دراسة – السيارات اليابانية والكورية هي الأكثر اعتمادية

[Nader]

دراسة – السيارات اليابانية والكورية هي الأكثر اعتمادية

كشفت دراسة حديثه إلى أن أفضل السيارات المستخدمة حاليًا، والأكثر اعتمادية هي تلك السيارات المصنوعة في كل من اليابان وكوريا الجنوبية.

هذا ما كشفت عنه الدراسة التي أجرتها مجله What Car بالتعاون مع إحدى شركات التأمين.

فقد جاء على رأس قائمه أكثر السيارات اعتمادية سيارات...|المزيد|




المصدر:
شبكة النيل الإخبارية

[mohammedabdallh]

معرف من زمان ان اليبانى معمر مش فى العربيات بس لا
فى كل المنتجات
وبيحافظ على سعر اعاده البيع

[medododo]

أرفع رأسك فوق أنت راكب هوندا

[Land_Cruiser]

انا رايي انه كلام عايم لان المفروض يقولوا اى موديلات اللى عملوا عليها دراسه و مواصفاتها ايه و فى اى بلاد علشان يبقى كلام دقيق لان وارد قوى يكونوا بيتكلموا عن فئات ما بتنزلش اصلا عندنا فى مصر

[Kareem.ElAraby]

متابع

[egytamer]

في رئي الخاص لانها اقل في التكنولوجيا من السيارات الاوربية والامريكية الي بيكون اغلب العربية حساسات وهاي تكنولوجي.
في مقابل فقر تكنولوجي في العربيات اليابانية والكورية ولونها بدئت تتعلم من الاوربية وكمان اليبانين والكورين بيشتغلو بجودة عالية.

[Ralliart]

في رئي الخاص لانها اقل في التكنولوجيا من السيارات الاوربية والامريكية الي بيكون اغلب العربية حساسات وهاي تكنولوجي.
في مقابل فقر تكنولوجي في العربيات اليابانية والكورية ولونها بدئت تتعلم من الاوربية وكمان اليبانين والكورين بيشتغلو بجودة عالية.

تكنولوجية ايه يا فندم ؟؟؟؟؟؟ ايه الحساس اللي موجود في الاوروبي والامريكي ومش موجود في العربيات الياباني او الكوري ؟
العربيات الاسيوية بتدي ارقام أداء تنافس الاوروبي والامريكي وبتكنولوجيا عالية جداً وسبق ان شركات عملاقة زي كرايزلر كانت بتعتمد على الجير بوكس بتاع ميتسوبيشي في معظم عربياتهم
وشركة زي هوندا بيكون فيها تكنولوجيا معقدة في المواتير وبتطلع اداء اعلى من منافسيها ومع ذلك عمرها طويل

عربيات مثلاً زي جولف 4 او البورا معظم اللي شفتهم مع اصحابي فوتو مكن قبل كده!! عربيات موديلات الفينات ومن شركة اكتر من محترمة ومغيره موتور!! وعربية زي الميجان وانا بحترمها جداً بس لما كل فترة تضرب كويل بالف جنيه يبقى ايه الميزة اللي خدتها منها ! وفين التكنولوجيا اللي فيها؟

كان في مقولة لجيرمي كلاركسون بيقول ان داتسون لما راحت اوروبا اكتشفو لاول مررة انهم ممكن يركبو عربية مبتعطلش !!

[ahmedhawas]

وباقي القائمة للمهتمين:

11- دايو
12- سكودا
13- سمارت
14- فورد
15- سيتروين
16- بورش
17- فيات
18- ميني
19- بيجو
20- فولكس
21- بي إم
22- روفر
23- فولفو
24- أودي
25- جاجوار
26- سيات
27- مرسيدس
28- فوكسول
29- إم جي
30- كرايسلر
31- جيب
32- ساب
33- رينو
34- ألفا روميو
35- لاند روفر

بشكل عام الصدارة من حيث قلة الأعطال لصالح السيارات اليابانية يليها السيارات الكورية ، ثم الأوروبية.
- الياباني يتصدر المقدمة بجدارة متمثلا في الهوندا.
- الكوري يبدأ ظهوره في المركز ال 8 متمثلا في الهيونداي.
- والأوروبي يبدأ في الظهور في المركز ال 12 متمثلا في السكودا.

