حادث مروع بالطريق الدائري قبل نزلة طريق الأسماعيلية

[محمد محمد]

كتب-محمد محمد
وقع حادث مروع(مساء الخميس) علي الطريق الدائري قبل مخرج طريق مصر الأسماعيلة مما اصاب حركة المرور بالشلل التام في الأتجاهين حيث لجأ السائقون الى استخدام الأتجاه الأخر(طريق السويس) في الأتجاه العكسي مما اصاب الأتجاهين بالشلل التام ولوحظ ان ان هناك مايقرب من 12 سيارة مصطدمة ببعضها بينهما 3 سيارات ميكروباص احدهما مهشمة تماما ولوحظ علي يسار الطريق سيارة مقطورة تحمل الزلط الأبيض( السن) ولم يتضح حتي الأن عدد الضحايا او المصابين جدير بالذكر ان هذا الحادث اعاد الى الأذهان حادث المعادي الذي حدث منذ ما يقرب من عام ونصف.

[motoxp]

استر يا رب

[eldell]

لا حول والا قوه الا بالله ربنا يسترها معانا جميعا

[Ashraf_Ibrahim]

ربنا يسترها معانا

[prisoner]

ربنا يستر علينا ويستر طريقنا امين

[الغزالى]

وفى برضو حادثه على الدائرى فى اول طلعه باسوس ,,, عربيه مقطورة خابطة تاكسى ابيض جديد بالجنب والتاكسى لف وبئى بجنبه فى نص المقطورة بس الحمد لله مدس عليه والا كانت هاتبئى كارثه

[s0144862631]

ان شاء الله يكون الجميع بسلامه و ربنا يسترها على الجميع

[romioramy]

اللهم استر طريقنا يـــــــــــــــــــــارب

[ahmedfathi]

فعلا كان حادث مروع جدا

انا كنت مسافر اسماعليه فى التوقيت ده عشان كان عندى فرح هناك والعريس كان قاعد جنبى فى العربيه هههههههه والمفروض كان معانا ميكروباص فيه باقى العيله وكنا ماشين ورا بعض لحد ما قربنا على اليوترن بتاع طريق اسماعيله
وتوهنا عن بعض فى الزحمه

الميكروباص كمل على طول على طريق السويس وبعد كده دخل من الشروق على طريق اسماعيليه وانا فضلت مكمل فى الزحمه واخدت اليوترن فى ساعه كامله وعديت من جنب العربيات المدمره ومردتش ابص عليها خالص لان كان شكلها مرعب لما شوفتها من الناحيه التانيه والعريس طبعا انتو اكيد عارفين كان عمال ازاى

والعروسه قعدت فى الكوافير ساعتين ونص مستنيه الباشا لما يجى

والحمد لله وصلنا بالسلامه ورجعنا بالسلامه الحمد لله

[BassamHafez]

ولسه

ربنا يستر

[mostafa mahmod]

اللى عايز اقوله ان انا شفت فعلن الحادثه لانى كنت رايح الرحاب حاجه مروعه جدا و صورتها فيديو و هحاول انزلهولكوا

ربنا يسترها معانا يا رب

[shaddadfalcon1]

عدم الألتزام بالاتجاهات والسرعه لازم يعمل حوادث كتيير

يوم الخميس كنت مروح انا والمدام وطالع من مصطفي كامل في اتجاه ميدان السيوف وكان في عماره بتبني وفي عربيه نقل غارزه فالطريق كان زحمه شويه وفجاه لقيت عربيه ميكروباص جاي مخالف من لأتجاه التاني وبعديها كذا واحده وشويه لقيت ملاكي كمان بصراحه كنت عايز انزل اهزاهم - طيب الميكروباص وقلنا شغل عربجيه لكن لما واحد يبقي راكب باسات ومش عيل ولا شكله سواق يعني صاحبها يبقي يمشي مخالف ازاي

وفي الاخر الطريق سلك واللي مشيو عكسي وقفو في وش بعض طبعا

[kar!m]

عدم الألتزام بالاتجاهات والسرعه لازم يعمل حوادث كتيير

يوم الخميس كنت مروح انا والمدام وطالع من مصطفي كامل في اتجاه ميدان السيوف وكان في عماره بتبني وفي عربيه نقل غارزه فالطريق كان زحمه شويه وفجاه لقيت عربيه ميكروباص جاي مخالف من لأتجاه التاني وبعديها كذا واحده وشويه لقيت ملاكي كمان بصراحه كنت عايز انزل اهزاهم - طيب الميكروباص وقلنا شغل عربجيه لكن لما واحد يبقي راكب باسات ومش عيل ولا شكله سواق يعني صاحبها يبقي يمشي مخالف ازاي

وفي الاخر الطريق سلك واللي مشيو عكسي وقفو في وش بعض طبعا

أنا مبلومش الناس دى أوى بصراحه .. عشان احنا متعلمناش عوامل الأمان .. الناس بره اتعلموا من صغرهم ان حد السرعة و اشارات المرور و قواعد المرور دى معموله لمصلحته .. و عندهم بعد نظر يعنى اللى بيسوق عارف انه لو دخل مخالف ممكن يسبب كارثة .. و الخط الابيض اللى فى وسط الطريق ده بالنسبه له حد ال يمكن تجاوزه .. و تلاقى الناس ماشية هاديه فى الشوارع حتى لو الدنيا زحمة و كل واحد فى حارتة .

انما احنا متعلمناش الحاجات دى و عندنا قصر نظر جدا ان أنا لو دخلت مخالف هوصل أسرع و عندنا حاجه اسمها الفهلوة و السواق بيقى مبسوط أوى انه عمل مخالفة و محدش خد باله .. وتلاقى السواق عندنا سايق كأنه بيحارب و عمال يدخل من يمين لشمال و يمد بوز عربيتة هنا و هناك .. تحس انك فى حرب مش فى شارع.


عشان كده أنا شايف ان اسلوب ادارة المرور فى ان أنا أحط عسكرى مرور فى كل شارع عشان ينظم المرور ده حل مش كويس و مكلف موارد مادية و بشرية .. انما أنا لازم أغرس فى السائقين أهمية الالتزام بقواعد المرور و ان دى لمصلحتة .. و لو التزم بيها هيوصل أسرع هو و غيره و يكون فى حياد فى تطبيق القانون على الكل .. الموضوع ده مش هيتم بسهولة طبعا .. أنا بغرس ثقافة جديدة فى الشعب .. بس على الأقل لو اتعملت دلوقتى ممكن أضمن ان الجيل الجديد هيكون فيه الثقافة دى .. و ممكن برضه كل اللى يجدد رخصتة يكون مطلوب منه انه يحضر محاضرات فى اداب المرور تعلمه الثقافة دى.

[MISS_MONA]

ربنا يستر
ويكفى كل واحد شر طريقه

[abdalah_hashem]

لا اله الا الله ربنا يسترها مع الجميع ويبعد عنا الحوادث والشر

وطبعا حادثة زى دية بعد مشيئة ربنا يعنى
السبب الاساى فيها هيكون حاجة من الاثنين عدم التزام سواقين المقطورات والنقل التقيل بالسير اقصى يسار الطريق
والميكروباصات بتاعت السفر ساعات بيقعدوا يجيو يمين وشمال المهم يعدى هو وخلاص ( دانا يا ما ركبتها كنت ببقى عاوز امسك السواق اضربة كان بيقعد يمرجحنا جوة العربية يمين شمال يمين شمال )