العبور العشوائي للطرق كارثة في بلداننا العربية-نقاش

[Karim_Monir]

من موقع نايل موتورز
العبور العشوائي للطرق كارثة في بلداننا العربية | NileMotors



عندما تفتح باب سياراتك وتتاهل للقيادة في مصر بعد وضع حزام الامان ومع اول امتار تقطعها تلاحظ تصرفات المشاه العشوائية فلا تتذمر او تبدي غضبا سواء كنت على طرق سريعة او داخل المدينة. قد تتهمهم بالتهور والجنون المطلق. ولكنك بكلِّ تأكيد لن تجد في خطأهم مبرراً لاصابتهم أو معاقبتهم عليها!، وبالتالي وقوع ما لا تُحمد عقباه.

ما زال الكثير من الناس يعبرون الطرقات بشكل عشوائي وخطر جداو قبل انتظار خلو الطريق من السيارات بشكلٍ تام، وعن ذلك تحدثنا الأرقام عن وفاة أكثر من 40 ألف شخصٍ على الطرقات سنوياً في بلادنا العربية 20% منهم من المشاة، وهي من أعلى النسب العالمية!.

وعلى قائد السيارة أن يدرك الحقائق الغريبة والخطيرة التالية: إن عابر الطريق العشوائي قد يخاف فجأة فيتجمد في وسط الطريق أو يخاف ويعود للخلف أو يتشجع ويجري للأمام!.

والنصيحة الاكيدة لقائد السيارة لتجنب مخاطر صدم المشاة أثناء عبورهم العشوائي للطريق هي تحذيرهم ضزئيا برعشة من ضوء السيارة والضغط على كلاكس السيارة بشكل متصل لايقاف عبورهم الطريق،

ورفع القدم عن دواسة الوقود. أما إذا بدئوا بالعبور الخاطئ فعليك استخدام الفرامل فوراً مع تشغيل اضواء الانتضار لتحذير القادم من خلفك والإبقاء على مسافة أمانٍ كبيرة بينك وبينهم مع الانتباه والاستعداد للتوقف التام عند اللزوم والمفترض أن لا تقل مسافة الأمان العرضية أثناء السير قرب المشاة عن المتر، ويجب توقع الكثير من الحركات المفاجئة والخطرة من المشاة.

أما في الطرق التي حُددت سرعتها بأكثر من 50 كم ، فيجب أن تكون حركة المشاة فيها معزولةً تماماً عن حركة السيارات عبر الأنفاق والكباري واماكن عبور المشارة المخصصة لهم ، وفي المدن المأهولة بالسكان يُفترض حماية هذه الطرق بأسوارٍ من الاسوار الشبكية المعدنية بارتفاع مترين على حواجز الطريق لمنع العبور العشوائي بشكل قاطع

سلم الله طريقكم

بقلم كريم منير.

[tiger76]

الناس بتعدى الشارع كأنهم ماشين فى بيتهم و لو كلكست لحد فيهم بيبصولك بإستغراب

و فيه منهم اللى مقتنع ان العربية علشان فيها فرامل يبقى لازم تفرمل علشان هو يعدى

و حسبى الله و نعم الوكيل

[me_medoo]

ياااااااااااااااااااه موضوعك جيه على الجرح ...
احنا عندنا في مصر ناس 99% منهم مبيعرفوش أزاي يعدو الشارع ... عملولك مثلاً اشارة قدام هيبر ماركت ... تلاقي الاشارة حمره والناس عمالة تعدي خضرة والناس عمالة تعدي ولا كأن في أشارة من أساسو ولاكأن الطريق ده خطـر ... ياجماعة أستنو شوية مفيش اي فايدة .

تلاقي مثلاً كوبري مشاة وبرضو الناس تكسل تطلع الكبري او تنزل نفق المشاة وتجري كده في وسط العربيات ... ده غير الي بيكسل اساساً انو يطلع يمشي فوق الرصيف وفاكر نفسو عربية بسلامتو وماشي على الاسفلت وتلاقي واحد ماشي على اليمين واتنين بسلامتهم ماشين على شمالك وانتا بقة ياشاطر أعمل مناورات عسكرية وجرب تعدي فيما بينهم بالعربية من غير ما مريتك تخبط أيد ولا واحد فيهم .