أنا شايف ان التقرير صادق جدا ، عشان اللي عاملينه whatcar مجلة أوروبية إنجليزية وبالرغم من ذلك منتجاتهم كانت أكثر أعطال وبالتالي تذيلت القائمة.
اللي شادد نظري في التقرير : هو تقدم السيارات الكوري على الأوروبي من حيث قلة الأعطال .. وده يحسب لهم.
ولكن خلي بالك التقرير متكلمش عن الsafety ولا ال handling ولا ال suspension system .

[Nader]

التقرير إلى حد ما بعيد شوية عن السوق المصري، على سبيل المثال التقرير بيقول أن السيارات الأوربية تتفوق على مثيلاتها اليابانية والكورية في تكاليف الصيانة وقطع الغيار "مصاريف التشغيل بشكل عام" وده عكس الموجود عندنا في السوق المصري.

[sherif222]

ما فيش احلى من اليابانى

[Formulator]

يا جماعة دا Survey على السيارات المباعة داخل UK..؟؟!!! والـdata مصدرها المستهلك العادى, مش حتى based على Studies عملية..؟!!

يعنى لو دخلت عـ السايت بتاع Reliability index نفسها.. هتلاقى parameters غريبة..؟!
يقولك: البورشه 911 لو عطل فيها Sensor واتصلح بـ 1000 استرلينى, تاخد تقييم أقل من البيكانتو اللى بيعطل فيها Clutch أو طلمبة كل كام ألف كيلو, وبيتصلحوا بـ200 استرلينى..؟؟!!!
أيه هوا ده؟؟!!!
لأ وأيه: مع الأخذ فـ الاعتبار ان عدد مرات العطل فـ البورش مرة واحدة, لكن الكيا 3-4 مرات؟!!
ياسلاااااااااااااااام, امال لو ماخدهاش فـ الأعتبار.. كان ادى البورشة تقييم أيه..

العربيات الاسيوية بتدي ارقام أداء تنافس الاوروبي والامريكي وبتكنولوجيا عالية جداً وسبق ان شركات عملاقة زي كرايزلر كانت بتعتمد على الجير بوكس بتاع ميتسوبيشي في معظم عربياتهم
وشركة زي هوندا بيكون فيها تكنولوجيا معقدة في المواتير وبتطلع اداء اعلى من منافسيها ومع ذلك عمرها طويل

كرايسلر كانت فى Joint-venture مع ميتسوبيشى وهيونداى, فـ مصانع GEMA, WGE للمحركات وانظمة الدفع والفتيسات.. مش كانت بتاخد فتيسات من ميتسوبيشى؟؟!!!
وده لما كانت مملوكة لـDaimler AG مرسيدس الألمانية..
even فتيسات الدودج تشارجر والكرايسلر300 كانت لحد شهور فاتت: Mercedes 5-Speed Auto
وحاليا بتستخدم فتيسات ZF 8-Speed Auto من انتاج شركة ZF الألمانية.. Fiat PowerTrain

بالنسبة للهوندا (مع عشقى للعربية دى):
بس للأسف, مش هنتكلم على فتيسات, عشان هما متأخرين فيها جدا جدا عن باقى العالم, حتى عن الكورى..؟!!

نيجى للمواتير اللى بتقولوا انها معقدة؟؟!!! :
أمال الـValvetronic بتاع BMW والـMultiAir بتاع فيات, والـTFSI بتاع الأودى.. يبقوا أيه؟!!
ماشفناش يعنى أى جايزة لمواتير يابانية (لا هوندا ولا تويوتا ولا سوبارو) فى International Engine of The Year Awards اللى هى أعلى جائزة عالمية لتصميم وانتاج المحركات.؟!!
btw: الـ3 شركات الأوروبية اللى ذكرتهم مسيطرين على الـ12 جائزة فـ السنوات الأخيرة..

بلااااااااااااش جوايز وكلام من ده..
تقدر حضرتك تقارن أرقام الأداء (اللى انت بتتكلم عليها) لأفضل مواتير الـi-VTEC والـMivec والـdual VVT-i
مع أرقام الأداء (Horsepower وعزم واستهلاك وانبعاثات) بتاع مواتير الـMultiAir والـValvetronic

ومش هقول T-JET ولا TSI عشان اليابانيين لسه ماخدوش بالهم ان فيه Trend اسمه Downsizing+Turbocharging الأوروبيين كلهم ماشيين فيه..

