صبية مشردين يقطعون الداري احتجاجا على موت احدهم

[Karim_Monir]

القاهرة
الطريق الدائري
قام مجموعة من الصبية تتراوح اعمارهم بين العاشرة والسادسة عشر
والذين يعرفون باطفال الشوارع بقطع الطريق الدائري اليوم في المنطقة بين بنزينة امارات مصر وكارفور المعادي بالنوم على الطريق وافتراش الطريق باجسادهم
احتجاجا على قتل احدهم بواسطة سيارة مسرعة
ولما يستطع المارة العبور بينهم خوفا من دهسهم مما اضطر قادة السياراة الى دخول المعادي من الخلف والخروج من جهة اخري

[el_nahal2004]

وصلت للدرجة دى ان باه اى حد يقدر يقطع طريق
وطريق زى الدائرى كمان
معنى انى مدايق من حد اخد خمسة او عشرة من صحابى وانزل اقفل طريق صلاح سالم او الاتوستراد
ربنا يهدى

[Donzi]

ممممممممم

دي بقيت موضة بقى و قالولك اشمعنى احنا مابنقطعش الطريق دا حتى الشوارع بتاعتنا و مايصحش

لا حول ولا قوة الا بالله

[wael_power]

احنا نستورد شرطة من برة علشان اللي عندنا صالحيتهم انتهت !!!!!!!

[dolly13]

هى الشرطة مابيبقاش ليها دور فى موضوع قطع الطرق ده ؟

[kimo-nubira]

مــــــــــــولد و صـــــاحبه غــــــايب

[amrelsaqqa]

هو ايه حكم الدين لو انا جيت سايق بسرعة ولقيت ده نايم قدامى ( وباينة انه قاصد ينام كدة ) و كان ممكن اقف وما وقفتش ودسته عشان محدش يعمل كدة تانى

اعتبر قاتل عمدا ولا خطأ ولا ايه ؟

[saadelden]

طب مين الغلطان ؟
الي بيعدي طريق سريع و فاكر نفسه ماشي ف طرقه بيتهم!

دايما ع الدائري تلاقي الي بيعدي بيمشي علي مهله و ف اماكن ساعات بتبقى صعب الرؤيه فيها و فجأه تلاقيه قدامك

ف القانون الطرق السريعه مخصصه للسيارات فقط و الي يتخبط مالوش ديه

[saadelden]

هو ايه حكم الدين لو انا جيت سايق بسرعة ولقيت ده نايم قدامى ( وباينة انه قاصد ينام كدة ) و كان ممكن اقف وما وقفتش ودسته عشان محدش يعمل كدة تانى

اعتبر قاتل عمدا ولا خطأ ولا ايه ؟

ف الدين قتل النفس عمد حرام
يعني مش ابقى ماشي و الطريق كله فاضي قدامي و الاقي واحد بيعدي و شايفه من مسافه تكفي اني اتفاداه و بردو ادخل فيه دا حرام و عليه ذنب قتل نفس عمد

لكن موقف مثلا انت ماشي بالليل و الطريق صعب الرؤيه فيه او داخل ملف و اتفاجئت بواحد بيعدي
و حاولت تتفاداه يبقى خظا مش عمد

[Mostafa.Ismail]

دة كان امتى؟ ولا لسة مستمرة لحد دلوقتى؟ علشان انا بروح من الدائرى :)

انا كنت معدى من هناك الساعة 2:30 بالظبط ادام امارات مكنش فى حاجة!

[al_manara]

انا لسة معدي من هناك . وواضح ان الموضوع انتهي

ودة لسة حاصل مع اصحابي امبارح برضة في نفس المكان

http://www.nilemotors.net/Nile/275914-a.html

[masryxt]

انا فعلا كنت معدي رايح اتجاة كارفور الساعة حوالي 10 الصبح وكانت الدنيا واقفة ويقال ان السبب ان طالب من المدرسة الموجودة علي يمين الطريق خبطتة عربية امبارح وتقريبا توفي
النهاردة زمايلة كانوا قاطعين الطريق وتقريبا الاتجاهين
ربنا يرحمنا
الواحد مش عارف يلوم مين
التنظيم الخاطئ اللي عمل طريق زي دة وزرع حوالية في الاتجاهين مجتمعات عمرانية وكثافات سكانية عالية
عملوا كل دة من غير ما يوفروا طريقة مناسبة للربط مابين ضفتي الطريق
ولا المباني والمشاريع السكنية اللي معمولة علي الطريق
ماعرفش مين اللي سمح بكدة ودة قضي علي اي محاولة لتوسيع او تحسين الطريق

