إعـــــــلان

Collapse

.

,
See more
See less

حادثة محور التعمير بالاسكندرية-شاهد عيان بالصور

Collapse
X
 
  • Filter
  • الوقت
  • Show
Clear All
new posts

  • حادثة محور التعمير بالاسكندرية-شاهد عيان بالصور

    السلام عليكم ورحمه الله وبركاته
    امس كنت مع اولادي بوسط الاسكندرية واثناء عودتي للعجمي دائما ما اسلك طريق محور التعمير لسرعة الوصول من وسط الاسكندرية للعجمي من خلاله
    واثناء عودتي في حوالي الحادية عشر مساء ورغم اني كنت ماشي على سرعة عالية نسبيا حوالي 140 وعشان حافظ الطريق كويس وعارف بوجود مطب هوا اعلى الكوبري وقبل ماهدي لقيت بي ام 316 (دبانة) معدية من جنبي بسرعة عالية وصوت موتورها وشكمانها يصم الاذن وواضح انه ماكنش ماشي اقل من 190 او 200
    المهم هديت عشان المطب اللي فوق الكوبري وانا نازل لقيت صوت مرعب وعفرة جامدة
    واصوات معدنية وطبعا عشان الطريق في الحتة دي بياخد مطلع وبعد كدة بيستوي تمهيدا لخروجنا مخرج الكيلو 21 لقيت الكارثة قدامي
    البي ام اتقلبت مالايقل عن 5 او 6 قلبات متطايرة من اقصى اليمين لاقصى الشمال لدرجة انها وقعت عامودين نور من اللي في الجزيرة الوسطى وتنت التالت وعامود نزل على الجزيرة والتاني قطع الطريق المعاكس والحمد لله ماكنش في عربية تحتة بس صوت الفرامل كان عنيف جدا للعربيات الي جاية في الاتجاة الاخر
    البي ام طيرت حجر تقيل نزل على الزجاج الامامي والقايم لنيسان صني وخليتها تلف حوالين نفسها لكن محصلهاش حاجة
    سيارة فورد قديمة بتاعت نقل الخشب طار صندوق العدة فيها والاكصدام المعدني لكنها خاف من المسائلة وجري

    البي ام نفسها كانت الكارثة رغم ان العربية دي بتصنف انها من ائمن السيارات واقواها الا انها تحولت لقفص حديدي لركابها الثلاثة
    راكبين بالامام واخر خلفي
    ساعة كاملة قضيتها انا والاخوة السائقين نحاول بكل جهدنا انقاذهم لانها كانو احياء ولكنها قفص حديدي فعلا
    التابلوة عصر رجل السائق
    الراكب الامامي قدمه اليمنى مكسورة ومحشورة
    والراكب الخلفي كسر واضح بالرقبة والجمجمه
    دقائق تمر في محاولات مضنية لاخراجهم مع الاسعاف وفشلنا جميعا
    وسط اناس ممكن يعملو كوارث اللي عايز يش رجل الراكب الامامي المكسورة
    واللي هايكسر السقف على دماغهم بعتلة ومش هايعمل حاجة اكتر من انه يطبق السقف اكتر
    ناس بتقف صف تالت عشان تنزل تتفرج فقط واحنا عايزين نمشي الطريق عشان عربية المطافي توصل
    ولما وصلت اكتشفنا انها معاهاش مقص كهربا
    واضطرينا نمشي الطريق اكتر واسرع وسط شخط وعصبية في اللي بيهدو يتفرجو ويقفو الطريق وراهم
    عربية الدفاع المدني اتحركت وسامعين صوتها ودي الوحيدة اللي معاها مقص كهرباء
    جت وبدء قص قوائم السقف واخراج المصابين الثلاثة احياء والحمد لله
    يا فرج الله الحمد لله خرجو احياء بعد ساعة نص كاملة بسمعهم انينهم ومش عارف تعملهم حاجة غير الدعاء
    اخيرا
    السرعة مالهاش كبير
    مفيس سيارة ائمنة 100%
    اعمل حساب للطريق لو انت مش حافظة وعارف مصايبة
    بذكر نفسي واياكم بخطورة السرعة ومفاجئات الطريق
    لو شفت حادثة ارجوك واتوسل اليك ماتهديش تتفرج
    يا تركن بعدها تساعد وانت موسع الطريق حتى لو ركنت بعد 500 متر
    يا تشد شوية وتوسع الطريق لغيرك يساعدهم لانك بتعطل الاسعاف عنهم
    وقانا الله واياكم شر الحوادث
    اترككم مع الصور ومعذرة فيها مشاهد عنيفة للعظة


























    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  • #2
    ربنا يستر طريقنا جميعاً
    [COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]

    Comment


    • #3
      و عليكم السلام و رحمة الله
      اللهم عافنا و أعف عنا
      السرعه ملهاش كبير
      يا رب نتعظ
      و شكرا أستاذ كريم علي الخبر
      وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

