عملاء بروتون يتقدمون بشكوى ضد "عز العرب

[ahmad alshaaer]

باشمهندس سامح انا مع حضرتك هنا وهناك على الجروب واتمنى بالفعل ان حضرتك تدر تساعدنا لانه كلنا هدفنا عموما تغيير سياسة توكيلات السيارات في مصر
واحنا بداناها من توكيل عز العرب حيث انه وكيل سياراتنا فقط وده هو وصف الجروب اللي تم انشاءه من شهر 2 الماضي والحمد لله احنا اصبح عددنا فوق ال 550 مالك ومحب وعاشق لسيارات بروتون
وبالفعل التوكيل عقد معانا اجتماعين بعد الشكوى للشركه الام وكان اخرهم شهر 6 الماضي ولكن بوعود واهيه ومبررات غير حقيقيه واخر المتمه بعتولنا على الجروب خطاب رسمي كله تهكم وسخريه واتهامنا بتشويه صورة السياره !
بالذمه مين اللي بيشوه صورة السياره وسمعتها بافعاله اللي اشترها وبيملولها تقارير ممتازه وحقيقيه ولا اللي مبهدلها بعدم توفر قطع الغيار واحجز القطعه وتجيلك والطلبيه كمان شهر ونص والمصنعيه 130 جنيه الساعه وغيره وغيره

فعلا الموضوع محزن والله ولو سكتنا مايبقاش فينا خير لانه احنا اللي بنعمل في نفسنا كده

انا اسف طولت عليكم ولكن بجد انا محتاج اننا نبقى ايد واحده ونتعاون ونتشارك امام اي خطا عموما

تقبلوا تحياتي ومستني حضرتك استاذ سامح على الجروب تكلمني او تراسلني

وشكرا مسبقا لحضرتك وللجميع

[أبومعاذ]

يارب المرادي تيجي بفايدة

[SonaSteel]

كلام طيب
وفيكم الخير ... واخدتوا الخطوة الايجابية ديه
يارتني كنت معاكم ههههههههه

[ahmed_mido1313]

تقدم مجموعة من عملاء شركة (بروتون) بمصر بشكوى لكل من السفارة الماليزية بالقاهرة، جهاز حماية المستهلك، مدير عام بروتون ماليزيا، والملحق الثقافى التجاري الماليزي ضد "عز العرب" وكيل الشركة بمصر.
طالب العملاء في شكواهم بضرورة قيام الشركة بتوفير قطع الغيار بشكل مستمر، وتسعير خدمات ما بعد البيع بشكل عادل.

طالب نحو 530 عضوا عبر مجموعة "معا ضد غلاء قطع غيار سيارات بروتون في توكيل عز العرب"، بضرورة تدخل الشركة الأم بماليزيا، والجهات الأخرى، لتوفير قطع الغيار بالتوكيل.

أكد العملاء أنهم ينتظرون في بعض الأحيان فترة طويلة تصل لشهر ونصف حتى يتمكنوا من الحصول على قطع الغيار الخاصة بهم.

تضمنت الشكوى أيضا الاشارة لارتفاع سعر "مصنعيات الصيانة"، التى تصل إلى 8 ساعات لصيانة 120 ألف كيلو، وتصل سعر الساعة إلى 130 جنيه فى بعض الاحيان، فضلا عن ارتفاع أسعار قطع الغيارالمبالغ فيها –وفقًا لشكواهم-

[ahmed_mido1313]

لا حول ولا قوة الا بالله

هو ياربي كل ما انشن على عربية يطلع فيها عفريب

شهر ونص انتظار عشان اركب قطعة غيار ليييييييه

وكمان 130 جنية في الساعة ليييييييه ..هي مصنعية الماظ ولا ياقوت

ربنا على الظالم العربية حلوة ما تستهلش المعاملة دي

[أبومعاذ]

لا حول ولا قوة الا بالله

هو ياربي كل ما انشن على عربية يطلع فيها عفريب

شهر ونص انتظار عشان اركب قطعة غيار ليييييييه

وكمان 130 جنية في الساعة ليييييييه ..هي مصنعية الماظ ولا ياقوت

ربنا على الظالم العربية حلوة ما تستهلش المعاملة دي

الموضوع مش زي مانت متخيل قطع الغيار بعضها فعلا غالي في التوكيل بس كل حاجة ليها بدائل برا و بالنسبة للمصنعية ممكن تعمل صياناتك في مركز معتمد اسمه عصام صفا في النزهة و مصنعياته ارخص من التوكيل وأحسن منه
موضوع الشكوى ده بهدف التغيير للأحسن بس توكيل بروتون عموما مشاكله هي نفس مشاكل أغلب التوكيلات في مصر وهو فعلا أحسن من كتير منهم

[tamerosman]

