ظهور هيونداى إلنترا كوبية 2013 بأمريكا استعدادا لإطلاقها رسميا بمعرض شيكاغو

[Hosam_Optrawy]

ظهرت أول صور كاملة لهيونداى النترا كوبية 2013 الجديدة على حمالة سيارات بالولايات المتحدة الأمريكيه إستعدادا لإطلاقها رسميا خلال أسابيع بمعرض شيكاغو الدولى للسيارات , وهى المرة الأولى التى تظهر فيها السيارة بالكامل بعد العديد من الصور التجسسية خلال الفتره الأخيرة , ولم يعلن بعد عن قائمة المحركات وناقل الحركه لالنترا كوبية الجديدة ولكن من المتوقع إعتمادها على ناقلى الحركه الحاليين للنسخه السيدان , مع محرك سعة 1.6 لتر حقن متعدد النقاط بقوة 130 حصان وحقن مباشر بقوة 140 حصان , بالإضافة الى المحرك سعة 1.8 لتر بقوة 150 حصان , ومن غير المستبعد استخدام المحرك التربو الجديد 204 حصان فى نسخة خاصه من النترا مثل شقيقتها فيلوستر تربو التى أطلقت مؤخرا بمعرض ديترويت .

.

[blazer]

الكيا السيراتو الكوب فى نظرى احلى وبكتيير

[Mohab.Nabil]

هما عملوا ايه طيب غير البابين و الاسبويلر

بس بصراحة العربية شكلها حلو اصلا

فلايق عليها شكل الكوبيه و الاسبويلر شيك برضه

[Hosam_Optrawy]

العربيه طبعا مش وحشه بس كان متوقع يتعمل اى تغيير ولو بسيط من ورا وادام زى السيراتو والكوب كدا

[minicooper20]

حتى فيها كتير من شكل الكوب
بس بصراحه عاديه

[eng.m7md.ali]

تقريبا نفس ابعاد الكوب ونفس تقسيمة العربية كمان

[dr_darsh]

بصراحة انا أكتر حاجه عجبانى فيها الإسبويلر بجد تحفة بس باقى العربية عادية نفس السيدان تقريبا

[Hosam_Optrawy]

تقريبا نفس ابعاد الكوب ونفس تقسيمة العربية كمان

هى هاتبقى قدها تقريبا الفرق هايكون فى قاعدة العجلات الالنترا 2700 الكوب 2650

بصراحة انا أكتر حاجه عجبانى فيها الإسبويلر بجد تحفة بس باقى العربية عادية نفس السيدان تقريبا

فعلا جامد ولو تاخد بالك السبويلر مش متركب دا مدمج فى الشنطه يعنى يعتبر جزء منها مبيتشالش ويتركب

[Veroman]

لا حلوة فعلا

[el_nahal2004]

انا شايف شكلها زى السيدان
بس ملمومة شوية
افضل سيراتو كوبيه عنها

[hossam_elwani]

السيراتو كوبيه اشيك بكتير عنها بس السيدان تحفه فنيه......

[CryptonX]

شكرا يا حسام باشا ..

ماهو ياجماعة ... كيا - هيونداي اذكياء برده ..

انا كنت متوقع "لعب" اكثر من كدة ... بس بصلها من ناحية اخرى ... الانرتا اصلا بشكلها العادي حتى و سعرها الاعلى منتشرة جدا جدا !! بقيت اشوفها اكثر من السيراتو دلوقتي ... حتى في امريكا هي سيارة العام ..

الفكرة بقى ... السيراتو نزلت في الاول .. قشت المبيعات بتاعة الفئة دي :)
نزلت الكوبيه ... قشت معاها برده.. لانها تقريبا العربية الكوبيه الوحيدة الي تحت سقف ال 150 الف في مصر و شكلها شيك جدا طبعا.

نزلت تاني سنة او ثالث سنة بعديها الانترا ... حتقش المبيعات الفئة دي برده و الفيلوستر قشت الي فوقيها :) مع نزول الكوبيه (لو اني اشك ان غبور حينزلها) حتقش برد :)

بعد كمية القش دي :)
تنزل السيراتو 2013 المعدلة .... ترجع تاني تقش :)
تنزل تعديل الانترا 2014 تقش :)

سيراتو جديدة كليا 2015 تقش :)
الانترا جديدة كليها 2016 تقش :)

وكله في الاخر في جيب كيا-هيونداي .. و في صالحنا احنا طبعا ليه ؟
السيراتو نزلت بمحرك 1600 124 حصان و فتيس 4 سرعات في الاول و عفشة عليها اختلاف
نسخة السنة الي بعدها نزلت بنفس المحرك بس بفتيس 6 سرعات متطور و العفشة زي ماهي
راحت هيونداي مطورة المحرك ل 128 و نزلت نفس الفتيس مع تعديلات طفيفة في العفشة
حتيجي السيراتو في 2013 تنزل بالمحرك ال 128 و الفتيس ال 6سرعات و حيعدلوا العفشة و الانتريور
و هكذا ..

وطبعا دي افادة لباقي الفئات مثل الريو و الاكسنت و السول وخلافه ..

[KHALED AYMAN]

مصممين على الجنط القبيح ده بردو :@

[Usama Nagi]

شكلها حلو قوي و ان كان كيا كوبيه اشيك منها شوية

[hossam_elwani]

معقوله فتيس السيراتو الست سرعات هو نفسه بتاع الالنترا؟؟