إعـــــــلان

Collapse

.

,
See more
See less

دودج 2013 Dart الجديدة: لمنافسة الكروز والكورولا والألنترا

Collapse
X
 
  • Filter
  • الوقت
  • Show
Clear All
new posts

  • دودج 2013 Dart الجديدة: لمنافسة الكروز والكورولا والألنترا

    أخيرا, ..
    وبعد سنوات من الأندماج...
    بدأت تكنولوجيا مجموعة فيات الأيطالية العملاقة تمطر على كرايسلر الأمريكية.. ولو بقطرات قليلة,

    انها دودج Dart 2013 الجديدة, وتعنى "السهم" أو "الرمح" المنطلق..
    وبديلة الـCaliber التى لم تحقق النجاح المطلوب فى الأسواق الأمريكية أو الخارجية..؟!!

    الـPress Release:

    في فئة صعبة المراس في المنافسة وبالتعاون مع “فيات” الإيطالية تستعد “دودج” الأمريكية لطرح سيارة جديدة من الفئة المدمجة باسم “Dart” كموديل للعام 2013 المقبل لتكون الأصغر حجما لديها والأكثر كفاءة والأقل سعرا بالطبع لتشعل المنافسة مع “شيفروليه Cruze” و”هيونداي Elantra” و ”تويوتا Corolla” و ”هوندا Civic” في السوق الأمريكي.
    وتقول “دودج” أن “Dart” هي السيارة الأولى التي تم بنائها من مجموعة “كرايسلر” الأمريكية على أساس من سيارة من مجموعة “فيات” حيث تشترك في كثير من المكونات مع طراز “Giulietta” الذي تنتجه “ألفاروميو” التابعة لمجموعة “فيات” الإيطالية.
    وقد كشفت “دودج” عن صور لبعض أجزاء “Dart” من أجل تشويق العملاء, ويبدو منها أن
    السيارة تتمتع بطابع أمريكي قوى وساخن بملامح رياضية مثيرة.



    وفيما يخص المحركات فإن “دودج” ستقدم “Dart” بثلاثة محركات مختلفة بسعة 1,4 لتر, 2,0 لتر و2,4 لتر يستخدمان ثلاثة أنواع مختلفة من نواقل السرعات.



    وقد ذكرت “دودج” أن “Dart” الجديدة سيتم تصنيعها في الولايات المتحدة الأمريكية ضمن خطة لإستثمار 600 مليون دولار لمنتجات المستقبل التي منها هذه السيارة التي ينتظر تقديمها عالميا خلال الشهر القادم من خلال معرض “ديترويت الدولي” لعام 2012.


    Edit: السيارة مبنية على شاسيه C-Evo Platform بتاع الجولييتا.. مع تعديل فـ الطول والعرض ليتناسب مع أبعاد السيدان الأمريكية الجديدة..!
    شاسيه الجولييتا فـ الأساس: هو شاسيه البرافو Fiat C-Platform, مع الأحتفاظ بنفس الأبعاد.. وتعديل التعليق الخلفى الى Multi-Link فى الألفاروميو..؟!!
    الشاسيه Modular بحيث انه فـ الأصل FWD, يمكن تعديله ليتناسب مع نسخ الـAWD بالنسبة للدودج Dart الأمريكية..!!!

    معلومات Unofficial:
    المحركات ونواقل الحركة التى ستتوافر لموديل Dart:
    - طراز SE: موتور 1.4 MultiAir Turbo (من الـAbarth 500) بقوة 170 حصان

    - طراز SXT: موتور 2.0 Tigershark من غير MultiAir بقوة 170 حصان برضه..؟؟!!! (بس أفضل من الـ1.4 ملتى-اير تربو بتاع الفيات فى high rpm-Torque/Power)..

    - طراز R/T: موتور 2.4 Tigershark MultiAir بقوة 190 حصان, ونسخة Turbocharged (أوعى الفيات Tech ) بقوة 250 حصان..!!

