نصائـح .. الاسـتلام الجيد والتليين السـليم لسياراتك الجديدة

[Youssef.Awad]

معلومات مفيدة جداااااا
تسلم الايادى يا زعيم
بس زيادة فى الحرص وبناءا على تجربة عملية فى عربيتى
انا لحد اما وصلت 1000 كم ما رفعتش الrpm عن 2500 لفة / دقيقة
وبعد ال1000 كم رفعت واحدة واحدة لحد 3000 rpm
وبعد كده براحتك بقى بس خلى بالك من استهلاك البنزين

[mohamed2341976]

استشارة

استاذ احمد
ان شاء الله هستلم العربية بتاعتى الأسبوع الجاى والمفروض ان بعد خطوات الإستلام النموذجية اللى قلتهالنا واللى ربنا يجازيك بيها عننا خير ان شاء الله عندى شوية اسئلة:
1. بخصوص ملى الكاوتشات نيتروجين... ايه اقرب مركز للملى من اوتو ايجيبت مدينة نصر؟
2. هل ممكن بعد التسخين لدقائق اخد بيها مشوار طوالى 200 كم تقريبا لحد بورسعيد لأنى من بورسعيد اساسا؟
3. ايه هى النصائح فى حالة السفر الطوالى لأول مرة بعد الإستلام؟
4. انا ان شاء الله عاوز اركبلها فرش جلد ودواسات فهل فيه واحد كويس اروحله يكون عنده فرش محترم للسوبر صالون خاصة ان الكنبة الخلفية فيها جزء منفصل لمسند الذراع. انا عاوز فرش يستحمل ويكون سعره كويس فى نفس الوقت؟

وشكرا ليك على التقرير الهايل بتاعك

[Ahmed.TV]

اقرب محطة تزود فيها نيتروجين , كالتكس فى اخر عباس العقاد متقاطع مع مصطفى النحاس
وبخصوص الطريق وحضرتك مسافر , متقرصش عن 100 , وياريت تنوع بين 80 الى 800 ومتمشيش على سرعة ثابتة

واحسن واحد تركب عنده فرش جلد بخامات محترمة جدا .. خامات مستوردة المانى .. وتركيب وتقفيل عالى .. هو .. جينز كار
اللى فى مدينة نصر .. بس ياريت تحجز معاه .. وخالى بالك التركيب بياخد حوالى 5 ساعات

قولى بقا ايه الهدايا اللى اخدتها من اتو ايجبت وقابلت مين هناك

[just4fun]

بجد موضوع جااااااااااااااااااااامد مجهود متميز قعلا ,
انا كان ليا استفسار انا جايب العربية هى نيسان صنى مانويل 2011 من شهر 3 الى فات كده انا ماشويرى قصيرة ما بتزدش عن ساعتين تلاتة و كلها داخل البلد يعنى 20-30 كيلو المشوار و مبجريش يمكن اقصى سرعة جبتها كانت 80 و خبط فى حوالى 4-5 نقرات كانوا جامدين , عملت بيها لحد دلوقتى 860 كيلو , و فى مرة وانا باجيب الاول الفتيس معشقش كويس و عمل صوت زرجنه جامد بس دوست دبرياج بسرعه ,هل كل ده هيأثر على العربية جامد ؟

[Ahmed.TV]

الله يخليك , وشاكر تقديرك

متقلقش من اللى حصل .. وحاول يوم جمعة خد العربية واتحرك فى مشاوير طويلة الفترة الجاية

[mohamed2341976]

الى الأخ احمد

اقرب محطة تزود فيها نيتروجين , كالتكس فى اخر عباس العقاد متقاطع مع مصطفى النحاس
وبخصوص الطريق وحضرتك مسافر , متقرصش عن 100 , وياريت تنوع بين 80 الى 800 ومتمشيش على سرعة ثابتة

واحسن واحد تركب عنده فرش جلد بخامات محترمة جدا .. خامات مستوردة المانى .. وتركيب وتقفيل عالى .. هو .. جينز كار
اللى فى مدينة نصر .. بس ياريت تحجز معاه .. وخالى بالك التركيب بياخد حوالى 5 ساعات

قولى بقا ايه الهدايا اللى اخدتها من اتو ايجبت وقابلت مين هناك

والله يابوحميد انا لسة ماقابلتش حد وجها لوجه انا يدوبك حولتلهم المقدم على بال ما يلاقوا اللون اللى طلبته كحلى فرش بيج هاى لاين وهتتوفر على كلامهم يوم الأربعاء القادم ويومين كمان على بال الورق ما يوصل يعنى على يوم السبت او الأحد ان شاء الله هنزل القاهرة ان شاء الله واستلم
ومحدش قاللى على اى هدايا خالض مع انى قريت انهم المفروض بيعملوا خصم ع الكاش الف جنيه وبيدوا بارك سنسور وميدالسة وحاجات من دى لكن انا اللى اتكلمت معاه انسان محترم اوى اسمه احمد حسن فى فرع مدينة نصر

