رفع اشغالات ميداين وشوارع القاهرة

[Karim_Monir]

كتب كريم منير
نايل موتورز:

بقيادة مدير الامن اللواء محسن مراد
واللواء سيف الاسلام عبد الباري نائب المحافظ
واللواء اسامة بدير مدير ادارة المرافق
والمقدم رئيس حي الموسكي
شنت ادارات المرور حملات مكثفة لرفع كافة اشغالات الميداين والشوارع الرئيسية مثل شارع الجيش وعبد العزيز وميدان العتبة وشارع الازهر
وازالة كافة التعديات على الارصفة واراضي الدولة
وازالة مخلفات القمامة الرهيبة والتي ادت في بعض الاحيان لسد الطرق
وسحب السيارات القديمة والمهملة
والتخلص من الاسواق والباعة الجائلين الذين سيطرو على معظم الشوارع بالقوة وفرضو اتاوات لركن السيارات سواء بالقوة او برفع الاسلحة البيضاء
وشدد محافظ القاهرة الدكتور عبدالقوي خليفة على ضرورة اعادة هيبة الدولة مرة اخري

[Ahmed A Rahman]

فعلا انا نزلت النهارده العتبة ورمسيس والدنيا زي الفل والارصفة بتبرق

الشرطة في الميادين اعدادها بالهبل وكلهم عميد وانت طالع

[mido51eg]

ياجماعة وفيه لسه الأسواق العشوائية اللي جنب محطات مترو الأنفاق وعلى سلالم المحطات. محطة مترو عين شمس مش بنعرف نخرج منها بسبب البياعين اللي فارشين بيبيعوا كل حاجة على سلالم المحطة وقدامها.

[raedegypt]

روحوا المحافظات زى المنصوره شارع السكه الجديدة وبورسعيد والجلاء عند بوابه جيهان اخر مسخرة تقريبآ شبه احتلال كامل للطريق ومعدش مكان للسيارات والمارة للتحرك وكلهم بلطجيه بسكاكين وخناجر والمضحك هناك قهوة جنب موافى طلع كراسيه لنصف الشارع ولا بتاع حلويات خد الرصيف بمظله موقف كانت للنقل العام زمان وجعلها مستودع للحلويات والمصيبه ان الراجل دة حزب وطنى كان وفارض البلطجه بالقوه ولا البغل بتاع الفول حاطط براميل لنصف الشارع علشان محدش يركن ولا شارع قناه السويس يا اخونا لازم نضرب كل هؤلاء البلطجيه ومن وراهم ويدخل الامن المركزى باللوادر فجآه وعربيات النقل لقذف كل اشغالات الطريق فى السيارات للقمامه وعمل محاضر بالالاف الجنهيات لهؤلاء البلطجيه لازم البلد تفرض القوة والهيبه حرام حرام ال بيحصل

[MOUSTAFA_SAAD]

كان فيه حمله فى اسكنتدريه فيها حوالى 5000 عسكرى امن مركزى شالوا 510 كشك

عقبال دمنهور مبنى امن الدوله سابقا اللى فى اشهر ميدان فى دمنهور ميدان الساعه اصبح محاط بالاكشاك والفروشات والباعه الجائلين

[Shiref_mohamed]

ربنا يبشرك بالخير يا كريم انا بشتغل في سنترال الأوبرا في العتبة والبياعين خلاص قربو يدخلو جوا السنترال لدرجه اننا مش بنعرف نخرج وقمة قلة الأدب والبلطجه

[Hany Adel]

وفي اسكندريه بردوا
تم ازالة اشغالات كتير من الطرق

دول بنوا على شريط القطر وما كانش فاضل غير انهم يشيلوا القضبان نفسها

الفوضى وباء

[khaled15]

ربنا يسهل ااااااااااااااااااااااااااااااااا

[raedegypt]

تعالوا شوفوا شوارع الرياض بالسعوديه .. نظافه وممنوع استغلال الارصفه والشوارع والا البلديات هنا ماترحم تجيب اللودر مع قوة مسلحه من الشرطه وتشيل بالقوة والميزة هنا ما يرجعوا حاجه ويدفعوا غرمات عاليه واقرارات بمنعهم العودة .. بصراحه الصرامه دة مخليه الرياض عاصمه نظيفه. وبعدين ممنوع رمى اى ردم عقارات فى الزباله وانما تاجير صناديق لهذا الغرض ويلقى فى اماكن خارج العاصمه محددة والزباله فى امكامن اخرى والمخلفات الخطرة لها محارق وممنوع خلطها بالزباله العاديه لا يا اخونا ياريت البلديات عندنا يحضروا تدريب هنا لمدة سنه ويتعلموا مصر ستكون نظيفه لو اخذنا بتجارب الرياض فى هذا المجال

[dramir1]

شكرا كريم باشا على الخبر.
.....
ياريت اصحاب السيارات مايرموش مخلفاتهم في الشارع حتى على الكورنيش والاتوستراد....ممكن تحط كيس جنب الكونسله بين الكرسيين تجمع فيه مخلفاتك وترمي الكيس في اقرب صندوق قمامه .
يارب اعيش لما اشوف مصر في احسن حال .