مجموعة من البلطجية تهاجم مواطن اثناء عودته من العمل بسيارته

[Samah AbdAllah]

مجموعة من البلطجية تهاجم مواطن
اثناء عودته من العمل بسيارته

تعرض اليوم موظف باحد البنوك اثناء عودته من العمل بمنطقة هادئة بسموحة بمجموعة من البلطجية تلقى بقطعة حديد كبيرة امام سيارته فجاة اثناء قيادته
مما ادى مع سرعة السيارة الى مروره عليه الى قطع احدى اطارات السيارة الامامية واصابتها بشكل بالغ
وعندما نظر من حوله وجد عدد من البلطجية يحيطون بالسيارة من اليمين واليسار ولكنه لاذ بالفرار رغم سوء حالة الاطار
حامدا الله ان السيارة تحركت والاطار فى هذه الحالة
وتوقف لتبديل الاطار عندما وصل لمكان آمن محاط بالمحلات والناس
وعندما وصل لمكان

الى متى سيستمر اهمال ضباط الشرطة وتخليهم عن مواقعهم
ودورهم المكلفين به والذى يتلقون عليه اجرا

[waelfarid]

البلطجية دول تربيتهم وخدمهم في ال dirty work
زي الانتخابات وخلافه من وسائل الضغط لتحقيق المصالح الدنيئة زي خالتي فرنسا مثلا
وبعد ماوقع جهاز الشرطة لانه كان واقف في الجانب الغلط -جانب الديكتاتور -ومستمريء الوضع وليس في جانب الحق زعلان ومقموص ان هيبته اتهزت واول المستفيدين البلطجية تربيتهم
فسايب البلطجية علشان عاوز يرجع بطريقته القديمة لسة مش واخد باله من التغيير
ربنا يهدي رجال الشرطة للحق ويؤدوا عملهم في خدمة الشعب والقضاء علي البلطجة

[shooter123]

واللي يضايق بقي كمان انهم اقسموا للحفاظ علي الوطن
دول بقي عقابهم عند ربنا شديد جدا وكمان انا لا اظن لهم عودة لان الناس فعلا كرهتهم اووووووووووووي

[aly_hosny]

الحوادث دي موجودة من قبل ما الثورة تقوم
كدا كدا الظباط اخرهم يوقفو العربيات المفيمة الا من رحم ربي

[mido777]

ربنا يستر ...
انا شغال فى الأكاديمية فى ابو قير وحتى الأن الناس عندنا اجازة .....
وفيه قلق كبير جدا من عودة الناس للشغل تانى علشان اللى بنسمعه من اللى بيحصل هناك......
امبارح ناس بتقولنا البلطجية امبارح طلعوا قطار ابو قير وثبتوا الناس اللى فيه وسرقوهم....................

الناس اللى شغلها عندنا يتحتم نولهم اتفقنا على النزول بملابس كاجوال(علشان لو شافونا بالبدل حنرجع من غيرها)
والتجمع 4 او 5 فى عربية واحدة ........

[محمد ابراهيم 1]

أنا بسمع 5 إشاعات فى الدقيقة

وللأسف فعلا كله بيسمع محدش شاف

وخوف الناس هو اللى بيدى فرصه أكبر للحرامية والبلطجية

[nour_nrc]

الشرطة بتربي الشعب

ده كلام

[Samah AbdAllah]

أنا بسمع 5 إشاعات فى الدقيقة

وللأسف فعلا كله بيسمع محدش شاف

وخوف الناس هو اللى بيدى فرصه أكبر للحرامية والبلطجية

انا كمان بسمع كتير بس مش بكتب اللى بسمعه مجرد سمع
لكن الموقف ده حصل مع واحد قريبى انهاردة وهو اللى حكالى عشان اخد بالى لو نزلت

[khpopo]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[dr-mohamed]

الى متى سيستمر اهمال ضباط الشرطة وتخليهم عن مواقعهم

ودورهم المكلفين به والذى يتلقون عليه اجرا

لما الناس تبطل تقول اي ظابط يقولي كلمة هاضربه بالجزمة واللى يقول اي واحد في الشرطة لازم يتقتل ولازم ينضرب بالجزمة ولما ينزل ظابط الشرطة يقبض على مجرم الناس تساعده بدل ما تضربه وتحاول تحرق القسم زي ما حصل في العمرانية وقتها الشرطة هاتشتغل صح لان اكيد دلوقت عمرهم ما هايبطلجوا على مواطن محترم

[sssm]

الشرطه قطاع خدمى ووجودهم فى الشوارع امر محتم عليهم .... وان ظلوا بهذا الشكل المخزى فهناك الكثير من شباب مصر المتعلم تعليما جامعيا ذلك الشباب الواعى الغيور على هذه البلاد و الذى لم يحصل على فرصة عمل ما المانع فى ان يكونوا رجال شرطه تحت قيادة المحترمين القلائل من رجال الشرطه الحاليين و يتم الحاقهم بأكاديميات لرجال البوليس لعدة اشهر وذلك اثناء قيامهم بمهام عملهم وبهذا يتم القضاء على نسبه من البطاله و يعود الامن للشارع ويبقى المتخاذلون فى بيوتهم

[Samah AbdAllah]

