فقط على نايل موتورز اسعار وموصفات فورد فوكاس 2012

[احمدعبدالعزيز]

اعلن الوكيل الرسمى لفورد عن الجيل الجديد كليا من طراز فورد فوكاس2012 بمحرك 1600 سى سى 125 حصان مع عزم دوران يصل الى 160نيوتن ويربط هذا المحرك بناقل حركة اوتوماتيكى من طراز POWER SHIFT مكون من ستة نسب امامية يدفع المحرك الى محور العجلات الامامى وسوف تتطرح السياره بثلاثة موديلات فى مصر وهى السيدان و الهاتش باك و الاستيشن .

اما عن الفئة السيدان سوف تطرح بالموديلات الاتية :

basic :

زجاج كهرباء امامى وخلفى سنتر لوك باور ستيرنج مرايات كهرباء تكيف هواء عادى طاره جلد طبيعى مشغل اسطونات cd مع 6 سماعات .

midline :

اما الفئة الثانية تزيد عن السابقة بأحزمة امان مكيفة - حساسات للمساعده على الركن - امكانية طى المرايات كهرباء ..

Highline :

مكيف هواء اوتوماتيكى بتقنية eatc - طاره مالتى فاكشن - مثبت سرعة - 6 وسائد هوائية - حساسات اضاءة ..

Highline SR:

جنوط اسبور 16 بوصه + فتحة سقف كهرباء ..

اما فئة الهاتش باك والاستيشن سوف تكون نفس تجهيزات Highline SR السيدان

وعن وسائل الامان فى السياره تأتى فورد فوكس باعلى مستويات الامان حيث تم تزويد كل الفئات بنظام منع غلق المكابح ABS ونظام توزيع قوة الكبح اليكترونيا EBD ونظام المكابح المساعده EBA مع اربع وسائد هوائية بصفة اساسية فى كل الفئات وتزيد الى سته فى Highline

واخيرا الاسعار سوف تتراوح من 150 الف جنية الى 190 الف جنيه

.

[ashouhdy]

رااااااااااااااااااائعة

[ENG\AHMED]

يعنى اية احزمة امان مكيفة ؟!!!!

[Ghamrawy]

اكتساح ان شاء الله
كده الجيتا و الفانتازيا ممكن يركنوا على جنب لو وكيل فورد ظبط سمعته

[minicooper20]

واااااااااااااااااااااااااااااااو اصلى انا هاجز الهاتش

[assaf]

عربيه ممتازه لو الوكيل عرف يسوقها حتكسر الدنيا

[mody3on]

عربية ممتازة وفعلا في رايي احسن من الفانتازيا لان بتمن الفول اوبشن في الفانتازيا تجيب الهايلاين بفتحة سقف هاتش باك من الفوكس .. موتور اقوى واكيد كماليات اكتر وشكل اجدد وب abs و6 airbag .. بس الموضوع منقول من egyspeed ومش حصري لنايل موتورز ولا حاجة

[احمدعبدالعزيز]

عربية ممتازة وفعلا في رايي احسن من الفانتازيا لان بتمن الفول اوبشن في الفانتازيا تجيب الهايلاين بفتحة سقف هاتش باك من الفوكس .. موتور اقوى واكيد كماليات اكتر وشكل اجدد وب abs و6 airbag .. بس الموضوع منقول من egyspeed ومش حصري لنايل موتورز ولا حاجة

يا راجل حرام عليك منقول ايه انا كتبت الموضوع وانا فى الشغل وواخد منى اكتر من ساعه عشان اجيب معلومات عن العربيه من كل المواقع والجرايد .

[Land_Cruiser]

عربيه تحفه طبعا و انا باحترمها جداً بس هى محتاجه عمليه زرع وكيل جامد يعرف. ينشرها كويس

[mody3on]

يا راجل حرام عليك منقول ايه انا كتبت الموضوع وانا فى الشغل وواخد منى اكتر من ساعه عشان اجيب معلومات عن العربيه من كل المواقع والجرايد .

اه فعلا انا اسف الموضوع ان شكل موضوعك قريب جدا من الخبر اللي نازل في ايجي سبيد .. اسف مرة اخرى

[zangry]

عربيه تحفه طبعا و انا باحترمها جداً بس هى محتاجه عمليه زرع وكيل جامد يعرف. ينشرها كويس

+11111

[Formulator]

اعلن الوكيل الرسمى لفورد عن الجيل الجديد كليا من طراز فورد فوكاس2012 بمحرك 1600 سى سى 125 حصان مع عزم دوران يصل الى 160نيوتن ويربط هذا المحرك بناقل حركة اوتوماتيكى من طراز POWER SHIFT مكون من ستة نسب امامية يدفع المحرك الى محور العجلات الامامى .

الموتور ده (1.6 Zetec Ti-VCT 125HP) كان بينزل عـ المونديو,
وأول مرة ينزل على الفوكاس.. كانت بتنزل بالموتور العادى (مفيهوشTi-VCT) وده 100-105 حصان..
و على فكرة الفتيس الـPowerShift ده ديوال-كلتش..!! زى الـDSG بتاع VW, ونزل مصر على الفولفو S60 الجديدة فقط..؟؟!!!

كده الجيتا و الفانتازيا ممكن يركنوا على جنب لو وكيل فورد ظبط سمعته

+111
لو هاختار بين الفوكس سيدان الجديدة, والجيتا الجديدة..
أنا أركب فورد فوكس سيدان (بموتور 125 حصان N/A وفتيس PowerShift),
وماركبش نيو-جيتا (بموتور TSI 122HP وفتيس DSG).. وطبعا ولا سكودا فانتازيا

[el_nahal2004]

عربية رائعة فعلا بس محتاجة وكيل محترم هنا وسمعة
زى مالاعضاء قالوا

[ls1090]

شكرا على التقرير
العربية رائعة لو التوكيل طلع كويس هتكون صفقة رابحة

[ls1090]