40 بلطجيا يغلقون طريق القاهرة الاسماعلية الصحراوي

[Karim_Monir]

القاهرة:
ادى تظاهر 40 مواطن لم يحصلو على شققهم التى وعدتهم بها محافظة القاهرة منذ سنوات
الى اغلاق تام لطريق مصر الاسماعيلية الصحراوي قرب موقف سيارات العاشر
مما ادى الى تعطيل الحركة المروريه تماما وتحويل السيارات القادمة من مدن العاشر من رمضان والشروق والعبور الى طريق القاهرة السويس
والذي يعاني من تكدس بالفعل لوجود قطع جيش على جانبيه
مما ادى الى تاخر عدد كبير من المواطنين في العودة الى اعمالهم
وتكدس عربات نقل البضائع والتى بدات بالنقل في اول يوم بعد اعادة افتتاح الموانئ

كريم منير
لنايل موتورز

[yahiahelaly]

عانيت من الموضوع دة اول امبارح كمان من اول نزلة كوبري الحرفيين ومكملتش دخلت من جنب البنزينة وطلعت الدائري زل بعيد عنك حوالي 3 ساعات

[Nile Heart]

القاهرة:
ادى تظاهر 40 مواطن لم يحصلو على شققهم التى وعدتهم بها محافظة القاهرة منذ سنوات
الى اغلاق تام لطريق مصر الاسماعيلية الصحراوي قرب موقف سيارات العاشر
مما ادى الى تعطيل الحركة المروريه تماما وتحويل السيارات القادمة من مدن العاشر من رمضان والشروق والعبور الى طريق القاهرة السويس
والذي يعاني من تكدس بالفعل لوجود قطع جيش على جانبيه
مما ادى الى تاخر عدد كبير من المواطنين في العودة الى اعمالهم
وتكدس عربات نقل البضائع والتى بدات بالنقل في اول يوم بعد اعادة افتتاح الموانئ

كريم منير
لنايل موتورز

كريم باشا ان شاء الله تكون بخير

اسمحللى اختلف مع على عنوان الخبر (واللى تغير داخل الخبر نفسه)..فهؤلاء ليسوا بلطجيه بل مواطنون..واعتقد ان الايام الماضيه اثبتت لنا ان التظاهر هو الوسيل الوحيد لنيل حقوقنا بشرط السلميه.

واذا قال احد ان قطع الطريق لا ينطبق عليه كلمة سلميه..أرد عليه بأن قطع الطريق هو وصف خاطىء للفعل..والاصح هو تعطيل المرور..وهذا مايفعله كل العالم المتحضر فى مظاهراته حتى يحس الناس بما يجرى..اما ضيق الناس من هذه العطله فهو مفهوم طبعأ..ولكنه الثمن الذى ندفعه جميعا بشطل تضامنى لتحسين الدوله والوضع.

كلنا مظلوم وكلنا مهان..ولابد ان نتحمل جميعنا ثمن الاصلاح..وانا نفسى تأثرت فورأ بما حدث فى صوره عدم زيادة مرتب وتخفيض المزايا بشده وربما يكون هناك تخفيض للمرتب بعد عدة اسابيع..

وما نيل المطالب بالتمنى ولكن تؤخذ الدنيا غلابا

[MASERATI]

السلام عليكم و رحمة الله و بركاته

هما دول نفس البلطجية اللى كان الحزب الوطنى جايبهم عشان يفضوا مظاهرة التحرير و لا دول غيرهم , أصل بتوع مظاهرة التحرير دول برضه, كانت محافظة القاهرة واعداهم بشقق لو كانوا فضوا المظاهرة و الظاهر أنها ضحكت عليهم .

الجزيرة كانت قايلة كده امبارح !!!!؟؟؟؟

[dr-mohamed]

كدة احنا خرجنا من نطاق الحرية الي الفوضي
ولو كل واحد فيه حاجة مش عاجباه خرج وقطع الطريق يبقي مش هنخلص ولا نشتغل
مرة 40 ماخدوش شقة مرة 40 اخدوا مخالفة مرة 50 اترفدوا مرة 40 سقطوا في الامتحان مرة 40 مش لاقيين حاجة يعملوها
كدة مش احتجاج كدة تخريب
والعالم المتحضر في تظاهراته بيكون على الرصيف او في شوارع محددة وبيتم قبلها تعديل مسارات المرور مش كل واحد مش عاجباه حاجة ينزل يقطع الطريق
والجزيرة دي احترنا معاها كل يوم بكلمة مرة دول بلطجية الحزب الوطني مرة الخيالة بتوع الهرم مرة مواطنين المحافظة وعداهم بشقة

[shaddadfalcon1]

انا برده اختلف علي كلمة بلطجيه لو كانو فعلا ناس بتطالب بحقها وده ميبررش قطعهم للطريق العام وتعطيل مصالح الناس