اسعار ومواصفات تويوتا فورتشنر دفع رباعي-التجميع المصري

[Karim_Monir]

كتب كريم منير
حصريا لنايل موتورز
في حفل رائع الجمال اعلن المهندس احمد منصف الرئيس التنفيذي لشركة تويوتا ايجيبت طرح السيارة فورتشنر ذات الدفع الرباعي في مصر وتقديم او نسخة مجمعة محليا
السيارة نتاج تعاون اكيد بين تويوتا اليابان ومصر وستكون نواة لبدء تجميع العديد من سيارات تويوتا في مصر

و السيارة سيتم تجميعها في الشركة العربية الأمريكية للسيارات AAV لتجميع فورتشنر محليا لما يحتويه المصنع من امكانات عالية وتقنيات فنية متقدمة.

اخيرا سيتم طرح السيارة بنسختين الولي ذات محرك 2700 سي سي بقوة 160 حصان
وسيتم طرحها بسعر منافس جدا 294 الف جنيه مصري
والنسخة الثانية ذات محرك 4000 سي سي بقوة 238 حصان
وسيتم طرحها ب 349.900 جنيه مصري

[M_Marwan]

شكرا على الخبر وكده السعر معقول مش وحش

[CryptonX]

شكلها صيني اوي !

[mohammedabdallh]

شكرا على الخبر كريم بيه

[bassam nagy]

سعرها هايعمل ضربة جامدة للرنجلر والشيروكى

[kar!m]

شكلها صيني اوي !

فى الصورة بس انما فى الحقيقة تحفه.

على فكرة العربية موجودة من زمان .. بس الأشكال اللى قبل كده كانت مختلفة شوية.

من وجهة نظري .. مكنتش هتبيع لو كانت نزلت مصر من كام سنة .. نسبة كبيرة من العميل المصري مكنش بيتقبل النوع ده من العربيات.

[Kareem Fawzy]

شكرتاً يا استاذ كريم على الخبر

[Inteltech]

مشكور على الخبر وفعلا سعرها هيكون منافس جدا وممكن يكون قاتل لماركات تانية بنفس الفئة بس السؤال المهم بما ان تجميعها محلي والحمد لله هتبدأ تزيق امتى والتخبيط والرجرجة دي بعد ما تمشي كم كيلو ، وعيوب الخامة والتقفيل هتطلع امتى؟؟ اتمنى بالموديل ده يحترمونا كمستهلكين ويراعوا ربنا في التقفيل المحلي شوية حرام بجد

[Karim_Monir]

العربية هاتعمل ضربه موجعة فعلا لفئات كتيرة
اولها الكابتيفا سوقها هايتدبح تماما
مين يجيب عربية كوري ب 300 الف جنيه وقدامه تويوتا حتى لو مصري
ثايا كل الناس اللي كانت بتجيب شيروكي ورانجلر عشان suv مش عشان دفع رباعي
هايتجهو فورا لتويوتا صاحبة الاسم العريق في عالم الدفع الرباعي
تمن العربية منافس جدا جدا خاصة في الموتور الصغير اللي في نظري مش هايسد احتياجات الرمل ولا الطرق الوعرة ولازم اللي غاوي سفاري يجيب الموتور الكبير

[elmo3alem]

العربيه دى نازله فى الخليج من 2008 تقريبا بس هيه بصراحه عباره عن عربيه تويوتا هايلكس النص نقل بس متقفله على جيب
والتثبات بتاعها وارتفاعها عن الارض مخيف - حتى هنا فى السعوديه مسمينها هيا بنا ننقلب
انا سوقتها وكنت مرعوب فى ملفات عاديه - شكلها وحش وتويوتا استهدفت بيها فئه اقل من لاند كروزر بس منجحتش
رغم ان راف 4 شكلها مش عاطفى وصغيره بس تعتبر فى المجمل احسن من فورتنشر
العربيه موتور وفيتس بالظبط هوه هوه بتاع تويوتا هايلكس النص نقل اللى بتتجمع فى تايلاند مش اليابان

[khalid_adel]

معلش بس مقارنة مع الرانجلر الجديده انا شايف ان الرانجلر تكسب في كل حاجه
وانا كده خايف احسن الرانجلر تغلي بسبب البتاعه دي :(

[Karim_Monir]

العربيه دى نازله فى الخليج من 2008 تقريبا بس هيه بصراحه عباره عن عربيه تويوتا هايلكس النص نقل بس متقفله على جيب
والتثبات بتاعها وارتفاعها عن الارض مخيف - حتى هنا فى السعوديه مسمينها هيا بنا ننقلب
انا سوقتها وكنت مرعوب فى ملفات عاديه - شكلها وحش وتويوتا استهدفت بيها فئه اقل من لاند كروزر بس منجحتش
رغم ان راف 4 شكلها مش عاطفى وصغيره بس تعتبر فى المجمل احسن من فورتنشر
العربيه موتور وفيتس بالظبط هوه هوه بتاع تويوتا هايلكس النص نقل اللى بتتجمع فى تايلاند مش اليابان

هي بالظبط هاي لوكس وبقت ملاكي
يعني كل الي كان عايز هاي لوكس ومش عايز يركب نقل يجيب دي
هاي لوكس وهي مترخصة نقل دوبل كابينة فول اوبشن ب 198 الف جنيه
لو حبيت تجيب لها هارد توب اصلي وكنبة ورا وجنوط وشوية حاجات تحاول تخليها ملاكي هاتكلفك حوالي 50 الف
دي بقي 2700 بنزين متقفلة ملاكي وواخد كل امكانات الهاي لوكس اللي هي وحش النص نقل ووحش صحراء واللي ركب الهاي لوكس عارف انها بتدخل صحرا بقلب جامد
يبقي دي صفقة ممتازة

خالد عادل هاتشوف انها هاترخص تمن الرانجلر والرانجلر المستعملة تمنها هايرخص اكتر
وابقي قول كريم منير قال كدة يوم ما نزلت الفورتشنر :-)

[eyeiieye]

السعر مبالغ فيه
سعر العربية في الخليج لايتعدي 160000 جنيه مصري
200000 جنيه الفرق دول فرق التصنيع التايلندي من التجميع المصري !!!!!!!!!!!!!!!!
تجميع العربيات في مصر عبارة عن ضحك علي الشعب
كنا فاكرين الثوره حاتغير الاستغلال علي الشعب

[shaddadfalcon1]

بس ازاي 4000 سي سي 238 حصان بس ؟

[falcon77]

والله ماكان العشم

سعر 295 الف للمتور 2.7 دا غالي جدا لعربية متجمعة فى مصر
اما سعر 349 الف للمتور الكبير غالى بس مش قوى يعنى المفروض تكون اقل من الشيروكي اللى بتتجمع فى نفس المصنع يعنى كان مفروض تكون اقل من الشيروكي ب 20 لو 30 الف يعنى كان كويس قوى عليها 300 او 310 بالكتير.
اما سعر الماتور 2.7 دا اللى غريب جدا جدا يعنى الماتور دا نفس فئة النيسان اكس تريل والكابتيفا والنيسان بخوالى 220 الف يعنى من وجهه نظر العربية الفورتشنر 2.7 ماكنش المفرض تزيد عن 250 الف لاسيما وانها متجمعة فى بلدنا فين بقى التوفير اللى بيقولوا عليه. انا محبط جدا من سعر ال 2.7 دا