هوندا سيفيك بـقوة 450 حصان

[احمدعبدالعزيز]

كشفت شركة "Fox Marketing" عن صور للسيارة "هوندا سيفيك سي" بعدما أجرت تعديلاتها عليها، وذلك استعداداً لعرض السيارة في معرض "SEMA" المقرر إقامته خلال الأسبوع الأول من شهر نوفمبر.

كانت الشركة قد قامت بالعديد من التعديلات في السيارة، منها تركيب شاحن توربيني لمحرك السيارة K24Z7 سعة 2.4 لتر فضلاً عن تعديلات بوحدة التحكم الإلكتروني بالمحرك ليولد قوة 450 حصان، بالإضافة إلى جنوط 20 بوصة، ونظام تعليق منخفض ومكابح أكبر.

ولإضفاء لمسة جمالية تم طلاء السيارة من الخارج بلون أزرق رائع وإضافة منافذ تهوية بغطاء المحرك، أما في الداخل فقد تم الحفاظ على شكل المقصورة الأصلي مع تغيير المقاعد بأخرى رياضية.

[AhMeD MeTwAlY]

بجد عربيه تحفه
بس دي لو ربنا كرمها ونزلت مصر هيقولك هما 102 حصان حلوين اوي اوي اوي

[moh19227]

تنزل فين دي ياباشا بالجنط ال 20 :)
دي اخرها تركنها وتتفرج عليها :)

[dr_hady4447]

عمرها مهتنزل مصر غير صور بس

[MOK3336]

بجد نفسي نبقي زى بقية العالم ايلي عايشة
ليه العربيات دي نتفرج عليها بس
ده ختى مسابقة mbc بتاعت العربية الكمارو قالوا ان لو حد من مصر كسب العربية هياخد 30000 دولار بدل العربية عشان الجمارك بتاعتها
تخيلوا كمارو اس اس ب 30000 دولار يعني 150000 جنية مصري

[minicooper20]

ههههههههههههههههههههههه
حلم

[Johnny82]

بجد نفسي نبقي زى بقية العالم ايلي عايشة
ليه العربيات دي نتفرج عليها بس
ده ختى مسابقة mbc بتاعت العربية الكمارو قالوا ان لو حد من مصر كسب العربية هياخد 30000 دولار بدل العربية عشان الجمارك بتاعتها
تخيلوا كمارو اس اس ب 30000 دولار يعني 150000 جنية مصري

يعنى هى الشوارع زى باقى العالم احنا عندنا فى مصر بس الناس عايشة فوق بعض !! والصحرا بالهبل !!
وكمان الواحد بيفكر فى الركنة قبل المشوار وينسى هو رايح لية اصلا !!

[Tarek_Swelm]

يعنى هى الشوارع زى باقى العالم احنا عندنا فى مصر بس الناس عايشة فوق بعض !! والصحرا بالهبل !!
وكمان الواحد بيفكر فى الركنة قبل المشوار وينسى هو رايح لية اصلا !!

والله الجملة دي جت علي الجرح و قلبت علي الواحد المواجع

[AhMeD MeTwAlY]

والله الجملة دي جت علي الجرح و قلبت علي الواحد المواجع

بس علي فكرا الموضوع ده في القاهره واسكندريه علي ما اعتقد بس انما باقي المحافظات تمام

[hosammoner]

مشاء الله جبااااارة

[kshahin]

تحفة للفرجه فقط

[aboharb]

انا طول عمرى اقول الجماعه بتوع هوندا دول جبارين ب ده لو نزلت مصر هتمش فين جنب القرده و1100 راس براس ههههههههههههههههههههههههههههههههههههههه

[احمدعبدالعزيز]

بجد نفسي نبقي زى بقية العالم ايلي عايشة
ليه العربيات دي نتفرج عليها بس
ده ختى مسابقة mbc بتاعت العربية الكمارو قالوا ان لو حد من مصر كسب العربية هياخد 30000 دولار بدل العربية عشان الجمارك بتاعتها
تخيلوا كمارو اس اس ب 30000 دولار يعني 150000 جنية مصري

دول هنا تجيب بيهم هيونداى النترا ههههههههههه

[Johnny82]

بس علي فكرا الموضوع ده في القاهره واسكندريه علي ما اعتقد بس انما باقي المحافظات تمام

معلش ياجماعة المحافظات خلاص خربت بالتكسيات :) لان طبعا وزارة التخطيط مش عارف بيعملوا اية والتكسيات فى المحافظات بتترخص بالرشوة !! ومش هتكلم على خناقتهم على البنزينات وبلطجة وغيرة ....
طبعا مش هحكى عن تركيا واتعقد ونتعقد اكتر اشرب شاى عشان تنسى !!

[Ralliart]

من وجهة نظري المتواضعة 450 حصان على جر أمامي ملهمش لازمة