وكلو كوم والي تلاقي مجموعة كده عاوزة تعدي الشارع بدل ما يمشو جمب بعض ويعدو مرة واحدة لأ تلاقي عدم المؤخزة صف معيز بيقطع الشارع اااااااااااااااا لله طيب ما توقفوا جمب بعض وتعدو مره وحده ولا اانا هستناكم واحد واحد لغايت ماكل واحد يعدي والي ناوي يعدي يعدي .

ده مرات الاقي واحد مع مراتو ومعاه عيالو عاوزين يعدو الشارع ومش عارفين ... فأهدي سرعتي وأقف وأشاورلوا وأقولوا أتفضل يافندم ... أبص الاقيه واقف وعمال يبص حواليه ومش مصدق نفسوا ان في واحد وقفلوا وبيقلوا اتفضل وابص الاقيه حط ايدو على صدروو وبيقولي أنااااا أناااااا ... ياعم الحج أه أنتا أتفضل أخلص أومال أوووووومي ... هو في حد غيرك أتفضل عدي وخلصنييييييي .

يالهوووووووووي على الناس ... وتصرفات الناس مفيش ثقافة تعدية الشارع ... انا اعرف لمن يكون في ميدان الواحد بيعدي من على طرف الميدان مش يقطع الطريق على رجليه يقطع الطريق بالنص ...

ولا لمن تمشي على طريق صحراوي مثلاً ... ولا طريق سريع والدنيا ضلمة وانتا طبيعي انك تكون فاتح ... وفجئة تبص تلاقي قدامك في حاجة عمالة بتلعب كده وبتجري من قدامك في وسط الضلمة وتيجي تدي العالي تبص تلاقي واحد لابس اسود في اسود والاسفلت اسود في اسود والدنيا ضلمة حكل اسود في اسود ... وتقول يانهر اسود في اسود وده هلحق اضربلوا فرامل أيمتى أنشاء الله ... يعني الي بيعدووو دول على رجليهم متوقعين سواق العربية مشغل الرادار عندو جوه العربية ولا عندو خاصية الرؤية الليلية ...

والي يجننك أكتر أنك تبص في المرايا بتاعتك الي في النص متلاقيش ورااااك عربيات خالص ... واحنا في صحرااا ... يعني خلاص حبكت تعدي من قدامي بالتهور والجنون ده .... بتجري ليه بسلامتك عاوز تلحق البنك قبل ما يقفل ولا هتلحق صحابك في الكوفي شوب لا يمشو واحنا في عزززززز الصحرا ... حاجة غريبة . عجيبة ... متلاقهاش غير عندنا في مصـــــــر ... ونقدر نقول عليها بكل فخر الهبل ده صنع في مصــــــــــــــــــــــــــــر ... وتحياتي وأسف على الاطالة .بس الموضوع جه على الجرح .هههههههههههههه .

[تامر.محمد]

مشكلة دوبل
لا الطرق السريعة فيها اي نوع كباري او انفاق او حتى اماكن عبور مشاة
ولا المشاة نفسهم عندهم ادنى مسئولية

[Inteltech]

موضوع هام جدا اخي الكريم بس انا بطلت استغرب للحكاية دي بامانة ودلوقتي طول منا داخل المدينة مش على سريع بعمل حاجة وحدة وهي اني بدي حق المرور دايما للي ماشي علي رجليه وبوقف تماما لو لقيت ست معها طفل بتعدي الطريق بوجهة نظري دي اسلم لي حتى لو هتخبط من بالعربية من ورا لا سمح الله .. وزي ما بنلوم على الناس اللي بتعدي لازم نلوم برضو كثير مننا اللي مش بيدي اساسا اي مراعاة لمناطق عبور المشاة ولا كانه شاف باي اشارة خط متقطع لعبور المشاة لا وبيكون واقف فوقه كمان مش قبله يعني .. وفي كمان حاجة احب اضيفها وهي ان الطرق عندنا عشوائية لا فيها انفاق ولا فيها كباري كافية لعبور المشاة .. وربنا يسترها مع الكل

[S O P H O S]

الي يعصب اكتر
ان في ناس بتعدي قدامي وهي مش بصه ليا اساسا
يعني عاوزة تموت وتجبها فيك وخلاص
لا تعليق

[mazher_m]

