صورة مستفزة توجه رسالة لوزير الداخلية

[corsair]

والله يا استاذ كريم ما حد استنفع من ورا الثورة دي قدهم هما وسواقين الميكروباصات والبلطجية والحرامية والبقاء لله في الشعب المصري المحترم

[al_manara]

والدائري كمان مليان من البلاوي دي .
ياماشيين جنب بعض .
او واحد ماشي في اقصي اليمين والتاني ماشي اقصي اليسار والتالت ماشي وراهم في المنتصف بيحاول يعديهم .
والناس كلها ورا .

حسبي الله ونعم الوكيل

[el_nahal2004]

والله يا استاذ كريم ما حد استنفع من ورا الثورة دي قدهم هما وسواقين الميكروباصات والبلطجية والحرامية والبقاء لله في الشعب المصري المحترم

الله ينور عليك
نفس الى داخل اقوله

[ELBEH]

السيد وزير الداخلية
السلام عليكم ورحمه الله
التقطت عدسة زميل لنا في المنتدي هذة الصورة المستفزة لما يعكسه واقع شارعنا اليوم
الصورة لثلاث سيارات نقل بمقطورة
يمشون بالتوازي ويغلقون الطريق ورائهم تماما


كيف هذا في بلد تعاني بالفعل ازدحام مروري غير عادي
رجاء اعادة نشر قوات المرور مرة اخري واتخاذ اللازم مع هؤلاء
الصورة مأخوذة بطريق النصر امام مدخل المعادي وليست في احدى الطرق الزراعية
لتعرف مدي استهانتهم بالبشر انظر الى مدي توقف الطريق خلفهم وتكدسه بالسيارات
نناشدكم باسم كل المصر التدخل بصفتك

تصدق دى اكتر حاجة مستفزه بشوفه كل يوم علشان طريقى من التجمع الى المعادى مش عايز اقولك ان انا كل ما بشوف المنظر ده بقول بقول حسبى الله و نعم الوكيل فى سواقين المقطوره و كمان بقول ربنا يخدهم.
و عايز اقولكم على حاجة شوفتها بعينى يوم الخميس اللى فات على الاتوستراد بعد نازلة المعادى كنت واقف شوفت اه بقى مقطورة ماشيه زى الصاروخ و مره واحدة لقيت العجل الدوبل اللى ورا طاااااااار و عادى الناحية التانية من الطرق و لولا ستر ربنا كانت عملت مصايب جابت عربيه بس من جنبها و العربية الملاكى لفت بس الحمد لله ربنا سترها.على العموم ربنا يسترها معانا جميعاو حسبى الله و نعم الوكيل -حسبى الله و نعم الوكيل - حسبى الله و نعم الوكيل فى اى سواق نقل معندهوش ضمير.

[hugan]

تصدق دى اكتر حاجة مستفزه بشوفه كل يوم علشان طريقى من التجمع الى المعادى مش عايز اقولك ان انا كل ما بشوف المنظر ده بقول بقول حسبى الله و نعم الوكيل فى سواقين المقطوره و كمان بقول ربنا يخدهم.
و عايز اقولكم على حاجة شوفتها بعينى يوم الخميس اللى فات على الاتوستراد بعد نازلة المعادى كنت واقف شوفت اه بقى مقطورة ماشيه زى الصاروخ و مره واحدة لقيت العجل الدوبل اللى ورا طاااااااار و عادى الناحية التانية من الطرق و لولا ستر ربنا كانت عملت مصايب جابت عربيه بس من جنبها و العربية الملاكى لفت بس الحمد لله ربنا سترها.على العموم ربنا يسترها معانا جميعاو حسبى الله و نعم الوكيل -حسبى الله و نعم الوكيل - حسبى الله و نعم الوكيل فى اى سواق نقل معندهوش ضمير.

نفس الموقف حصل علي الدائري العجله الاستبن كانت علي ضهر المقطوره بدون رباط
وطبعا السواق ربنا يجازيه طاير مش اقل من 120 العجله طارت من علي المقطوره عدت الحاجز الخرساني
بسرعه رهيبه واصبت في الطريق المقابل
لكن ربنا سترها وسواق نقل تقيل اخدها بالحضن
العجله دي لو كانت لبست في عربيه ملاكي بقوتها كانت ضيعت العربيه باللي فيها

[تامر.محمد]

شيء مستفز جدا !