    - طراز SRT-4: محرك القمة 2.4 MultiAir Direct-injection Turbo (كل الـTech بتاع الفيات بقى ) بقوة 300 حصااااااااان..؟؟!!!

    ودى صورة من Presentation بتاع فيات-كرايسلر جروب عن الـPowertrains الجديدة, و التوجه الجديد فى صناعة المحركات: Downsizing+Turbocharging وزيادة الـEfficiency بالتكنولوجى المتطورة زى الملتى-اير:


    نواقل الحركة التى ستتوافر لطرازات موديل Dart:
    - فتيس 6 سرعات مانيوال (من البرافو والجولييتا)..
    - فتيس 6 سرعات Dual-Clutch (ألفاروميو TCT, من الجولييتا والميتو)..
    - فتيس 9 سرعات أوتوماتيك..؟!! (أيون 9) من انتاج شركة ZF الألمانية اللى عملتلهم ZF 8-speed transmission بتاع الـCharger الجديد..؟!!

    وأخيرا,
    بمناسبة الكلام على الفتيس الـ9 سرعات, واللى فيات-ZF بيقولوا انه بيوفر فـ استهلاك الوقود من 10-16% أكثر من فتيس الـTCT.. (اللى هو أصلا اقتصادى جدا مع الأحتفاظ بالأداء الرياضى)..؟؟!!!
    من الطرائف: ان الحكومة الأمريكية اشترطت على فيات (للحصول على 5% الأخيرة من الأسهم المسموح لها فى كرايسلر).. ان تنتج سيارة (أمريكية, من الفئة C) بمعدل استهلاك للوقود 40 mpg, وهو رقم لم يتحقق أبدا فى تاريخ كرايسلر (ويعتبر الأعلى بين الـbig 3)..؟!!

    يقال ان الـDart + الـMultiAir + الـZF 9-Speed = هى تركيبة فيات للوصول الى 58-59% من اسهم كرايسلر...؟!!
    [CENTER][SIGPIC][/SIGPIC]

    [/CENTER]

  • #2
    تسلم إيديك يا كبير .. والله كلام جامد جدا.
    وطبعا اللي ممكن نبصلها هي موديل ال SE على أساس سعة المحرك
    1.4 multiair turbo
    ولكن تبقى المشكلة الأزلية : ردائة البنزين المصري وعدم توافقه مع المحركات دي.!!

    Comment


    • #3
      تسلم إيدك على المعلومات الحلوة
      بس يا ترى هانشوفها فى مصر ؟
      أعتقد صعب و لو حتى ال se
      [CENTER][SIGPIC][/SIGPIC]
      [FONT=Comic Sans MS][COLOR=Black][SIZE=3][B]Ducati_1198s: The Beauty of MoToRCyCleS[/B][/SIZE][/COLOR][/FONT][/CENTER]

      Comment


      • #4
        شوية Spy photos للشباب:

        الـinterior بتاع العربية:



        أوعى your FF.. شايفين الفتيس الـTCT بتاع الألفاروميو..؟؟!!! ديوال-كلتش يا معلم.



        وصورة لجسم العربية من برا.. من داخل الـdesign-studios بتاع كرايسلر-دودج:



        الصورة الأخيرة دى كان فيه موضوع هنا فـ المنتدى, جايب حاجة شبيهة (لونها أزرق وبفوانيس ولوجو فيات).. وبيقول انها اللينيا الجديدة..؟؟!!!
        برضه لا أعتقد لأن اللينيا تعتبر B-Segment (شاسيه جراند بونتو).. ودى C-Segment (شاسيه البرافو)..؟!!
        [CENTER][SIGPIC][/SIGPIC]

        [/CENTER]