شكرا استاذ كريم علي عرض المشكله
تقريبا مفيش حد متعرضش للموقف ده
لو في حد شايف ان في حل للمشكله دي يتفضل يعرضه
عل وعسي في يوم من الايام حد يسمع لنا

[koshary]

والله بيبقا هاين عليا اخبطهم يفضلو مستنين لحد ما الاشارة تخضر وبعدين يعدو وخصوصا الاشارة اللى عند هايبر او وسط البلد بجد بقت حاجه تخنق وياسلام بقا لو موقفتش لحد يعدى يبقا نهارك اسود يشتم ويسب بجد انا اتخنقت من الشارع بقيت اروح اماكن كتير مواصلات

[memofree]

المشكله دى ترجع لثقافة الشعب يا جماعة . طيب انا هئولكم على حدثة حصل لاخوا زوجتى اوبترا لبس فى عربية مرسيدس موديل حديث من ورا عشان كان بيعدى سيده و فين بأ المصيبه على الطريق الدائرى و فى حته مينفعش حد يعدى فيها الطريق و الاحد يقف بالعربيه فى نص الطريق و لبس فيه من ورا و خيش جامد التكلفه 25 الف جنيه فى منصور شيفورليه . الناس بيكون فيه كوبرى الدوله احترمت و خافت على حياة الموطنين من نهر الطريق تهمل و تهجر و تترك سكن للبلطجيه و قوطاع الكبارى ( زى قوطاع الطرق كده (حراميه يعنى)) لا و تلائى الحواجز الحديديه مكسوره لعمل ممر فيها . الناس مكسله عايزه اللى يشيلها و يطلعها الكوبرى .

و السلام عليكم

[ahmed_mido1889]

فقط في مصر

اذا رأيت كوبري مشاه فهدي السرعه لان المشاه بيعدو من تحته

[3ateef]

الي يعصب اكتر
ان في ناس بتعدي قدامي وهي مش بصه ليا اساسا
يعني عاوزة تموت وتجبها فيك وخلاص
لا تعليق

+11111111111111111

[sakr_skoda]

اه فى ناس باردة فيه بيمشوا باستهبال واستعباط اه كتير بس برضوا بعد راكبى المركبات يتصرفون كأنهم مالكى الشارع بمفردهم لا يهتم بمن يمشى على قدمية لا يعطى فرصة للمار بالعبور فعلينا سائقى السيارت التخلق بالخلق الحسن واعطاء الفرصة للمشاة فى العبور من الماكن المخصصة لعبور المشاه طبعا الكل حيهاجم عليا هما بيمشو من اى حتة طيب شفتم سواقين يقومن بترك الحارة المخصصة للمشاة للعبور منه عند اشارات المرور ابد السائقين يقيفون عن حد الانطلاق الاخير دون مراعاه حق المارة فى العبور....

طيب وحنروح بعيد ليه الرصيف اللى فى الشارع دا بتاع مين بالظبط اليس للمارة ام لآصحاب المحلات يضعون عليها ويعرضون بضاعتهم شفتم فى حياتكم رصيف او تلتوار خالى ومؤهل للمارة ابدا طيب يعنى الناس اللى بتمشى على الأرض تمشى من فين ....

انا ارى فيما ارى ان نجرم من يمشى فى الشارع على قدمية بل ويعاقب بغرامة فورية من يمشى فى الشوارع الشوارع للسيارت فقط والتلتوار والارصفة لأصحاب المحلات دا حقهم حد يقدر يتكلم ....*ام المشاه فعليهم عمل جمعيات وشرا سيارة او توكتك حتى يكون لهم الحق بالتمتع بالمرور فى شوارع المحروسة ....*

[Elawany13]

ياااااااااااااااااااه موضوعك جيه على الجرح ...
احنا عندنا في مصر ناس 99% منهم مبيعرفوش أزاي يعدو الشارع ... عملولك مثلاً اشارة قدام هيبر ماركت ... تلاقي الاشارة حمره والناس عمالة تعدي خضرة والناس عمالة تعدي ولا كأن في أشارة من أساسو ولاكأن الطريق ده خطـر ... ياجماعة أستنو شوية مفيش اي فايدة .

