سيارة مصرية بثمن اقل من 45 الف جنية

[Karim_Monir]

صرح رأفت مسروجه رئيس الشركة "الهندسية لصناعة السيارات" أن الشركة في طريقها لتصنيع سيارة مصرية صغيرة
تحت علامة تجارية كبيرة
وان الشركة تلقت عروض من شركات اسيوية واروبيه ولكن لم يتم البت في ايهم حتى الان
ورفض مسروجه الإفصاح عن أسماء الشركات , موضحا أن البت فى هذه العروض لن يتم إلا بعد الانتهاء من دمج الشركتين النصر والهندسية في كيان واحد


وتوقع أن تزيد العروض من الشركات العالمية بعد الانتهاء من دمج الشركتين , موضحا أنه سيتم اختيار أحد العروض الذى يلبى احتياجات الطبقة الوسطى من الشعب المصرى من السيارات خلال الفترة القادمة.


أضاف أن إعادة الهيكلة تستغرق عامين قبل طرح السيارة الجديدة موضحا أنه من المتوقع طرحها خلال عام 2014/2015 وسيكون سعرها فى حدود 45 ألف جنيه وبحجم مناسب وقدرات عالية بحيث لا تقل عن 1600 سى سى ويكون أول طرح لها ما بين 40 إلى 50 ألف سيارة , وتصل الكمية الاقتصادية خلال عام 2018 ويكون حجم الانتاج 100 ألف سيارة.

أكد أن المرحلة الأولى من إعادة هيكلة الكيان الجديد تتكلف 600 مليون جنيه وتبلغ التكلفة 1.2 مليار جنيه عند الوصول إلى الطاقة القصوى للإنتاج خلال عام 2018

[Ahmed_Ramadan]

المهم الQuality الشاهين كانت 3/4 مكوناتها مصرية و كانت ب 60-70 ألف زيرو ....انا خايف موضوع 40-45 الف ده ييجى على حساب حاجات كتير

[dr_radioooooo]

انا مش متفائل
البلد بترجع لورا مش بتمشى قدام

[abdalah_hashem]

يارب لو بدا ينتجوا هتتحل ازماتهم الاتنين خصوصا لو كان المنتج جودتة كويسة

[abdalah_hashem]

بس لسة بدرى قوى 3 سنين كتيييير

[husseinsalah]

حاسس ان مفيش فايدة لو مش كويسة الناس هتقول طبعا لانها مصرى ولو فعلا طلعت كويسة على طول سعرها هوصل 70 الف بحجة ان فيها اوبشن زيادة زى انها متزنة على 120 مثلا...!

[speranz]

مش عايزين 128 تانى
شيلو الجمارك وهيا السيارات هترخص

[yassinhaitham]

العقل بيقول ان العربية دي لازم تكون مضبوطة لمصر فعلا و موتورها يكون مصمم للعمل بالغاز الطبيعي و ليس يعدل من بنزين لغاز كما هو الحال أو يكون الموتور يكون بتكنولوجيا حديثة و موفرة للوقود زي السيارات الهجينة مثل التويوتا بريوس و بعفشة مناسبة لطرق بلدنا و دا في اعتقادى هو التحدي الحقيقي.

أما بقي لو رسيت على 128 معدل ولا دوجان يبقي الموضوع مالوش لازمة لأن التكنولوجيا بتات العربيات دى في 2018 هتكون متخلفة جدا جدا.

[Dr Ahmed]

للأسف اتعودت لما ألاقى خبر بيقول هيتم وهيتم بعد سنين يبقى غالبا المعنى = موت يا حمار .. يعنى أشك جدا إننا هنشوف سيارة من اللى بيقولوا عليها دى أصلا ولو شفناها بالسعر ده هتبقى ولا الصينى فى أوله
ويارب يخلف ظنى!

[Tarek_Swelm]

هوة ال 100 الف اللي حينتجوهم دول ناويين يمشوهم فين ان شاء الله , ولا اللي حيشترو حيركنو فين , دة انا بقيت بحسد اللي راكبين موتوسيكلات .
يشوفو حل للزحمة في الشوارع و بعدين يبقي يعملو عربيات ,علشان منبقاش زي اللي اشتري الدش و عندة تليفزيون ابيض و اسود مافيهوش غير قناة واحدة

[MEKAWY2000]

ربنا يستر ماتكونشى زى السياره الرمسيس هههههههههه

[khpopo]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[shaddadfalcon1]

بالنسبة للعدد علي فكره في عشرات الألاف من السيارات بتترخص في مصر كل سنه وساعات كل شهر

بالنبسة للسعر - معلش لما تبقي ب 45 الف ومصريه 100% طيب ماهما لو شالو الجمارك ساعتها هيبقي الفيرنا واللانوس ارخص

[vedodido]

اهوادام مسروجة دا بالذات فى الدور ايقنوا تماما انه مش هيتم طول عمره بيقول كلام من دا وعمر ما حاجة حصلت

[moh19227]

و 1600 سي سي كمان !!
دا ايه الافترا ده :)