        Comment


        • #5
          المشاركة الأصلية كتبت بواسطة ahmedhawas مشاهدة المشاركة
          وطبعا اللي ممكن نبصلها هي موديل ال SE على أساس سعة المحرك
          1.4 multiair turbo
          ولكن تبقى المشكلة الأزلية : ردائة البنزين المصري وعدم توافقه مع المحركات دي.!!
          المشاركة الأصلية كتبت بواسطة shouk_1987 مشاهدة المشاركة
          بس يا ترى هانشوفها فى مصر ؟
          أعتقد صعب و لو حتى ال se
          +1
          ياريت تنزل مصر طبعا.. وارد يا رجالة..؟؟!!!
          أنا مش هقول تنافس فـ الفئة المتوسطة (كـ سعر) من C-Segment.. اللى هى كورولا والنترا وكروز وفلوينس وشارك ومازدا3..؟!! (من 130-160 ألف)
          لأ هابقى متفائل أوى.. ومش هيعرفوا ينزلوها بالسعر ده..
          لكن,
          عـ الأقل تنافس فـ فئة الجيتا والسيفيك والأوكتافيا..!! (من 170-200 ألف)

          واللى يؤيد كلامى:
          كل عربيات الـVW تقريبا بقت بتنزل TSI+DSG
          والدودج دى (FIAT ) هتنزل MultiAit T-JET + TCT
          والبنزين الـ95 موجود, ربنا يخليلنا توتال وشيل

          بس طبعا ياريت تنزل بسعر أقل (ولو انى لا أعتقد ) لأن فيات-كرايسلر مش هتقدر تقلل تكاليف انتاج المواتير والفتيسات دى.. (لكن VW نجحت فـ كده الصراحة).. ونتمنى..!!!

          [CENTER][SIGPIC][/SIGPIC]

          [/CENTER]

          Comment


          • #6
            عايز أضيف نقطتين يا جماعة:

            - الـ170 حصان دول (من الموتور 1.4 MultiAir تربو).. مش رقم هين..؟!! خصوصا فـ الفئة دى.. أجمد عربية فيها السيفيك 125 حصان, والجيتا لو TSI تطلع 122 حصان. والألنترا 128 حصان (بس احصنة كورى )..؟؟!!!
            الـ320 نفسها.. بتطلع 156 حصان (عشان port-injection) ولو Direct-injection هيبقوا 170 حصان..؟!!

            - لو تفتكروا الكرايسلر الـNeon (ما هى الـCaliber تعتبر الـSuccessor بتاعتها)..؟!!
            كانت بتنزل فـ مصر بـ موتورين: 1.6 - 2.0
            وعلى الرغم من مشاكلها الكتيييييييير (زى الأوبل فكترا B2).. بس كانت عربية فااااااااااجرة..؟!!
            الموتور الـ2000cc كانت بتتقارن (فـ الأداء) ساعتها بالـ318 والـC180..؟؟!!! مش بقى كورولا وشيفروليه-دايو والنترا وكلااااااااااام كده..
            [CENTER][SIGPIC][/SIGPIC]

            [/CENTER]

            Comment


            • #7
              ارفع لك القبعه
              [CENTER] [/CENTER]

              Comment


              • #8
                -بصراحة مش عارف أقولك إيه .. إنت بجد متعب !!
                -بس أنا شايف انهم صعب ينزلوا العربيات دي في مصر .. والسبب : ثقافة المستهلك !
                -وان عربية زي دي لو نزلت ففي أضعف أحوالها ..هتعدي 200 ألف مستريح ، وده إتباعا لسياسة النهب اللي كل التوكيلات ماشيين عليها .. وده عشان إحنا في مصر !
                - اللي خلاني أقول كده .. شوف السيفيك الجديدة والأسعار الخزعبلية بتاعتهم.
                -أما بخصوص الكرايسلر نيون .. فبصراحة العربية دي كانت جباااارة .. بس تقريبا إنقرضت خلاص.
                كانت مع واحد زميلي أيام الكلية وكنا طالعين المقطم في كذا عربية .. بس اللي كان بيحصل من عربية أخينا ده ميحسسكش اننا في مطلع نوهائي .. أنا شكيت انه معدل فيها بس لقيتها ستوك ،، كفاية كدة عشان تعبت.

