اصابة طرق القاهرة بالشلل التام بسبب الامطار

[Samah AbdAllah]

اصابة طرق القاهرة بالشلل التام بسبب الامطار

تسببت اليوم الامطار الغزيرة التى انتشرت فى جميع انحاء القاهرة.
فى اصابة حركة المرور بشلل تام فى مناطق متعددة من المدينة
خاصة طريق كوبرى اكتوبر وطريق صلاح سالم وطريق المطار
ومعظم مداخل ومخارج الدائري خاصة عند مخارج المريوطية والاوتستراد
والمرج وشبرا الخيمة نزلة اسكندرية الزراعي توقف الطريق قبلها لمسافة 4 كيلومترات
وعند نفق السلام كان الشلل التام لحركة المرور امتدادا حتى طريق مصر الاسماعيلية الصحراوي
حيث لازالت المدينة تعانى من سوء البنية التحتية
على قائدى السيارات توخى الحذر اثناء القيادة نهارا وتجنب القيادة قدر المستطاع ليلا

[nicegypt]

فعلا جزاكى الله كل خير
زحام رهيب جدا فى صلاح سالم بسبب المطر . وفية عربيات ركنت بسبب اعطال عددها قليل ومنها سيارات حديثة عدوة الماء

[tamatemo]

ربنا يستر لان المطر النهاردة ماوقفش غير من ساعة فاتت بس

[Ahmed A Rahman]

اخويا اتحبس في صلاح سالم 3 ساعات كاملة العربية واقفة

افتكر ايام الكلية راجع من طب عين شمس في رمضان وبرضه في صلاح سالم

رجعت بعد صلاة العصر المطرة مطرت

اذن علينا المغرب واحنا واقفين

الناس نزلت من الاتوبيسات وبقوا يعزموا على العربيات بسجائر عشان يفطروا ( إفطار صائم يعني !!!!! لأن مكانش فيه اكل ولا ميا معاهم هههههههههههههههههههههه)

وعلى الرغم اني كنت مدخن وقتها مخدتش من حد سجائر لاني مش عارف كنت كده حياخد بسببي ثواب ولا سيئة !!!!!!!!!!!!!!!!!!!!!!

نزلنا وصلينا المغرب في مسجد المصطفى اللي في صلاح سالم

وبعدين على العشا رجعنا للعربيات في صلاح سالم وصلاة التراويح شغالة رجعت العباسية ركنتها واخذت المترو الى البيت

قبل السحور روحت العباسية وجبت العربية ورجعت بيها ثاني

يوم فعلا لن انساه في حياتي

[mohamed_e36]

النهارده فعلا كنت هتشل راجع من مدينه نصر للمعادي على الاتوستراد في 5 ساعات والله كنت خلاص جايب اخرييييييييييييي الطريق فعلا كان مشلول

[al_manara]

انا نزلت لقيت الطريق واقف والناس كلها بتلف . احترمت نفسي ولفيت علي البيت تاني

[Mina-Magdy]

الافضل استخدام التاكسى او المواصلات العامة وريحو دمغكو لغايت ما تخلص

انا بقة عن نفسى بعمل كدة وراكن عربيتى لانى زهقت من الزحمة وقلت الادب الى بقت فى الناس ربنا يرحمنا

[gebreel]

انا امبارح علشان اطلع من المهندسين بس اطلع مش عاوز حتى اروح واخد سااااااعة و نص مرورا بكوبري اكتوبر و 15 مايو و الزمالك و اكتوبر تاني لحد العباسية لقيت الارضي فاضي نزلت اخدتها من تحت و وصلت البيت اخيرا

[MohssenRashed]

اسكندرية كان في مطر امبارح بليل كتير بس دلوقتي حررررررر و الجو مشمس و جامد اوي... ( بغيظ بتوع القاهرةهههههه)

[dr.hazem]

انا كنت راجع من القصر العيني
خرجت من القصر 2ونص
بيتي في النزهة الجديده
دخلت بيتي 8 بالليل ياناس!!!!!!!!!!!!!!

صليت العصر والمغرب في العربية

حلفت النهارده منزلش ويعملو اللي يعملوه ومنزلتش

مش قادر اساسا

الحمد لله

[prisoner]

الجو حرررررررررر فى مصر برضوا