استاذ ابو معاذ :

1- الناس الى فى الضمان تجيب ازاى قطع الغيار من بره ، لو حضرتك فى الضمان هتضطر تنتظر التوكيل لغاية مايجيب قطعة الغيار مش معقول حتروح تشريها من بره و تدفع من جيبك تمنها و انت فى الضمان

2- انا فى اسكندرية و معندناش عصام و صفا اعمل ايه اسوق 500 كيلو رايح جاى من اسكنرية لغاية النزهة الجديدة ؟ !!! علشان اعمال الصيانة

3 - مصنعية عصام و صفا ارخص حاجة بسيطة من التوكيل و شغال برضه بالساعة ( حوالى 100 فى الساعة)

شكرا

[egyptiandiver]

رجالة 100 - 100

[egyptiandiver]

بس أنا مش عارف ليه الواحد يجيب أصلاً عربية قطع غيارها ناقصة أو التوكيل مستغل ليه؟ شوف الرد بتاعي على أخ زعلان عشان توكيل اسبيرانزا شال العربية بتعتو من الضمان:
http://www.nilemotors.net/Nile/239658-a-5.html

[tamerosman]

اصل الجين 2 دى مش عربية مش طبيعية ، ليها جاذبية خاصة و كاريسما و لما تسوقها هتحبها جدا و مش عتعوز تنزل منها غير على عربية المانى و ده الى خلانى اشتريها و انا عارف كل مشاكل التوكيل يعنى قولت لنفسى كانى شارى عربية خليجى ملهاش توكيل

[egyptiandiver]

أحسن رد على الناس المستغلة في أي مجال من مجالات الحياo مش العربيات بس هو إن 1- الناس تشتكيه أو 2- إن محدش أصلاً يهوب ناحية المنتج بتاعو و بطريقا دي غصبن عن عينو يطر أسفاً يرخص منتجات و خدمات ما بعد البيع - مش كدة واللا اه؟

[ahmad alshaaer]

الموضوع مش زي مانت متخيل قطع الغيار بعضها فعلا غالي في التوكيل بس كل حاجة ليها بدائل برا و بالنسبة للمصنعية ممكن تعمل صياناتك في مركز معتمد اسمه عصام صفا في النزهة و مصنعياته ارخص من التوكيل وأحسن منه
موضوع الشكوى ده بهدف التغيير للأحسن بس توكيل بروتون عموما مشاكله هي نفس مشاكل أغلب التوكيلات في مصر وهو فعلا أحسن من كتير منهم

مظبوط كلامك استاذ ابو مريم
واكبر دليل وصف المجموعه على الفيس بوك انها سياسة اغلب توكيلات السيارات في مصر واحنا بدانا من وكيل سياراتنا

تقبل تحياتي

[ahmad alshaaer]

طيب امال لو شفتوا خطاب التوكيل لينا اللي موجه للجروب اللي على الفيس بوك تعمله ايه ؟

والله الموضوع كبيييييييييييييير جداااااااااا

وربنا ييسر الامور ونقدر نصلح الحال وهمتكم معانا

[Nistelrooy]

الله ينور

[ahmed_mido1313]

الموضوع مش زي مانت متخيل قطع الغيار بعضها فعلا غالي في التوكيل بس كل حاجة ليها بدائل برا و بالنسبة للمصنعية ممكن تعمل صياناتك في مركز معتمد اسمه عصام صفا في النزهة و مصنعياته ارخص من التوكيل وأحسن منه
موضوع الشكوى ده بهدف التغيير للأحسن بس توكيل بروتون عموما مشاكله هي نفس مشاكل أغلب التوكيلات في مصر وهو فعلا أحسن من كتير منهم

استاذ ابو معاذ :

1- الناس الى فى الضمان تجيب ازاى قطع الغيار من بره ، لو حضرتك فى الضمان هتضطر تنتظر التوكيل لغاية مايجيب قطعة الغيار مش معقول حتروح تشريها من بره و تدفع من جيبك تمنها و انت فى الضمان

2- انا فى اسكندرية و معندناش عصام و صفا اعمل ايه اسوق 500 كيلو رايح جاى من اسكنرية لغاية النزهة الجديدة ؟ !!! علشان اعمال الصيانة

3 - مصنعية عصام و صفا ارخص حاجة بسيطة من التوكيل و شغال برضه بالساعة ( حوالى 100 فى الساعة)

شكرا

كنت هقولها

طيب امال لو شفتوا خطاب التوكيل لينا اللي موجه للجروب اللي على الفيس بوك تعمله ايه ؟

والله الموضوع كبيييييييييييييير جداااااااااا

وربنا ييسر الامور ونقدر نصلح الحال وهمتكم معانا

ايه يعني الخطاب فيه ايه ... تهديد ووعيد ؟؟؟