هل ستسطيع تويوتا فورتشينر المنافسة فى السوق المصرى بهذا السعر !!!

[Sharky]

قررت شركة تويوتا الدخول الى السوق المصرى عن طريق التجميع المحلى الذى سيتم فى مصنع الشركة المصرية الأمريكية .


سيكون باكورة الإنتاج فى بداية عام 2012 بالسيارة suv فورتشينر رغم توقعات اغلبية المصريين كانت تنحصر فى تجميع الكورولا أو الياريس الأكثر انتشارا فى مصر



الفورتشينر التى سيتم تجميعها فى مصر ستتوافر بمحرك 4 سلندر - 2700 سى سى - 157 حصان



لكن المفاجاة الاكثر من اختيار السيارة التى ستجمع فى مصر كانت فى تسعير هذه السيارة

فقد اتخذت تويوتا ايجبت قرارا بان سعر فورتشينر المجمعة محليا المبدئى سيكون 350 الف جم !

و خاصة اذا علمنا ان منافستها فى السوق المصرى ممن يتم تجميهم محليا هم :
1- جيب شيروكى (تجمع فى نفس المصنع) سعرها 330 الف جم (أقل 20 الف جم)

2- شيفروليه كابتيفا سعرها 280 الف جم (أقل 70 الف جم )

3- bmw x1 سعرها 330 الف جم (أقل 20 الف )

لذا سيبقى السؤال مطروحا هل ستسطيع تويوتا فورتشينر المجمعة محليا المنافسة بهذا السعر فى السوق المحلى ؟

[mazagngi2010]

ده استهبال رسمى هاى لوكس ومتقفله وب350 الف
ده مين ضحك عليهم وشارلهم الشوره السودا دى؟

[welloo]

ده استهبال رسمى هاى لوكس ومتقفله وب350 الف
ده مين ضحك عليهم وشارلهم الشوره السودا دى؟

هههههههه والله عندك حقك

[M.Osman]

معقولة يعلنوا السعر قبل ما العربية تشوف النور ؟!!

غريبة دي...
طب يستنوا عشان الناس متتصدمش

[yasso0101]

خبر ممتاز والمنافسه دي في صالح العميل طبعا

[Rsarabia]

و ايه اللى يخلينى اجيب عربية زى دى لما يكون قدامى الشيروكى و الx1 الجديدة ؟؟؟؟؟؟؟ و بنفس السعر

[MaZaGAngeE]

خبر ممتاز والمنافسه دي في صالح العميل طبعا

عميل ايه اللي العك ده في صالحه !!!!

[ramy01011]

هما فاكرين نفسهم في الخليج

[M.Osman]

هما فاكرين نفسهم في الخليج

ده على اساس ان الخليجيين ملهومش في العربيات و بيتضحك عليهم و لا على اساس اية ؟

[ahmedbeirut123]

الفورتشينر التى سيتم تجميعها فى مصر ستتوافر بمحرك 4 سلندر - 2700 سى سى - 157 حصان

هتفشل طبعا لان منافستها الجيب ليبرتى 6 سلندر 3700 حصان وب320 الف

[mazagngi2010]

ده على اساس ان الخليجيين ملهومش في العربيات و بيتضحك عليهم و لا على اساس اية ؟

يتهيالى علشان
بيعشقوا اى حاجه اسمها تويوتا مهما كانت

[ahmzd]

السلام عليكم ورحمة الله وبركاته.. أنا أيضا أعتقد أن هذا السعر سيكون مبالغا فيه جدا.. عموما ربما يكون هذا الإعلان بمثابة جس نبض للسوق، أوفرقعة تجارية حتى إذا ما نزلت السيارة ب 300 ألف ( فقط ) نحمد الله على ال 50 ألف الوفر التي جاءتنا من عند الله.. أنا على حد علمي أن هذه السيارة ف السعودية لا يتجاوز ثمنها 100 ألف ريال فقط.. هذا والله أعلى وأعلم و....... لك الله يا مصر!!!!!!!!!

[د.محمود صلاح]

ستستهدف فئة معينة من السوق

[MOUSTAFA_SAAD]

bmw x1 افضل منها بمراحل وكفايه انها المانى وبى ام

ممكن يكون المصنع حيصدر انتاجه لبعض دول الشرق الاوسط وافريقيا زى ما بيحصل مع مصنع تويوتا فى جنوب افريقيا اللى بيصدر انتاجه لمصر وعدة دول افريقيه

[omar-saad]

350 الف لما ....................
الجيب شيروكى والx1 برقبتها
مع انى من اشد محبى تويوتا
بس دة استهبال رسمى
ربنا يهدى