تقدر حضرتك تقارن المواتير الـNA وتشوف الـEfficiency لصالح مين..؟؟!!!

عربيات مثلاً زي جولف 4 او البورا معظم اللي شفتهم مع اصحابي فوتو مكن قبل كده!! عربيات موديلات الفينات ومن شركة اكتر من محترمة ومغيره موتور!! وعربية زي الميجان وانا بحترمها جداً بس لما كل فترة تضرب كويل بالف جنيه يبقى ايه الميزة اللي خدتها منها ! وفين التكنولوجيا اللي فيها؟

أنا هقول حاجة واحدة بس:
السوبر كار الوحيدة اللى خرجت من اليابان (من شركة Datsun).. لحد دلوقتى مش عارفين يحلوا مشكلة الـLaunch Control واللى بيتسبب (أقل واجب) ان الـTransmission Axle يتكسر, وبتوصل كتييييييييير لـEngine Failure على الرغم من كل الـProtective Measures والألكترونيات اللى نيسان عاملاها فى الـGT-R

وتقدر حضرتك تـsearch على كام customer فى العالم نيسان غيرتلهم موتور كااااااااااامل بالـdrivetrain فـ الضمان..؟؟!!!
صباح الـReliability

أنا شايف ان التقرير صادق جدا ، عشان اللي عاملينه whatcar مجلة أوروبية إنجليزية وبالرغم من ذلك منتجاتهم كانت أكثر أعطال وبالتالي تذيلت القائمة.
اللي شادد نظري في التقرير : هو تقدم السيارات الكوري على الأوروبي من حيث قلة الأعطال .. وده يحسب لهم.
ولكن خلي بالك التقرير متكلمش عن الsafety ولا ال handling ولا ال suspension system .

عشان دى Measures المستهلك العادى مش هيعرف يقيمها بطريقة Systematic..

على سبيل المثال التقرير بيقول أن السيارات الأوربية تتفوق على مثيلاتها اليابانية والكورية في تكاليف الصيانة وقطع الغيار "مصاريف التشغيل بشكل عام" وده عكس الموجود عندنا في السوق المصري.

عشان دى عندهم عربيات انتاج محلى (الأوروبى).. لكن الكورى واليابانى لأ, حتى لو فيه بعض مكونات أوروبية (وانا استبعد ده)
فـ قطع الغيار ان لم تتوافر من الشركة المصنعة أو الـDealer بتاعها.. المستهلك هيعرف يجيبها من مصنع المكونات نفسها (بوش, ماريللى, بريمبو...etc)

[SAMEH_FOUAD]

يا جماعة دا Survey على السيارات المباعة داخل UK..؟؟!!! والـdata مصدرها المستهلك العادى, مش حتى based على Studies عملية..؟!!

يعنى لو دخلت عـ السايت بتاع Reliability index نفسها.. هتلاقى parameters غريبة..؟!
يقولك: البورشه 911 لو عطل فيها Sensor واتصلح بـ 1000 استرلينى, تاخد تقييم أقل من البيكانتو اللى بيعطل فيها Clutch أو طلمبة كل كام ألف كيلو, وبيتصلحوا بـ200 استرلينى..؟؟!!!
أيه هوا ده؟؟!!!
لأ وأيه: مع الأخذ فـ الاعتبار ان عدد مرات العطل فـ البورش مرة واحدة, لكن الكيا 3-4 مرات؟!!
ياسلاااااااااااااااام, امال لو ماخدهاش فـ الأعتبار.. كان ادى البورشة تقييم أيه..



كرايسلر كانت فى Joint-venture مع ميتسوبيشى وهيونداى, فـ مصانع GEMA, WGE للمحركات وانظمة الدفع والفتيسات.. مش كانت بتاخد فتيسات من ميتسوبيشى؟؟!!!
وده لما كانت مملوكة لـDaimler AG مرسيدس الألمانية..
even فتيسات الدودج تشارجر والكرايسلر300 كانت لحد شهور فاتت: Mercedes 5-Speed Auto
وحاليا بتستخدم فتيسات ZF 8-Speed Auto من انتاج شركة ZF الألمانية.. Fiat PowerTrain

بالنسبة للهوندا (مع عشقى للعربية دى):
بس للأسف, مش هنتكلم على فتيسات, عشان هما متأخرين فيها جدا جدا عن باقى العالم, حتى عن الكورى..؟!!

