مصرع اثنان واصابة 7 على دائري المنيب

[Karim_Monir]

لقى شخصان مصرعهما وأصيب 7 آخرون فى حادث تصادم 8 سيارات مساء اليوم الثلاثاء بالطريق الدائرى القادم من المنيب فى اتجاه طريق الأوتوستراد, تم نقل الجثتين والمصابين إلى المستشفى وأخطرت النيابة للتحقيق.
كان اللواء أحمد سالم مدير أمن الجيزة قد أخطر بوقوع تصادم بين 8 سيارات بالطريق الدائرى تسبب في شلل مرورى تام نتيجة الحادث.
وتبين أنه أثناء سير سيارة نقل ثقيل بالطريق الدائرى اختلت عجلة القيادة فى يد قائدها، بسبب السرعة الجنونية فاصطدم بالحاجز الخرسانى، مما أدى إلى اصطدام 7 سيارات به من الخلف مما أسفر عن إصابة 7 أشخاص ووفاة شخصين.
تم تحرير محضر بالواقعة وأحيل إلى النيابة للتحقيق

اقرأ المقال الأصلي علي بوابة الوفد

[dolly13]

لا حول ولا قوة الا بالله ربنا يصبر اهالى الضحايا ويكتب الشفاء للمصابين

[BUNSH]

لا حول ولا قوة الا بالله ,,
وربنا يستر طريقنا جميعااا.

[heeshooheeshoo]

الطريق الدائرى أصبح أخطر طريق اليوم بالقاهرة ، ولا يخلو يوم من حادثة موت على هذا الطريق ، والسبب فى معظم الحوادث هو السرعة الجنونية وخصوصا السرعة الجنونية لسيارات النقل الثقيل .
حالة التسيب والإنفلات الأخلاقى المرورى وعدم الإلتزام بأى من قواعد المرور أصبح سمة أساسية لكل شوارع وطرق مصر بلا إستثناء ولكن الصورة أكثر قتامة على هذا الطريق بالذات لكونه طريق رئيسى سريع وعريض وذو كثافة عالية لحركة النقل الثقيل عليه . أنا شخصيا كرهت هذا الطريق ولا أمشى فيه إلا مضطرا .
لابد من إجراء رادع وحازم وسريع لإعادة الإنضباط إلى الطريق ، ولكن يبدو أن الإدارة العامة للمرور لا يعنيها هذا الأمر .
حسبنا الله ونعم الوكيل فى كل مقصر فى عمله بما يؤدى لإزهاق أرواح الأبرياء .

[akmm]

ربنا يستر على الجميع .

[MEKAWY2000]

ربنا يستر ها مع الجميع

[ZOoOoMA]

الله يخرب بيت بتوع النقل اللي بيجرو ب عربياتهم و مش هاممهم حد على الطريق و السواق الي تلاقيه مطبق 3 او 4 ايام و رافع حبايه عشان يفوق و حاجه قله ادب و المصحف ربنا يسترها على كل الناس يا رب

[mxz911]

ربنا ينتقهم منهم .. من كام يوم كنت رايح كارفور المعادى وماشى على الدائرى وكنت خلاص داخل على كارفور بعدى ب حوالى دقيقتين النزله بتاعته .. سامع صوت دوشه عالى جاى عليا وابص فى المرايه ورايه اتفاجئ ب مصيبه !! 3 عربيات نقل ماشين جنب بعض او غالبا بيشدوا مع بعض بسرعه رهيبه لدرجه انى انا وباقى الملاكى اللى على الطريق كنا كلنا بنترمى الناحيه اليمين .. انا اضطريت احرق على الغيار واحرق على الغيار اللى بعده كمان ورحت اقصى اليمين بمعجزه الحمد لله ونزلت النزله بتاعت كارفور دى كنت على سرعتى لسه كانت ما لا يقل عن 80 كم سرعتى فى النزله ودى اعتبر هديت بعدما تجاوزت المجانين اللى كانوا ماشين اللى انا متأكد انهم عملوا مصيبه يومها فى حته على الدائرى
الكلام ده الجمعه اللى فاتت الساعه 11 ونصف صباحا قبل الصلاه .يوم 9-3-2012

[Ros]