تلاقي مثلاً كوبري مشاة وبرضو الناس تكسل تطلع الكبري او تنزل نفق المشاة وتجري كده في وسط العربيات ... ده غير الي بيكسل اساساً انو يطلع يمشي فوق الرصيف وفاكر نفسو عربية بسلامتو وماشي على الاسفلت وتلاقي واحد ماشي على اليمين واتنين بسلامتهم ماشين على شمالك وانتا بقة ياشاطر أعمل مناورات عسكرية وجرب تعدي فيما بينهم بالعربية من غير ما مريتك تخبط أيد ولا واحد فيهم .

وكلو كوم والي تلاقي مجموعة كده عاوزة تعدي الشارع بدل ما يمشو جمب بعض ويعدو مرة واحدة لأ تلاقي عدم المؤخزة صف معيز بيقطع الشارع اااااااااااااااا لله طيب ما توقفوا جمب بعض وتعدو مره وحده ولا اانا هستناكم واحد واحد لغايت ماكل واحد يعدي والي ناوي يعدي يعدي .

ده مرات الاقي واحد مع مراتو ومعاه عيالو عاوزين يعدو الشارع ومش عارفين ... فأهدي سرعتي وأقف وأشاورلوا وأقولوا أتفضل يافندم ... أبص الاقيه واقف وعمال يبص حواليه ومش مصدق نفسوا ان في واحد وقفلوا وبيقلوا اتفضل وابص الاقيه حط ايدو على صدروو وبيقولي أنااااا أناااااا ... ياعم الحج أه أنتا أتفضل أخلص أومال أوووووومي ... هو في حد غيرك أتفضل عدي وخلصنييييييي .

يالهوووووووووي على الناس ... وتصرفات الناس مفيش ثقافة تعدية الشارع ... انا اعرف لمن يكون في ميدان الواحد بيعدي من على طرف الميدان مش يقطع الطريق على رجليه يقطع الطريق بالنص ...

ولا لمن تمشي على طريق صحراوي مثلاً ... ولا طريق سريع والدنيا ضلمة وانتا طبيعي انك تكون فاتح ... وفجئة تبص تلاقي قدامك في حاجة عمالة بتلعب كده وبتجري من قدامك في وسط الضلمة وتيجي تدي العالي تبص تلاقي واحد لابس اسود في اسود والاسفلت اسود في اسود والدنيا ضلمة حكل اسود في اسود ... وتقول يانهر اسود في اسود وده هلحق اضربلوا فرامل أيمتى إن شاء الله ... يعني الي بيعدووو دول على رجليهم متوقعين سواق العربية مشغل الرادار عندو جوه العربية ولا عندو خاصية الرؤية الليلية ...

والي يجننك أكتر أنك تبص في المرايا بتاعتك الي في النص متلاقيش ورااااك عربيات خالص ... واحنا في صحرااا ... يعني خلاص حبكت تعدي من قدامي بالتهور والجنون ده .... بتجري ليه بسلامتك عاوز تلحق البنك قبل ما يقفل ولا هتلحق صحابك في الكوفي شوب لا يمشو واحنا في عزززززز الصحرا ... حاجة غريبة . عجيبة ... متلاقهاش غير عندنا في مصـــــــر ... ونقدر نقول عليها بكل فخر الهبل ده صنع في مصــــــــــــــــــــــــــــر ... وتحياتي وأسف على الاطالة .بس الموضوع جه على الجرح .هههههههههههههه .

هههههههههههههههههه
حلووووووووة

[me_medoo]

حبيب قلبي يا عواني باشا .... وكلو كوم وتكون ماشي وفاتح. وفجئة تلاقي شب من الشباب. الامامير بتوع اليومين دول البنطلو الجينز والجيل والشعر المسبسب وهووووبا. فجئة نط من على الرصيف ونزل على الاسفلت قدام بوز اكصدامك ، وتقول معليش استنى شوية خليه يعدي يمكن مستعجل ولا حاجة .... وتتفاجئ ان الاخ ماشي بمنتها تناكة الدنيا ايدو اليمين ساندة الموبايل على ودنوا. وايدو الشمال مدفونة جو جيبوا ،

