تعديلات مروريه ومحاور جديده ... بمناسبة الصيف بالاسكندريه

[amr.elsayed]

التخطيط الشامل لتطوير الإسكندرية حتى عام2050

يا جماعة انتوا مستعجلين ليه كدة ... اصبروا شوية ... كلها 40 سنة وترجع اسكندرية زى ما كانت مع احترامى لكلمة تطوير

[elmadawy]

لا تعليق اصل اللي ما يعرفش بيقول عدس !!!!!!!!!!!!!!!!!!!!!!

[grumby78]

والله الراجل ده سبب نكسة المرور اساسا....ده عمل اسكندرية خرابة منه لله ربنا المنتقم
لا شوارع عمومية عارفين نمشى ولا شوارع جانبية

ياجدعان ده حتى الركنة مبقناش نلاقيها بسبب التكسير ..والطوب والرصيف يتكسسر ويتساب بالشهور فى الشوارع
ولا حول ولا قوة الا بالله


لا وايه لما فكر يطور قال ايه كلف مكتب استشارى لوضع علامات تسهل على الناس طريقها هههههههههههههههه
والله كلام محشش مش واحد عاقل

ياسلام قلت اللي في قلبي واللهي .....انا ساكن في لوران ودخلنا غاز من اكتر من سنتين وكسروا الشارع عندنا وعملوا رصفان جديدة ....شوف الجمال وسابوا الشارع مكسر زي ماهوه ...تراب وعفرة واخر بهدلة ..منك لله يامحافظ اسكندرية

[strongxx]

تم وقفك اسبوع لمخالفه قاعده رقم 6 بند ب ونصها
ب- بالنسبة للمواضيع ذات الصبغة السياسية:
فبالرغم من ان سياسة المنتدى تقوم على المساهمة فى إصلاح المجتمع ، فيما يعطى مساحة لانتقاد سلبيات المجتمع وسلبيات الأداء الحكومى فيما يخص الخدمات الموجهة لأفراد المجتمع، إلا ان المنتدى يلتزم بشكل صارم بعدم توجيه اى انتقادات سياسية خارج مجال السيارات لأى شخصية موجودة فى السلطة حاليا سواء تم تعريف هذة الشخصية بالإسم أو بالتلميح المباشر، كما يلتزم المنتدى بعدم توجيه اية اهانات او سخرية سواء كان ذلك فيما يخص السيارات او فيما لا يختص بها، لأفراد موجودين فى السلطة فى الوقت الحالى، سواء تم تعريفهم بالإسم او التلميح المباشر ،كما يلتزم المنتدى بعدم ترويج ايه افكار لحزب سياسى ما او جماعة سياسية معينة او تنديد بالسلطة نظرا لخروج ذلك عن اختصاص المنتدى .
ستعامــل هــذهالمشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه


مشرف عام 4

[Michael_Lanos]

تعديلات فى الطرق جميل جدا
عقبال ما يعدلوا دماغ الناس نفسها

[omar-saad]

الاسكندرية كانت عروس البحر الابيض المتوسط
دلوقتى بقت
عجوزة البحر الابيض المتوسط
الله يرحم ايامك يا عبد السلام

[mustafaibrahim]

لا تعليق اصل اللي ما يعرفش بيقول عدس !!!!!!!!!!!!!!!!!!!!!!

فعلا الراجل ده دمر اسكندرية

[adel1414]

حسبى الله ونعم الوكيل...

[SaLM!Na]

مش كفاية منطقة سان ستيفانو اللي مافيهاش ولا نفق و كل يوم حد بيموت و هو بيعدي
و كمان منطقة كارفور طريق سريع و برضه مافيهاش اي وسيلة حماية

[Michael_Lanos]

المحافظه عندنا محتميه انها تشيل الرصيف القديم وتعمل جديد، وتشيل الجديد وتعمل جديد، وتكسر الارض وترصفها وتكسرها تانى وترصفها

لكن المناطق العشوائيه زي ماهي والانفاق واشارات المرور الخربانه .... كل ده فى البطاطا

[thegoodhacker]

ياريت بس يرجع اسكندرية زي ماكانت ايام عبد السلام المحجوب

[mesho_kimi]

أسكندريه ماتت خلاص ، وكل ده ولسه ملقاش العمل بتاعه اللي تحت الرصيف :))

[Khalid_Mostafa]

للإسف الناس بتررد الكلام الي بيقولوه المقاولين و خلاص و طبعاً السبب معروف ليه المقاولين مقروفين منه .

مش فاهم يا جماعة...انتم عايزين الدنيا تتصلح في يوم وليلة و لا ايه ؟؟

ولا نرجع لعهد المجوب الي كان سايب الدنيا سداح مداح و ضحك علينا بشوية نوافير و جداريات ؟؟؟

ثم مهو البحر كان متكسر في عهد المحجوب ؟؟ محدش كان بيشتكي ليه ؟؟؟؟

دي حمله من المقاولين المخالفين و حيتان البناء لأنه ضيق الخناق عليهم .

[Michael_Lanos]

للإسف الناس بتررد الكلام الي بيقولوه المقاولين و خلاص و طبعاً السبب معروف ليه المقاولين مقروفين منه .

مش فاهم يا جماعة...انتم عايزين الدنيا تتصلح في يوم وليلة و لا ايه ؟؟

ولا نرجع لعهد المجوب الي كان سايب الدنيا سداح مداح و ضحك علينا بشوية نوافير و جداريات ؟؟؟

ثم مهو البحر كان متكسر في عهد المحجوب ؟؟ محدش كان بيشتكي ليه ؟؟؟؟

دي حمله من المقاولين المخالفين و حيتان البناء لأنه ضيق الخناق عليهم .

ابسط مثال شوارع الابراهيميه داخله فى 4 شهور متكسره ولا حد معبرها ... ياترى ايه السبب ؟

[Khalid_Mostafa]

ابسط مثال شوارع الابراهيميه داخله فى 4 شهور متكسره ولا حد معبرها ... ياترى ايه السبب ؟

طبعاً انا مش عايز افتي و ادافع و خلاص ولكن قد يكون سبب من اتنين :
- لأنهم بيقوموا بتجديد البنية الأساسية في نفس الوقت
-تأخر الأعتمادات المالية مما يجعل المقاولين المنفذين يتوفوا عن العمل حتي صرف مستحقاتهم و التأخير ده بقي لا يقدر عليه محافظ و لا سفير...دي وزارة المالية و كل المصالح الحكومية بتعاني من هذه المشكلة و الي شغال في قطاع عام او ليه شغل معاهم حتلاقيه عارف القصة دي كويس اوي