      Comment


      • #4
        اللهم استر طريقنا جميعاً....
        ربنا يشفيهم و يصبر اهلهم يا رب امين....
        جزاك الله كل خير
        [URL="https://www......pay.com/?DZzeoFQ7r9yn1ZzFeeuW8A%3d%3d"][/URL]

        Comment


        • #5
          يا ساتر يا رب
          الصور شنيعه
          ربنا يكفينا شر الحوادث ويشفى كل مريض
          dentist4ever سابقا

          Comment


          • #6
            شفتها امبارح و انا راجع من ال 21 و للاسف انا كنت من اللي معطلين الطريق :(
            [FONT=Palatino Linotype][SIZE=4]nour.anwar[/SIZE][/FONT]
            [SIGPIC][/SIGPIC]

            Comment


            • #7
              يا ستار يارب اللهم إرحمنا جميعا و أستر طريقنا يارب ... فعلا يا جماعه السرعه قاتله و الكارثه بتحصل في ثانيه.

              Comment


              • #8
                ايه ده الكلام ده كان امبارح؟؟؟

                انا كنت على الطريق ده الساعة 12 بليل ومشوفتش حاجة،،، الحمدلله انهم خرجوا أحياء
                [CENTER][FONT=Times New Roman][SIZE=3][B]ربي[/B][/SIZE][/FONT][/CENTER]
                [CENTER][FONT=Times New Roman][SIZE=3][B]هُم يقولون بأن حُلمِي مُستحيل و أنـــآ أصُبح و أمسى موقن بـأنك على کُل شيءٍ قدِير [/B][/SIZE][/FONT][/CENTER]

                Comment


                • #9
                  مستحيل تكون الساعة 12 ممكن قبل كدة
                  لان الحادثة حصلت حوالي 11:30 مثلا وقعدنا فيها لواحدة صباحا

                  جروب ورشة نايل موتورز علي الفيس بوك


                  صفحة ورشة نايل موتورز على الفيس بوك

                  Comment


                  • #10
                    لا حول ولا قوة إلا بالله..والله يا جماعة السراعات دي مابتفرقش في الوقت ابدا
                    لا حول ولا قوة إلا بالله..متى سيموت الإهمال في مصر

                    Comment


                    • #11
                      انا كنت على الطريق الساعه 10 الحمد لله. انا كان شغلي في برج العرب و قعدت سنتين امشي كل يوم على الطريق ده و كل يوم حادثه او اتنين عشان فواصل الكباري دي و اتعملت مرتين قبل كده و تقعد شهرين ثلاثة و تهبط تاني.
                      [img3]http://nileup.com/up/uploads/nilemotors_13674813821.jpg[/img3]

                      Comment


                      • #12
                        لاحول ولا قوة الا بالله ربنا يستر طريقنا فعلا السرعة ملهاش كبير ومحور التعمير ده مشيت عليه اكتر من مرة وشفت عليه حوادث كتيرة بس الاهم فعلا ان احنا لازم ننزل نساعد او على الاقل نوسع الطريق لان اللحظة مهمة جدا جدا فى عمر الانسان موضوع الفرجة دى مش حلو انا لما بكون ماشى ومش فى استطاعتى انى اساعد او اقف بجرى علشان افتح الطريق حتى لو الاسعاف واقفة بمشى علشان ممكن يكون فى حد ورايا تعبان ربنا يستر طريقنا كلنا واحنا اللى بنتسبب فى الحوادث موضوع السرعة ده خطر قوى وكلما تزيد السرعة تقل نسبة التركيز والتحكم بالعربية مهما كانت قوتها او ماركتها ربنا يهدينا ويصلح حالنا.
                        [I][COLOR=red]I AM NOT GUILTY[/COLOR][/I]

                        Comment


                        • #13
                          حسبنا الله و نعم الوكيل فى اللى المسئولين عن الطريق ده اللى بسببه بتروح ناس فى كوارث بسبب الاهمال فى الطرق و صيانتها و عدم عمل تنبيهات و لوح ارشاديه بجد ربنا ينتقم منهم
                          [CENTER]<img src='http://img237.imageshack.us/img237/2919/bitmap014cc1.gif' border='0'/></a>[/CENTER]
                          [CENTER]My Ride On Car Domain
                          http://www.cardomain.com/ride/3863624/1982-bmw-3-series[/CENTER]

                          Comment


                          • #14
                            ربنا يلطف بينا ويبعد عننا الحوادث
                            [FONT="Arial Black"][SIZE="3"]قال صلى الله عليه وسلم (كلمتان خفيفتان على اللسان ثقيلتان في الميزان (سبحان الله وبحمده .... سبحان الله العظيم)[/SIZE][/FONT]
                            mhdside سابقا

                            Comment


                            • #15
                              يا رب استرها
                              [CENTER]سبحان الله وبحمده سبحان الله العظيم
                              [shfaf1]http://www.himaz.com/H.jpg[/shfaf1]
                              :colsmil:هيما[/CENTER]

                              Comment

                              Working...
                              X