توقف حركة السير فى نفق السلام

[Karim_Monir]

كتب كريم منير من واقع الأحداث

تنبيه لكل من يتجه من التجمع الخامس فى اتجاه المرج والقلج وطريق اسكندرية الزراعى
مستخدمى نفق السلام
الحركة متوقفة تماما فى النفق بسبب حفرة كبيرة فى اخر النفق
تسببت فى تعطيل سير السيارات وتوقف الحركة

ونوافيكم بمزيد من الاخبار أولاً بأول
سلم الله طريقكم


كريم منير

[BLACKVERNA]

جزاك الله خيرا

[ecybrarian]

والحفرة دي طلعت فجأة!!!

[Karim_Monir]

لاء اتعملت من تجمع الامطار وكل ما تتردم تتعمل غلط وتظهر تاني

[ecybrarian]

لا حول ولا قوة إلا بالله..يعني حتة حفرة في مكان حيوي زي دا مش عارفين يصلحوها!!!!

[kar!m]

على فكرة الحفرة دى موجودة من زمااان .. ودايما وانا داخل النفق اخد شمالى عشان ممشيش عليها .. بس تقريبا كبرت من كتر العربيات النقل اللى بتمشى فى النفق.

[cyborg_ift]

لا حول ولا قوة الا بالله

[أبو صلاح]

انا لبست الحفرة دي مرة قبل كده من سنة وكنت ماشي على 90كم/س
والله شفت الموت بعني

[تامر.محمد]

معنى ان المطرة عملتها تاني انهم كانوا رادمينها تراب بس !!!!
كل الحفر في الشوارع الجانبية باشوفهم بيردموها كده و بترجع تاني مع المطرة , بس ما تخيلتش ان ده يحصل مع الدائري

[أبو صلاح]

المشكلة ان الحفرة دي وانت خارج من النفق في نص الطريق
فانت بتبقى واخد سرعتك لانك خارج على مطلع والطريق بيوسع هوب فجأة واحدة تلاقي الحفرة دي قدامك وانت مش هتشوفها الا لما تقرب تلبس فيها
هتبص تلاقي في المرايا وراك عربيات يعني لو ضربت فرامل هيلبس فيك ولو كلت الحفرة هتتبهدل زي ما انا شفت الموت بعني
ومش هتلحق تفاديها لا يمين ولا شمال لان حجمها كبير جدا

[أبو صلاح]

معنى ان المطرة عملتها تاني انهم كانوا رادمينها تراب بس !!!!
كل الحفر في الشوارع الجانبية باشوفهم بيردموها كده و بترجع تاني مع المطرة , بس ما تخيلتش ان ده يحصل مع الدائري

المصيبة انها مش مردومة رمل
للاسف ده اسفلت

[logger]

علي فكره انا شوفت الحفرة دي من 10 ايام وكانت تقريبا بعرض الطريق كله في اتجاه المرج ولازم تقوف قبلها عامله كدا زي المطب الصناعي وبعدها حفره يعني لو عربيتك واطية هتتحك من تحت ولو مركب كساحة امامية ممكن تتكسر
وربنا يستر

[sherif_84]

بصراحة ياجماعة انا رأيى ان الرئيس مبارك يمشى فى كل الشوارع لان بصراحة الشوارع بتتسفلت كويس قوى قبل ما بيمشى فيها زى مثلا مزلقان مترو مصر الجديدة اللى قدام دار المدفعية بقاله 3 سنين بدون مبالغة بايظ ومتكسر أخر قرف وما تعملش صح الا لما الرئيس حضر الافطار المجمع فى دار المدفعية فى شهر رمضان اللى فات بالطريقة دى الشوارع كلها هتبقى فل بس المشكلة تعب على الرئيس يقعد يلف بالعربية و الموكب بتاعه شوراع المحروسة كلها ربنا يكون فى عونه بقى ..