الحمدلله ربنا ستر اتوبيس الشغل كان فى الحادثه ديه بس الحمدلله معنا سواق و عرف يتصرف و ستر ربنا علينا

[tutankhamoun]

بالاضافة أن بتوع النقل مجانين و لازم يكون فيه حد للسرعة (للنقل و الملاكي على السواء )

بس فيه كارثة تانية محدش أتكلم عليها
الناس اللي بتمشي لاصقة في اللي أمامها و مش بيكون سايب مسافة أمان

لو كل واحد سايق في حارته (زي بقية خلق الله في الأرض ) و سايب مسافة أمان
لو عربية أمامه عملت حادث و توقفت ........... هايقدر يلحق نفسه


بس للآسف ...... هنا ......... بيمشوا لاصقين في بعض بمغناطيس
و المسافة اللي تسيبها تلاقي واحد أبن *&^%$&*%&^#% دخل فيها علشان أنت راجل مش محترم بالنسبة لسيادته و سايب مسافات على الطريق
و تلاقي سواق نازلك في الرملة علشان يتخطى اللي قدامه
أخلاق يا جدعان ........ و لما تنعدم الأخلاق (أخلاق الأنتظام و الأنتظار ) لازم تحصل الحوادث البشعة دي .
طول ما كله مستعجل
و طول ما كله يقولك أنا عارف أنا بعمل أيه
و طول ما كله عامل فيها شوماخر

هانفضل نعيش المأساه دي يوميا
و مفيش فايدة بدون عقوبات رادعة بجد و شديدة ...... طبيعة الناس هنا في مصر ملهاش غير كدا
لما بنطلع برة بنمشي على العجين ما نلخبطوشه علشان عارفين أننا هاناخد على قفانا لو مشينا غلط
و يرجع المصري بلده تاني .......... و يرجع للهرجلة و التخلف و السواقة الحميري و العيشة الحميري تاني
و مفيش فايدة

[tutankhamoun]

بالاضافة أن بتوع النقل مجانين و لازم يكون فيه حد للسرعة (للنقل و الملاكي على السواء )

بس فيه كارثة تانية محدش أتكلم عليها
الناس اللي بتمشي لاصقة في اللي أمامها و مش بيكون سايب مسافة أمان

لو كل واحد سايق في حارته (زي بقية خلق الله في الأرض ) و سايب مسافة أمان
لو عربية أمامه عملت حادث و توقفت ........... هايقدر يلحق نفسه


بس للآسف ...... هنا ......... بيمشوا لاصقين في بعض بمغناطيس
و المسافة اللي تسيبها تلاقي واحد أبن *&^%$&*%&^#% دخل فيها علشان أنت راجل مش محترم بالنسبة لسيادته و سايب مسافات على الطريق
و تلاقي سواق نازلك في الرملة علشان يتخطى اللي قدامه
أخلاق يا جدعان ........ و لما تنعدم الأخلاق (أخلاق الأنتظام و الأنتظار ) لازم تحصل الحوادث البشعة دي .
طول ما كله مستعجل
و طول ما كله يقولك أنا عارف أنا بعمل أيه
و طول ما كله عامل فيها شوماخر

هانفضل نعيش المأساه دي يوميا
و مفيش فايدة بدون عقوبات رادعة بجد و شديدة ...... طبيعة الناس هنا في مصر ملهاش غير كدا
لما بنطلع برة بنمشي على العجين ما نلخبطوشه علشان عارفين أننا هاناخد على قفانا لو مشينا غلط
و يرجع المصري بلده تاني .......... و يرجع للهرجلة و التخلف و السواقة الحميري و العيشة الحميري تاني
و مفيش فايدة

[mr_safwt]

يا جدعان انا كل ما اسيب مسافة بينى وبين اللى قدامى الاقى عربية تانى دخلت قدامى
الناس عايزنى ماشى لازق فى اللى قدامى
مش فاهم الناس فاكرها فكاكة يعنى دية حاجة تقرف

[tutankhamoun]

يا جدعان انا كل ما اسيب مسافة بينى وبين اللى قدامى الاقى عربية تانى دخلت قدامى
الناس عايزنى ماشى لازق فى اللى قدامى
مش فاهم الناس فاكرها فكاكة يعنى دية حاجة تقرف

شوية %@$#%@$@%@$!%@$@%#$#%^##% عايزين الحرق بجاز