[Ahmed.TV]

اه احمد حسن حبيبى , وانسان محترم جداا
قريت فين موضوع ان فى خصم 1000 جنيه على الكاش !!
محدش قالى على موضوع ا1000 جنيه ده , وكمان السنسور بيكون مع عرض التقسيط فايننس , لكن الهدايا العادية هى اللى بتاخدها وحتاخدها

ووقت لما تيجى القاهرة قولى بس

[mohamed2341976]

التخفيض

شكرا يا ابو حميد
تخفيض 1000ج ده انا قريته فى المنتدى هنا من فترة من احد اعضاء المنتدى اللى لما استلموا عربياتهم كان فيه تخفيض الف جنيه
ان شاء الله خلال الأسبوع القادم هيبقى الإستلام وهكلمك علشان اتشرف بمعرفتك

[Ahmed.TV]

ال1000 جنيه اللى حد اخدهم من اتو ايجيبت تخفيض كان حسين و وكان وقتها ممكن يكون فى خصومات كبيرة كدا , وبعدها معرفتش اجيب للاعضاء خصومات كبيرة كدا , واللى بقدر عليه هدايا فقط

لان حالى السوق بيتغير من يوم للتانى

وتحت امرك ويشرفنى مكالمتك

تحياتى

[mohamed2341976]

ال1000 جنيه اللى حد اخدهم من اتو ايجيبت تخفيض كان حسين و وكان وقتها ممكن يكون فى خصومات كبيرة كدا , وبعدها معرفتش اجيب للاعضاء خصومات كبيرة كدا , واللى بقدر عليه هدايا فقط

لان حالى السوق بيتغير من يوم للتانى

وتحت امرك ويشرفنى مكالمتك

تحياتى

ربنا يبارك للجميع ان شاء الله انا بالفعل ماكنتش فاكر مين ولا فين لأنى قريتها من فترة طويلة وان شاء الله ربنا يملاهاله بركة
وان شاء الله اكلمك قبل ما هستلم

[zion]

please tell us the best place to by nissan sunny TAKSSET

[iz3aaaaaag]

السلام عليكم ,,,

موضوع رائع يا باشا تسلم عليه وجزاك الله كل خير ,,, أنا عندي استفسار بخصوص ظبط ضغط العجل ,,, هل يتم الظبط كما هو موضح على باب العربية ,,, أنا عندي مكتوب 33 - 36 ولما جيت اظبط الهوا الراجل قالي 36 دي قدام و 33 ورا وقالي إن الضغط ده عالي و يؤدي إن العربية تدب على المطبات وظبطهالي على 30 كل العجل ,,, هل الكلام ده صحيح ؟؟ ولا أروح اظبطها زي ماهو مكتوب ؟؟ مع العلم إن العربية صني سوبر صالون

ماخالص التحيات....

[Ahmed.TV]

امشى زى ما مكتوب فى قايم االباب يا باشا .. ضرورى جدا.. ومتسمعش كلام حد

[Youssef.Awad]

امشى زى ما مكتوب فى قايم االباب يا باشا .. ضرورى جدا.. ومتسمعش كلام حد

نفسى بتوع الكاوتش يبطلوا فتى بقى ويسيبوهم من موضوع 28 فى الصيف و30 فى الشتاء ده بقى
لازم نلتزم باللى مكتوب ع العربية وبس زيادة ولا نقص
اللى صنعوها ادرى ناس باللى ينفعلها
عربيتى مو 2010 ex ومكتوب 32-29
وعربية زميلى مستلمها معايا مكتوب 36-33
!!!!!!!!!
واستلام نفس الشهر ومافيش اختلاف بينهم فى اى حاجة
انا كنت قريت انهم فى فترة معينة زودوا ضغط العجل عشان استهلاك البنزين يقل شوية والسحب يزيد وبعدين لقوا مفيش رجا منها
بس انا لو مكتوب 50 هاعمله زى ما هما كاتبين
زى موضوع الزيت ده
لو ما كانش فيه باتش موبيل 1 فى صدر العربية كنت حطيت اى نوع زيت
انما انا باحب امشى زى ما اللى صنعوها بيقولوا
وكل واحد له القرار الاول والاخير طبعا

[Mohamed.Ramah]

اية الحلاوة دة : ) لا بجد معلومات الواحد استفاد منها شكرا على الموضوع الجامد جداااا ...