة حلوة جدا جدا

[magomago]

نقدر نقول نص اتوماتيك ؟
لان الفتيس بنشغله عادى
بس ناس بتفكر
يستر علينا ربنا

[vayron]

طب يا خونا والطلعة الاولانية أية أخبارها

بيحس بوزنة رجلك مع البنزين إزاى

[MOSHAKS]

طب يا خونا والطلعة الاولانية أية أخبارها

بيحس بوزنة رجلك مع البنزين إزاى

اعتقد الطلعه الاولانيه بتاعتك انت يعنى انت اللى هتحرك العربية من الثبات وبعد كده هو يقوم بعمله:b4_033:

[Terrible_DaRsH]

طب يا خونا والطلعة الاولانية أية أخبارها

بيحس بوزنة رجلك مع البنزين إزاى

تقريبا تدوس بنزين و تسيب الزرار شيء فشيء , بس دى تبقي رخمة اوى .

الجهاز ده مش معجزة يا جماعة , و اكيد سعره عالى و تركيبه بياخد وقت , الاوتوماتيك اوتوماتيك برده , ممكن فرق السعر يخليك تجيب اوتوماتيك و خلاص .

[kisho55555]

فكرة بردوا حلوة ... بس مش هيلاقى انتشار ولا اقبال كبير فى مصر عشان محدش هيفهم تركيبه او حتى استخدامه الصحيح