لما الناس تبطل تقول اي ظابط يقولي كلمة هاضربه بالجزمة واللى يقول اي واحد في الشرطة لازم يتقتل ولازم ينضرب بالجزمة ولما ينزل ظابط الشرطة يقبض على مجرم الناس تساعده بدل ما تضربه وتحاول تحرق القسم زي ما حصل في العمرانية وقتها الشرطة هاتشتغل صح لان اكيد دلوقت عمرهم ما هايبطلجوا على مواطن محترم

ده واجبهم ووظيفتهم يا دكتور مش فضل منهم
لو مش قدها يستقيلوا
ولا هم مستنيين لما يأدبوا الشعب

لا مكان للجبناء فى مهنة الشرطة اساس عملهم هو التعامل مع المجرمين والتعرض للخطر
لو محترمين الشعب مش هيتعرضلها
وكل ظابط خايف ينزل
مش خايف من افترا الناس عليه لانه لو كان محترم ومشهود له بالنزاهه هينزل مطمئن بقلب جامد
اما اللى خايف فده خايف من تاريخه الملوث اللى هيقضى عليه لو نزل
وده الاولى به يستقيل لان عمره ما هيطمن ولا هينظف

[abdalah_hashem]

ماهو لو بتوع الشرطة طلعو للبلطجية دول هيقوم البلطجية عاملين هيجان ويضربوا فى الشرطة ويبقى الغلطان الشرطة لانها بتضرب فى الشعب
وبتوع الشرطة هما اللى هيبقوا معتدين ومش بعيد يضربوهم بحاجة ويقللك بيعتدى على الشعب
الموضوع دلوقتى بقى مش مفهوم

[medo2o1o]

لما الناس تبطل تقول اي ظابط يقولي كلمة هاضربه بالجزمة واللى يقول اي واحد في الشرطة لازم يتقتل ولازم ينضرب بالجزمة ولما ينزل ظابط الشرطة يقبض على مجرم الناس تساعده بدل ما تضربه وتحاول تحرق القسم زي ما حصل في العمرانية وقتها الشرطة هاتشتغل صح لان اكيد دلوقت عمرهم ما هايبطلجوا على مواطن محترم

مش هيتفضلوا علينا البهوات بالامن
ده واجبهم ووظيفتهم مش جمايل للشعب
مش قد الشغلانة يغوروا و خلى المحترم اللى نزل منهم يقعد
مش لوى دراع هوة
اذا كانوا هما دكتوراه فى العند احنا دكتوراه فى الصبر

[dr-mohamed]

ده واجبهم ووظيفتهم يا دكتور مش فضل منهم
لو مش قدها يستقيلوا
ولا هم مستنيين لما يأدبوا الشعب

لا مكان للجبناء فى مهنة الشرطة اساس عملهم هو التعامل مع المجرمين والتعرض للخطر
لو محترمين الشعب مش هيتعرضلها
وكل ظابط خايف ينزل
مش خايف من افترا الناس عليه لانه لو كان محترم ومشهود له بالنزاهه هينزل مطمئن بقلب جامد
اما اللى خايف فده خايف من تاريخه الملوث اللى هيقضى عليه لو نزل
وده الاولى به يستقيل لان عمره ما هيطمن ولا هينظف

لا يا فندم حضرتك كدة بتتكلمي عن ظباط الاقسام بس لانهم المعروفين لاهالي دائرة القسم فيه ظباط في الشارع محدشيعرفهم كويسين ولا لا
وشغلتهم يقوموا بيها لكن مش من ضمن شغلتهم انهم ينزلوا يشتغلوا علشان كل واحد راكب عربية ومعدي جنبهم يهزاهم بكلمتين او يعمل نفسه راكب الامريكاني ويخبطهم بالمراية وهما واقفين بينظموا المرور او يخطفوا اللاسلكي منهم
متهيالي دي كله تصرفات لها وصف واحد مش هقوله
ولو حاول يعامل اي واحد من دول باللى يستحقه كل الشارع يبقي عليه ويا عالم هاتقف عند الشتيمة ومحاولة الضرب بس ولا ممكن توصل للضرب
لو هايتعاملوا مع المجرمين بس مفيش مشكلة بالنسبة لكتير جدا منهم انما لما يتعامل مع المجرمين والناس العاديين في الشارع كمان تبقي كارثة
الاول الظابط المحترم كان بيبقي نازل من بيتهم عارف ان الخطر الوحيد اللى ممكن يتعرض له بيبقي من المجرمين وعادة كان بيبقي جاهز لهم انما دلوقت بينزل مش عارف الخطر ممكن يجي من مين وبرغم كدة بينزلوا بردو ولم يتغيبوا ولا يوم
والمشاركة اللى تحت دي بتقول جزءمن مخاوفهم ومخاوف اهلهم عليهم كل يوم لغاية ما يرجعوا البيت

ماهو لو بتوع الشرطة طلعو للبلطجية دول هيقوم البلطجية عاملين هيجان ويضربوا فى الشرطة ويبقى الغلطان الشرطة لانها بتضرب فى الشعب
وبتوع الشرطة هما اللى هيبقوا معتدين ومش بعيد يضربوهم بحاجة ويقللك بيعتدى على الشعب
الموضوع دلوقتى بقى مش مفهوم