معركة بـالسلاح«الآلى» فى 15 مايو بسبب غسيل سيارة

[ls1090]

شهدت محطة وقود فى 15 مايو مشاجرة بالأسلحة النارية والبيضاء بين أصحاب المحطة وآخرين،
أسفرت عن مقتل شاب وإصابة آخرين بأعيرة نارية، تصادف مرورهم بمكان المشاجرة. تم نقلهم إلى المستشفى.
قالت التحقيقات إن الطرف الثانى توجه لمعاتبة العاملين بالمحطة وهم بحيازتهم أسلحة نارية وبيضاء،
فأطلقوا بعض الأعيرة النارية، بسبب خلاف سابق بين الطرفي، لتأخر بعض العاملين بالمحطة أثناء غسيل سيارة ميكروباص خاصة بالطرف الثانى،
تعدى خلالها كل من الطرفين على الآخر، مما أدى إلى مصرع شاب وإصابة آخرين.
القبض على اثنين من المتهمين، وتكثف أجهزة الأمن جهودها لضبط باقى الطرفين. تحرر محضر بالواقعة وأخطرت النيابة.
كانت البداية بلاغاً تلقاه مأمور قسم 15مايو من الأهالى بمشاجرة،
وإطلاق أعيرة نارية بمحطة وقود «أويل أيبيا» أمام مجاورة 15، وبالانتقال والفحص تبين حدوثها بين كل مـن محمد عبدالمحسن، نجل مالكة المحطة، وشقيقه أحمد، وأحمد حمدى محمد «29 سنة»، عاطل، مقيم فى الجيزة، ضبط بحوزته بندقية آلية وخزينتان فارغتان،
وصادق رضا صادق «30 سنة»، عامل، مقيم فى الجيزة، محكوم عليه فى 7 قضايا آخرها قضية تبديد (طرف أول) ومحمد محمود محمد «19 سنة»،
طالب، مقيم فى 15 مايو، وصلاح سعيد محمد إبراهيم «18 سنة»، عاطل، مقيم فى 15 مايو،
وبصحبتهما بعض أصدقائهم (طرف ثان)، بسبب خلاف سابق بينهما حول تأخر بعض العاملين بالمحطة أثناء غسيل سيارة ميكروباص خاصة بالطرف الثانى،
وتوجه الطرف الثانى لمعاتبة العاملين بالمحطة وبحيازتهم أسلحة نارية وبيضاء،
وفأطلقوا بعض الأعيرة فى الهواء، فتجددت المشاجرة، وتعدى خلالها كل من الطرفين على الآخر بالضرب


منقول

[medo111]

كل ده عشان غسله عربيه
حسبي الله ونعم الوكيل

[dr_darsh]

حسبى الله ونعم الوكيل دى تفااااااااااااااااااااااهه
والله الناس دى المفروض تتحاكم فى ميدان عام علشان تبقى عبرة لكل البلطجية

[Donzi]

هوا القتل و العنف بقوا اسهل حاجة ليه كدا اليومين دول و حياة البني ادم بقيت رخيصة اوي ليه كدا ؟؟؟

لا حول ولا قوة الا بالله

خناقة في طابور عيش نتيجتها واحد يتقتل
خناقة في طابور انابيب نتيجتها واحد يتقتل
خناقة في طابور بنزينة نتيجتها واحد يتقتل

[فتح الباب]

لو تنازل طرف من الطرفان قليلا لما حدث هذا وعندما يعتقد كلا منهما انه الاقوى فهذا قمة التخلف مع ملاحظة انه فى حين تنازل اى طرف من الاثنين يجعله اقوى عقليا وفكريا بين الناس لكن للاسف يظهر مكتوب علينا ان نعيش وسط جهل وتخلف مدى الحياه عندما قال الاجانب عننا ان العرب اتفقوا على ان لا يتفقوا فهم فعلا صدقوا

[kar!m]

و الله أنا سمعت شريط اسمه "حق الأخ على أخيه" للشيخ محمد حسان .. من سلسلة اسمها "حقوق يجب أن تعرف" .. لو الناس تعرف حق الأخ على أخيه المؤمن .. كل مشاكلنا هتتحل .. و الناس هتعامل بعضها بأسلوب مخلف تماما .. و هنبقى أحسن بلد فى الدنيا.

[Elawany13]

ده ايه التخلف اللى بقينا عايشين فيه ده !!!

[dr_darsh]

و الله أنا سمعت شريط اسمه "حق الأخ على أخيه" للشيخ محمد حسان .. من سلسلة اسمها "حقوق يجب أن تعرف" .. لو الناس تعرف حق الأخ على أخيه المؤمن .. كل مشاكلنا هتتحل .. و الناس هتعامل بعضها بأسلوب مخلف تماما .. و هنبقى أحسن بلد فى الدنيا.

حضرتك عندك حق انا مش سمعت الشريط بس انت فكرتنى بحاجه كنت سمعتها من أحد المشايخ الكرام ..ان الدين مش عباده الله فقط ولكن التعامل مع النفس والتعامل مع الأخرين لأن حق الله ممكن يكون الواحد بيأديه فى الصلاة والزكاه و ... و ... و ... ولكن حق الغير يمكن فى التعاملات .. تخيل لو انا انسان عابد وأدى جميع الفرائض والسنن واتى يوم القيامه بحسنات لا حصر لها ولكن معاملاته سيئه مع الأخرين يسب هذا ويسرق هذا لاأقول قتل أقول السب والتعدى فقط .. لو تذكرالإنسان انه لن تنتهى محاسبته ولن تذل قدمه حتى يأخذ كل من أذاهم بحقه منه ... لو كل انسان تذكر هذا هتكون حياتنا عامله ازاى أكيد هتكون كلها حب وموده وادب واحترام ... ماحدش هيأذى حد مش هتلاقى حد وانت واقف فى الطابور ويعدى الكل ويجى من قدام الطابور وعاوز يدخل قبل الكل مش متخيل ان ده استهتار بكل اللى واقفين واذى لهم تخيل فيه حد هيفكر يسرق او يقتل ... وفعلا هنكون أحسن بلد فى الدنيا

[el_nahal2004]

الناس بقت بتاكل فى بعض