نيجى للمواتير اللى بتقولوا انها معقدة؟؟!!! :
أمال الـValvetronic بتاع BMW والـMultiAir بتاع فيات, والـTFSI بتاع الأودى.. يبقوا أيه؟!!
ماشفناش يعنى أى جايزة لمواتير يابانية (لا هوندا ولا تويوتا ولا سوبارو) فى International Engine of The Year Awards اللى هى أعلى جائزة عالمية لتصميم وانتاج المحركات.؟!!
btw: الـ3 شركات الأوروبية اللى ذكرتهم مسيطرين على الـ12 جائزة فـ السنوات الأخيرة..

بلااااااااااااش جوايز وكلام من ده..
تقدر حضرتك تقارن أرقام الأداء (اللى انت بتتكلم عليها) لأفضل مواتير الـi-VTEC والـMivec والـdual VVT-i
مع أرقام الأداء (Horsepower وعزم واستهلاك وانبعاثات) بتاع مواتير الـMultiAir والـValvetronic

ومش هقول T-JET ولا TSI عشان اليابانيين لسه ماخدوش بالهم ان فيه Trend اسمه Downsizing+Turbocharging الأوروبيين كلهم ماشيين فيه..

أنا هقول حاجة واحدة بس:
السوبر كار الوحيدة اللى خرجت من اليابان (من شركة Datsun).. لحد دلوقتى مش عارفين يحلوا مشكلة الـLaunch Control واللى بيتسبب (أقل واجب) ان الـTransmission Axle يتكسر, وبتوصل كتييييييييير لـEngine Failure على الرغم من كل الـProtective Measures والألكترونيات اللى نيسان عاملاها فى الـGT-R

وتقدر حضرتك تـsearch على كام customer فى العالم نيسان غيرتلهم موتور كااااااااااامل بالـdrivetrain فـ الضمان..؟؟!!!
صباح الـReliability

اية الاخبار ياباشا يارب تكون بخير

انا بس لية كام تعقيب على نقط فى المشاركة بتاعتك

* الهوندا فعلا واخدة اعلى rating فى الجودة والسلامة ومش من what car بس لأ دية واخداها من j.d power كمان , وطبعا دة شىء يحسب ليها والاختبارات بتتم على السيارات من اللى مضى عليها 8 سنوات ودية اللى عملتها مجلة what car , وj.d power طبعا بيطلع كل سنويا , يعنى فى النقطة دية اليابانيين محتلين المراكز الاولى فى الجودة والسلامة , وخلى بالك ان هوندا سيفيك 2010 خدت اكثر السيارات سلامة فى encap

* بالنسبة لللفتيسات فى الهوندا فية فرق مابين التكنولوجيا المدخلة وان الفتيس نفسة ضعيف لفقرة فى التكنولوجيا بمعنى انك لو جيت مثلا فى الفتيسات الالمانى هتلاقيها 6,7,8 سرعات , لكن الفتيس اليابانى مابيعديش ال6 سرعات ودة لان السيارات اليابانية بتعتمد فى الاساس على عدم الرفاهية المطلقة فى السيارة او ان محركاتها مابتكونش ذات سعة لترية عالية + ان العربية بيبقى وزنها خفيف + ان العربية دفع امامى ( كل دة يخلى العربية بأى محرك قوى نسبيا او سعتة اللترية 2000 سى سى فيما فوق يجعل الاداء ممتاز وفائق النعومة عشان كدة محركاتها مش محتاجة تيربو او انهم مش شايفين انها محتاجة تيربو

لكن لو جينا للمحركات الالمانية او الاوربية بتبقى السيارات وزنها تقيل , دفع خلفى , محركات كبيرة ولكن الهورس باور قليل وعزم اكبر , اوبشن كتير جدا وانظمة امان كل دة لو محرك عادى هيبقى ضعيف على السيارة ومش هيديها القوة الكافية ومثال عندنا bmw 316 لحد دلوقتى قوتها لاتتعدى ال115 حصان واقصى سرعة ليها 202 كم واهية بى ام
والجيتا محرك تيربو زود العربية من 102 حصان الى 115 حصان اية المشكلة يعنى معملش جديد , ونفس الكلام فى الباسات خلى المحرك تيربو 1400 سى سى بيخرج 120 حصان فى ظل ان المحركات اليابانى والكورى بتخرج 130 حصان من محرك 1600 عادى