                Comment


                • #9
                  دى شبه الايجل Eagle ... الصينى ...
                  [CENTER][COLOR=Blue][SIZE=4]مفيش توقيع
                  عشان تتبسط :D
                  [/SIZE][/COLOR][/CENTER]

                  Comment


                  • #10
                    يعنى عايزين تفهمونى اننا كمصريين هنركب دودج فى 2012

                    لا أظن
                    [SIZE="6"][CENTER] اهم مواضيعى هنا [url]http://www.nilemotors.net/Nile/search.php?do=finduser&u=20690&starteronly=1[/url] [/CENTER][/SIZE]

                    Comment


                    • #11
                      فعلا واسعه شويه حكايه الدودج دى. آمال الصينى مين اللى هيركبه فى العالم غيرنا يعنى لما احنا نركب دودج ؟.

                      Comment


                      • #12
                        المشاركة الأصلية كتبت بواسطة ahmedhawas مشاهدة المشاركة
                        -بصراحة مش عارف أقولك إيه .. إنت بجد متعب !!
                        -بس أنا شايف انهم صعب ينزلوا العربيات دي في مصر .. والسبب : ثقافة المستهلك !
                        -وان عربية زي دي لو نزلت ففي أضعف أحوالها ..هتعدي 200 ألف مستريح ، وده إتباعا لسياسة النهب اللي كل التوكيلات ماشيين عليها .. وده عشان إحنا في مصر !
                        - اللي خلاني أقول كده .. شوف السيفيك الجديدة والأسعار الخزعبلية بتاعتهم.
                        -أما بخصوص الكرايسلر نيون .. فبصراحة العربية دي كانت جباااارة .. بس تقريبا إنقرضت خلاص.
                        كانت مع واحد زميلي أيام الكلية وكنا طالعين المقطم في كذا عربية .. بس اللي كان بيحصل من عربية أخينا ده ميحسسكش اننا في مطلع نوهائي .. أنا شكيت انه معدل فيها بس لقيتها ستوك ،، كفاية كدة عشان تعبت.
                        هههههههههههههه
                        معاك طبعا فـ كل اللى بتقوله..
                        بس لما السيفيك (يابانى) وبموتور عادى 1.6 i-VTEC وفتيس أوتو..
                        ولا الجيتا (مكسيكى) أو الأوكتافيا: لما تبقى بموتور أقل من عادى (1.6 SOHC 102 hp).. بيتباعوا بـ200 ألف

                        يبقى الـDart (أمريكانى-ايطالى).. بموتور MultiAir تربو, وفتيس ديوال-كلتش TCT وشاسيه ألفا.. وتتباع زيهم, أعتقد تبقى أجمد بكتيييييييير..؟!!
                        أنا عارف طبعا انها ما بتتحسبش كده, بس دى point برضه..؟؟!!!

                        المشاركة الأصلية كتبت بواسطة الغزالى مشاهدة المشاركة
                        دى شبه الايجل Eagle ... الصينى ...
                        ههههههههه
                        عيب عليك يا غزالى لما تقول على عربية دودج, بموتور أبارث.. وفتيس وشاسيه ألفاروميو: انها شبه عربية صينى..؟؟!!!
                        قصدك الصينى هى اللى شبهها.. هههههههههه

                        المشاركة الأصلية كتبت بواسطة عصام غنايم مشاهدة المشاركة
                        يعنى عايزين تفهمونى اننا كمصريين هنركب دودج فى 2012
                        لا أظن
                        المشاركة الأصلية كتبت بواسطة wshawky مشاهدة المشاركة
                        فعلا واسعه شويه حكايه الدودج دى. آمال الصينى مين اللى هيركبه فى العالم غيرنا يعنى لما احنا نركب دودج ؟.
                        هههههههههههههههههههههه
                        احنا بنركب عربيات "بفلوسنا" وزيادة (المسروق مننا فـ ثمنها)..؟؟!!!
                        يبقى ليه مانركبش أصلى أصلى زى الناس؟؟؟!!!!!!