[mohdfouda]

والله يا جماعه شوفتهم بنفس المنظر ده على مصر اسكندريه الزراعى وواقفين عند الكافتيريات اللى عند قليوب التلاته سادين الطريق وبيشربو التلاته شاى على اكصدام اللى واقف فى حارة الوسط وموقفين الطريق لنزلة الدائرى والطريق قدامهم فاضى تماما وكل ما حد يحاول يكلمهم يتخانقوا معاه وكا واحد ماسك صليبه فى ايده بلطجه من الاخر

[dr.hazem]

حسبي الله ونعم الوكيل

[mazagngi2010]

والله يا جماعه شوفتهم بنفس المنظر ده على مصر اسكندريه الزراعى وواقفين عند الكافتيريات اللى عند قليوب التلاته سادين الطريق وبيشربو التلاته شاى على اكصدام اللى واقف فى حارة الوسط وموقفين الطريق لنزلة الدائرى والطريق قدامهم فاضى تماما وكل ما حد يحاول يكلمهم يتخانقوا معاه وكا واحد ماسك صليبه فى ايده بلطجه من الاخر

بحترمهم جدا لما بيعملوا الحركه دى
طالما البلد مفيهاش مرور ومش عارفين يحلوا مشكله الحوادث والزحمه فالناس دى بتتصرف صح
ببساطه بدل ماتمشى على سرعه 2 كيلو قى الساعه وفرامل كل شويه
هما بيتفقوا مع بعض وبيوقفوا الطريق لمده 10 دقايق مثلا لحد ماتفك شويه قدام وكله بيطفى عربيته الشويه دول ويوفروا بنزين ويطلعوا تانى وهكذا

[أبو صلاح]

المنظر المستفز ده حصل معايا برضه على الطريق الزراعي
(واضح ان الزراعي ده في بلاوي)

واخد من عند مسطرد على الدائري لحد بنها في 6 ساعات
بسبب 3 ترلات ماشيين جنب بعض سادين الطريق تماما

[ahmed_afifi84]

السلام عليكم ورحمة الله وبركاته
أولاً إدارة المرور بأكملها هيكل مخوخ, يحتاج إلى تطوير, وستعود المنفعة على البلد بشكل عام, وعلى العاملين بقطاع المرور بشكل خاص.
ثانياً لماذا لا يتم تطبيق قرار النقل الثقيل يسمح بتواجده داخل المدينة من الساعة 12 منتصف الليل وحتى الساعة 6 صباحاً
ثالثا يجب وضع قانون حازم بحيث لا يخترق, ومن الآخر لازم الناس تحس إن اللي يخالف "حيزعل" بجد سواءً مادياً أو السجن لمدة صغيرة محددة, أو سحب الرخص بشكل نهائي.
هذا هو دور الحكومة, ولكن أين دور الأفراد في المجتمع, يجب أن يتغيروا, ولازم يكون فيه عقاب صارم على أولئك الذين يعرضون حياتهم وحياة الآخرين للخطر
تقريباً انا بحلم إن ده يحصل, ولكن لعل وعسى يحصل حاجة ترقى بأن يتمتع بها هذا الشعب الكادح

[hamada22]

الموضوع مش مسالة شعب واخلاق مفيش حتة فى الدنيا بتمشى بنظام بدون مراقب على النظام فالموضوع دة لازم يتعالج من جانب الشرطة ال3 سواقين دول لو كانوا خدوا معاهم موقف حازم ولو وصلت الى السجن والغرامة معتقدش ان فى حد ممكن يتجرا ويعمل موقف زى دة تانى مينفعش كل واحد نقولة اخلاق وادب والتزام بس يكفى انك تاخد موقف حاسم وحاسم جدا مع الغلطان الكل هي هيلتزم بعد كدة ( لو عف الراعى لعفة الرعية ) لازم نبدا الصح من قمة الهرم مش من القاعدة

[omda8185]

هههههههههههه
شر البليه مايضحك

[A7MED_PHARMA]

انا كنت في العاشر النهاردة

فيلم نيد فور سبيد ..... العاشر دريفت

هاااااااار إسود
ماشي في الطريق عادي.. وعربيات جاية في وشي مخالف
مرة أحدف يمين .. ومرة احدف شمال

حسبي الله ونعم الوكيل

[mahmoud_afifi]

السلام عليكم ورحمة الله وبركاته
أولاً إدارة المرور بأكملها هيكل مخوخ, يحتاج إلى تطوير, وستعود المنفعة على البلد بشكل عام, وعلى العاملين بقطاع المرور بشكل خاص.
ثانياً لماذا لا يتم تطبيق قرار النقل الثقيل يسمح بتواجده داخل المدينة من الساعة 12 منتصف الليل وحتى الساعة 6 صباحاً
ثالثا يجب وضع قانون حازم بحيث لا يخترق, ومن الآخر لازم الناس تحس إن اللي يخالف "حيزعل" بجد سواءً مادياً أو السجن لمدة صغيرة محددة, أو سحب الرخص بشكل نهائي.
هذا هو دور الحكومة, ولكن أين دور الأفراد في المجتمع, يجب أن يتغيروا, ولازم يكون فيه عقاب صارم على أولئك الذين يعرضون حياتهم وحياة الآخرين للخطر
تقريباً انا بحلم إن ده يحصل, ولكن لعل وعسى يحصل حاجة ترقى بأن يتمتع بها هذا الشعب الكادح

+1