ولو جينا هنلاقى بردة ان مثلا شركة زى الهوندا عملت محركات vtec من سنة 1988 واصلا تعتبر التكنولوجيا دية قريبة جدا من فكرة التيربو بس الفرق ان النظام دة بيشتغل على اربى ام عالى لكن التيربو بيتوافر معاك من اربى ام قليل بس انا افضل الvtec عن التيربو , لانى جريت مع باسات tsi الجديدة 2011 من الثبات فرقت عنة جامد جدا جدا جدا وجينا فى نفق الازهر خدناة كلة على سرعات عالية واخر ملف هدينا لحد 100 كم ولما بدأنا نجمع تانى بردة فرقت عنة بكتير يبقى التيربو خدمة فى اية ؟؟؟

* على فكرة الهوندا عاملة nsx اسطورة وطفرة
Acura NSX V.S Ferrari 355 - YouTube

Honda NSX-R vs BMW M3 '09 - YouTube

دور عليها وشوف ال review بتاعها

اليابانى = ( قلة اعطال - راحة ونعومة اكتر من الاوروبى - handling ممتاز - فخامة ورفاهية - سعر قليل بكتير - تكييف تلاجة - اعادة سعر بيع عالية - مصاريف صيانة اقل )

[SAMEH_FOUAD]

على فكرة اليابانى جامد وناس كتير بتفضلة عن الاوروبى بمراحل لان انا فى نظرى الاوروبى هو ( bmw- mercedes-audi)

[Formulator]

سمسم باشا, ازيك يا كبير الهونداوية..
ربنا يخليك يا صديقى,

ياباشا ماينفعش تقارن الباسات أو الجيتا الـTSI بالهوندا الـSiR..
يعنى غير فروق الأوزان والـdrivetrain.. التربو اللى فـ العربيتين الـVW يادوب مطلع 20% باور زيادة (Stage-1)..
لسه فيه موديلات الـGT بقوة 140-160 حصان..؟!!

وطبعا انا عارف الـNSX الأسطورية.. وناس كتييييييييييير بتطالب الهوندا انها تعمل Revive للعربية دى.. مفيش كلام..

بس بالنسبة لقصة الـreliability.. انا معاك ان الهوندا تحديدا لسه محافظة على الـbuild-quality بتاع عربياتها, لكن برضه فين عربيات الـ80s-90s اللى كانوا بيضربوا بيها المثل فى الأعتمادية وقلة الأعطال؟؟!!!

أقولك حاجة: فى الـSurvey بتاع WhatCar موضوع النقاش:
- الـEuropean Civic هاتش.. 63% من اعطالها: Electric-Failure/ breakdown..؟؟!!!

للأسف يا سمسم, انا شايف ان المدرسة اليابانية بتتراجع (على الأقل فـ العقود الأخيرة).. فى حين ان الكورية (اللى بتقلب عيشها ) بتحاول تجارى التكنولوجى..؟!!

[Formulator]

أقولك حاجة يا سمسم,

هى الهوندا والتويوتا ازاااااااااااى قدروا يوصلوا فى الثمانينات والتسعينات.. انهم يعملوا عربيات تتفوق على نظيرتها الأوروبية, (على الأقل فـ الـReliability), جابوا الخبرة دى منين؟؟!!!

أيه اللى خلى Bridgestone اليابانية أفضل صناع الأطارات فـ العالم؟!!

أيه الفرق الأساسى بين الكورى واليابانى.. واللى كان دايما مخلى اليابانى قداااااااام والكورى ورا؟؟!!!

- الـPassion يافندم, من اول الصرف على الأبحاث والتطوير.. لحد الدقة المتناهية فـ العمل..!
- خبرة السباقات (Formula 1 وأقل) اللى خلى الهوندا والتويوتا.. وان لم يحققوا شىء, لكن كانوا فى قلب أعلى Automotive Technology فى التاريخ..؟!!

لكن:
انسحبوا من الفورميولا1 والسباقات.. خفضوا ميزانيات الـR&D,
النتيجة: تويوتا لم تعد المصنع رقم1 فى العالم..! (دلوقتى فيه GM و VW).. وفورد وهيونداى-كيا ورا تويوتا, قادمين بكل امكانياتهم..؟؟!!!

بريدجستون كلها سنوات قليلة, وهتبقى متخلفة تكنولوجيا عن Pirelli و Michelin

اتمنى تكون وصلتك الـpoint بتاعتى يا سمسم,
Regards,