                        [CENTER][SIGPIC][/SIGPIC]

                        [/CENTER]

                        Comment


                        • #13
                          المشاركة الأصلية كتبت بواسطة formulator مشاهدة المشاركة
                          ههههههههه
                          عيب عليك يا غزالى لما تقول على عربية دودج, بموتور أبارث.. وفتيس وشاسيه ألفاروميو: انها شبه عربية صينى..؟؟!!!
                          قصدك الصينى هى اللى شبهها.. هههههههههه
                          المشكله يا عياد ... ان الايجيل الصينى نازله من فتره
                          بس ... عموما ... مش هاتمشى هنا فى مصر ... عشان عم الحج عز العرب
                          [CENTER][COLOR=Blue][SIZE=4]مفيش توقيع
                          عشان تتبسط :D
                          [/SIZE][/COLOR][/CENTER]

                          Comment


                          • #14
                            المشاركة الأصلية كتبت بواسطة formulator مشاهدة المشاركة
                            هههههههههههههه
                            معاك طبعا فـ كل اللى بتقوله.. :s_thum1[1]:
                            بس لما السيفيك (يابانى) وبموتور عادى 1.6 i-vtec وفتيس أوتو..
                            ولا الجيتا (مكسيكى) أو الأوكتافيا: لما تبقى بموتور أقل من عادى (1.6 sohc 102 hp).. بيتباعوا بـ200 ألف

                            يبقى الـdart (أمريكانى-ايطالى).. بموتور multiair تربو, وفتيس ديوال-كلتش tct وشاسيه ألفا.. وتتباع زيهم, أعتقد تبقى أجمد بكتيييييييير..؟!! :u_thin1[1]:
                            أنا عارف طبعا انها ما بتتحسبش كده, بس دى point برضه..؟؟!!!

                            والله يا باشا عداك العيب .. وأزح.
                            أنا مش عارف الأسعار دي ليه؟؟ أو إشمعنا في مصر؟؟؟
                            في رينج ال 200 ألف (لو في السعودية .. مثلا مثلا يعني) هجيب نيسان مورانو أو أرمادا أو شيروكي كوماندر أو جيمس يوكون
                            أو تسيبك من ده كله وتدخل عالفخامة:إنفينيتي g35 أو لكزس es 300 ........ وكله جديد يا باشا... هتشل!!
                            هههههههههههههههههههههه
                            احنا بنركب عربيات "بفلوسنا" وزيادة (المسروق مننا فـ ثمنها)..؟؟!!!
                            يبقى ليه مانركبش أصلى أصلى زى الناس؟؟؟!!!!!!
                            بالمناسبة كيا سبورتاج هناك بتبدأ ب64 ألف ريال (يعني 95 ألف جنيه) ، لأ وإيه ال 2000 سي سي ،
                            اللي لو فكروا ينزلوها مصر هيبدأوا يدبحوا الناس ب 350 ألف وانتا طالع .. ،، ربنا يسامحه اللي كان السبب!!

                            Comment


                            • #15
                              أعتقد ممكن تنزل فى الخليج عادي
                              لان الخليج يعرف الدودج كويس وليها سمعه مش بطاله فى الخليج
                              لكن مصر صعب جدا لاسباب كتير
                              - توكيل ضعيف ومش متفرغ للماركه
                              - دودج كماركه أو نوع سيارات غير معروف لغالبية الشعب المصري
                              - هتكون اكيد أغلى من المنافسين بتوعها (الكورولا و الالنترا والسيفيك)
                              بلاضافه الى ان نظرة أو ثقافة كتير من الناس اتغيرت فى السيارات الامريكي بعد نزول سيارات كوري بأسم امريكي زى الافيو واللانوس والاوبترا وده هيكون ليه اثر كبير على اى سياره امريكيه حقيقيه
                              [sor2]http://www5.picturepush.com/photo/a/13707593/640/111/29838-101385683246531-100001252983981-6799-7168748.jpg[/sor2]

                              Comment

                              Working...
                              X