الرئيس مبارك يتدخل لمنع تسيير المقطورات

[fido377]

معظم دول العالم منعت المقطورات من زمان... وبجد القرار ده اتأخر كتير جدا ولما الحكومه من سنتين اخدت قرار بمنع المقطورات وحصل اضرابات من السواقين واصحاب النقل قررت تديهم مهله بس للاسف الناس طنشت على امل ان لما المهله تنتهي يحصل اضراب جديد ويتمد المهله تاني...
بالنسبه لتأثر منع المقطورات على حركه الشحن ده كلام فاضي علشان التريلا ممكن تسحب كونتينر 40 قدم بس المشكله مكنتش في المقطورات بس لازم يكون فيه تشديد على النقل في السرعه وكمان في الحارات الي بيمشوا عليها مينفعش نقل يمشي في الحاره الشمال لازم يكون فيه تشديد في القانون على انه مصرح ليهم يمشوا بس في الحاره اليمين حته لو هيمشوا طوابير ورا بعض مش تلاقي عربيه نقل بمقطوره ماشيه بتعمل غرز من الشمال لليمين دية كارثه

[MaZaGAngeE]

فيدو بيه كلامك مظبوط فيما يخص الشحن للمواني لأن الكونتينر محكومة بمقاسين 40 , و 20 قدم و مش مسموح بتجاوز في الوزن ,,, لكن الشحن المحلي فيه حمولات بتصل ل 100 طن الجرار و المقطورة و هوه ده الشحن اللي قصدي عليه انه هيغلى ...
و فعلا أسلوب سواقين النقل و تعاطي أغلبهم للمخدرات هوه المشكلة مش نوع العربية
الحكومة هتلغي المقاطير و تنزل التريلات لكن السواقين متغيروش همه همه يبقى معملناش حاجة و بدل ما كانت مشكلتنا المقطوره هتبقى المشكلة التريلا ..

[ahmedsamir79]

القرار ده صح

[fakoussa]

كل حاجة لازم تصدر بتعليمات من سيادة الرئيس و له الشكر . اما باقى الحلاليف اللى شغالين من وزراء و محافظين اغلبهم متخلفين و نايمين فى العسل

[fido377]

فيدو بيه كلامك مظبوط فيما يخص الشحن للمواني لأن الكونتينر محكومة بمقاسين 40 , و 20 قدم و مش مسموح بتجاوز في الوزن ,,, لكن الشحن المحلي فيه حمولات بتصل ل 100 طن الجرار و المقطورة و هوه ده الشحن اللي قصدي عليه انه هيغلى ...
و فعلا أسلوب سواقين النقل و تعاطي أغلبهم للمخدرات هوه المشكلة مش نوع العربية
الحكومة هتلغي المقاطير و تنزل التريلات لكن السواقين متغيروش همه همه يبقى معملناش حاجة و بدل ما كانت مشكلتنا المقطوره هتبقى المشكلة التريلا ..

يبقه المشكله الرئيسيه انه لازم كان يتعمل دراسه صحيحه عن نسبه تأثير الشحن على سعر الحموله وفي حاله الزياده المنطقيه يبقه مفيش مشكله لأن المكاسب من وقف المقطوره هتكون اكيد اكبر..
ومش معقوله معظم دول العالم لما وقفوا المقطوره مكانوش عارفين تأثيرها على ارتفاع الاسعار وعلى فكره فيه دول كتير افقر من مصر ودول مجاوره لمصر وممنوع فيها المقطوره..

تاني حاجه فعلا لو متعدلش قانون المرور على الطرق السريعه يبقه اكنه محصلش اي حاجه وهقولك على حاجه جميله في الامارات مثلا في الطريق الي رابط ما بين ابوظبي ودبي في الجزء بتاع ابوظبي مش مسموح للنقل انه يمشي غير على الحاره اليمين بس فتلاقي النقل ماشي طابور ورا بعض لكن في الجزء بتاع دبي مسموح ليهم يمشوا على حارتين يمين وفي النهايه بتلاقي السواقين ملتزمين جدا بالموضوع ده يعني ماتلاقيش في الجزء بتاع ابوظبي نقل يحاول يعدي العربيه الي قدامه علشان لو اتمسك فيها غرامه كبيره اوي ولو اتكرر المخالفه ممكن توصل لعقوبات اكبر انا سمعت انها ممكن توصل لحبس وترحيل بره البلد للوافدين (مش متأكد) ..

[fido377]

كل حاجة لازم تصدر بتعليمات من سيادة الرئيس و له الشكر . اما باقى الحلاليف اللى شغالين من وزراء و محافظين اغلبهم متخلفين و نايمين فى العسل

اظن ان مفيش شكر على واجب والمشكله الرئيسيه ان فيه ناس كتير ماسكه مناصب ومش فاهمه المتطلبات الوظيفيه بتاعتهم ايه وهما قاعدين في السبوبه الي اسمها مصلحه حكوميه وركز على كلمه مصلحه


الحل الوحيد علشان البلد حاله ينعدل هوه ديكتاتوريه القوانين يعني من الاخر القانون يطبق على الكل بلا استثناءات

[ahmed76]

معظم دول العالم منعت المقطورات من زمان... وبجد القرار ده اتأخر كتير جدا ولما الحكومه من سنتين اخدت قرار بمنع المقطورات وحصل اضرابات من السواقين واصحاب النقل قررت تديهم مهله بس للاسف الناس طنشت على امل ان لما المهله تنتهي يحصل اضراب جديد ويتمد المهله تاني...
بالنسبه لتأثر منع المقطورات على حركه الشحن ده كلام فاضي علشان التريلا ممكن تسحب كونتينر 40 قدم بس المشكله مكنتش في المقطورات بس لازم يكون فيه تشديد على النقل في السرعه وكمان في الحارات الي بيمشوا عليها مينفعش نقل يمشي في الحاره الشمال لازم يكون فيه تشديد في القانون على انه مصرح ليهم يمشوا بس في الحاره اليمين حته لو هيمشوا طوابير ورا بعض مش تلاقي عربيه نقل بمقطوره ماشيه بتعمل غرز من الشمال لليمين دية كارثه

+111111111111111

[amr100]

يا ريت يتفذ القرار