ولا الناس اللي بتعدى وكانها بتعدي من الشارع اللي تحت البيت والعربيات راحة جاية صواريخ وبفرامل ومن غير فرامل
ماحدش بيفكر انة بالطريقة دى انة بيخاطر بحياتة وكمان بيعرض حياة الاخرين للخطر

انا تعبت كفاية لحسن السكر باينة علي

[me_medoo]

هو مع احترامي للأطفال المتشردين ... ومع أحترامي لكل عيل صايع في البلد دي ... ومع أحترامي لكل العيال الشمامة والماسطيل الي بيعدو الشارع بمنتهى التناحة ...
هما عاوزين أيه من قطع الطريق ... يعني ياترى بيطالبو اننا نغير اسم الدائري ونطلق عليه اسم الشهيد المتشرد ... ولا بيطالبو هما كمان بدفع تعويضات ليهم ... وكل واحد ياخود 100.000 جنية .

أاذا كان أهاليهم رمينهم في الشوارع ليل نهار ولا بيقولولهم رايحين فين ولا جين منين ... وتيجي تكلم اي عيل يبووووق فيك ويقولك وأنتا مال أهلك ... دون أحترام للسن ولا اني خايف عليه .

تيجي تقولو يابابا العربيات خطر ميفهمش ... يعني عربية اساساً ... وتلاقي عيال قد ركبتك وبتبرشم وتضرب كولة ومعمر الطاسة وأخر حلاوة ... حتى كباري المشاة مفيش حد بيطلعها وبيعود على رجليهم ويقولك لسه هطلع السلم ... طيب عوزين ايه من الحكومة تركبلهم اصانصير مثلا يعني ولا سلالم كهربا علشان يفضلو طالعين نازلين فيها لغايت مايحرقو امها ... ومين البطل الي بعد مداس العيل ولا حتى خبطو يقدر يوقف ويسعفو ... هتيجي مليون عربية تخبطو ، ولو أستنى أهلو وأسعفو هيجو أهل العيل بالجيران بالصحاب بكل واحد في الحتة ويسيحو دم السواق على الاسفلت ويولعولوا في العربية ويطالبو بالتعويض كمان ... مش هيفكرو مثلاً ابنهم هو الغلطان ... لأنو طار من قدام العربيات وجري قدام عربية ... فعلاً بقت البلد فوضى .

ماتيجو أحنا كمان نقطع الطريق ونطالب الحكومة تعملنا دعم لسعر أستيكر المنتدى لأهميتو ههههههههههه . حسبي الله ونعم على البلد .

[M.Elgergawy]

فعلا دا كان الساعة 8ونصف صباحا وحتى العاشرة والجيش نزل خلص على العيال دي والطريق اتظبط تاني عادي

[amrelsaqqa]

ف الدين قتل النفس عمد حرام
يعني مش ابقى ماشي و الطريق كله فاضي قدامي و الاقي واحد بيعدي و شايفه من مسافه تكفي اني اتفاداه و بردو ادخل فيه دا حرام و عليه ذنب قتل نفس عمد

لكن موقف مثلا انت ماشي بالليل و الطريق صعب الرؤيه فيه او داخل ملف و اتفاجئت بواحد بيعدي
و حاولت تتفاداه يبقى خظا مش عمد

انا مش قصدى لو لقيت حد بيعدى

انا قصدى لو لقيت حد عايز يقطع الطريق ونايملى على الارض عشان الطريق يقف عافية

طبعا انا لو شفت حد بيعدى هعمل ما في وسعى انى اتفاداه
ده انا اعمل كدة للقطة والكلب والفرخة والعصفورة

مش هعمل كدة للبنى ادم يعنى ...

انا اقصد انه هيبقى نايم ومستنى اللى جاى يفرمل وانا هسوق فيها ومش هلمس الفرامل لحد ما يقوم زي البغل ويبعد ...

فهنفترض انى عملت كدة عشان الطريق ما يتقطعش وفي الاخر ما لحقش يقوم مثلا او كان مستبيع وجايب اخره وما قامش ، وحصل انى دوست عليه .. انا ايه موقفى في الحالة دى ..

هل انا قتلته عمدا ولا خطأ و لا مش عليا اي ذنب ولا دية لأن هو اللى القى بنفسه للتهلكة ؟