وانا كنت دايماً بستغرب ليه الشباب دول لازمن تلاقيه ايدهم الشمال جوا جيب البنطلون بتاعوا . هل هيا نوع من الوجاهة ولا نوع من الألاطة ، اتاري ياعيني اكمن البنطلون واسعه عليه ولو شال ايدو من جيبو هيسقط البنطلون بتاعوا ويتفضح في الشارع والناس كلها وامة لا اله الا الله هاتعرف انو لابس بوكستر كوتنييييييل ، كل ده ولسه الافندي عمال بيعدي قدام عربيتك ، والي يدحك ايه باه تيجي تزمرلوا. كانك بتقولوا اخلص يا تنك ، يقوم بمنتهى تناكت العالم كلو يطلع ايدوا من البنطلون ويشاورلك ويقولك اصبر شوية فيه ايه مفيش صبر عند الناس وهوبا يرجع ايدو في البنطلوم بسرعه ويلحقو قبل ما يوقع منو ووو ، طيب انا ممكن اصبر عليه لو وحده سيت بتعدي بس ده شب في عز شبابوا هو انا هقعد ساعتين اعديه ، ولا هستنى لمن يخلص المكالمة بتاعتو ... شباب غريب بجد وعيال تفقع المرارة ...

،
وكلو كوم. والبطل الشجاع كووووم تاني تكون ماشي على ستين اربعين وفجئة تلاقي شب شجاع بطل مقدام جرندايزر رقم ٢ هوباااااااا نط قدام عربيتك ووقفك غصب عنك .... خير فيه ايه اصل معاه الحته بتاعتوا ويشورلك كده stoooop يعني اوووووقف. عسكري مرور بسلامتو وتبص كمان في المرايا الي في النص متلقيش عربيات وراك الله طيب يابارد يا ابن الباردين ماتستنى لمن تعديني وبعدين عدي براحتك ، لا ابداً يالله مش مشكلة معاه وحده ست خليني اصبر وابص الاقيه بعد ما وقفني رجع للرصيف وخد بايد. حبيبتو وقالها يالله يا حبيبتي نعدي. وقامت حبيبتو ناولتوا ايديها ونزلت من على الرصيف وهوبا ابتدوا يمشوا سوياً بخطوات واثقة. وخطاً من حديد ويتطلعون الى المستقبل الزهيد ..... وتااااته خطي العتبة .... تااااته وحده وحده .... تااااااته يالله يا قطة ، وانا كل ده واقف بالعربية قاعد اتفرج واقول يارب. ، يارب تنتعها بالسلامة هههههههههههه

، وتيجي تزمرلو ا وهو صحيح صوت الكلاكس بييييييب. بس ترجمتو بالمصري اخلص يارحومك هو انتا بتصور فيلم عمر وسلمى تووو ..... هههههههه يقوم باصصلك. بنظرة فيها شرار كده ونظرة غضب. وكويس انو مشتمكش او تف على كبوت عربيتك ويقوم سايب ايد حبيبتو الجميلة ويشاورلك. ويقولك اصبر أااااااااااا الله مفيش صبر عند الناس ولا ايه ويقوم راجع تاني مره مانجش ايد حبيبتو ومكملين خطواتهم الذهبية ..... وكل ده. الكبيل والثنائي اللطيف الي بحكيلكم عليه مش راجل مع مراتو لا بت في تانية اعدادي او في الثانوية ولا في خدمة اجتماعية ( عيلة صغيرة ) طالعه تتمشى مع البطل حبيبها ساقط الثانوية ... هههههههه جيل مايعلم بيه الا ربنا. انا بسميهم جيل تامر حسني حاجة تنقط حاجة تشل ، جيل مايعلم بيه الا ربنااااااااااااا عيال عاوزة الحرررق ، وترجع البت من مدرستها وامها تقلها اتأخرتي ليه يا منى ترد البت كنت عند أبلة سعاد ياماما باخود عندها المجموعه ولا دروس تقوية هههههههه اه صحيح خلي البت تتقوى. في الشارع مع الصايع ابن الصايع الي وخدها الطف بينا يارب عيال عاوزة. الحرررررق !!!! هههههههه وتحياتي يا شباب

[tutankhamoun]

ميدو .......... أنت مُشكلة ........ أنا عمال أضحك بقالي ربع ساعة

===

مُشكلة مصر ........ أن اللي راكب مستعجل .......... و اللي ماشي مستعجل .......... و العملية في الكُنافة و بزرميط آخر حاجة .