قطع طريق الكورنيش اثر مقتل شابين برصاص الشرطة

[Karim_Monir]

اسكندرية :

مقتل طفل وصديقه وإصابة ثالث برصاص الشرطة يشعل غضب أهالي بحري.. والحادث يؤدي لقطع طريق الكورنيش
--------------------------------------------------------------------------
قام المئات من أهالي بحري بقطع طريق المنشية وصولًا لقهوة فاروق بمحافظة الإسكندرية مطالبين وذلك عقب مقتل شخصين بينهم طفل لم يتجاوز السادسة عشر وإصابة ثالث بإصابات خطيرة وينتمي القتلى والمصاب لعائلة المنش إحدى عائلات بحري.
تعود الواقعة وفقًا لأهالي الضحايا لقيام ثلاثة شباب من شكان شارع أبو وردة بمنطقة بحري غرب الإسكندرية ـ لا يتجاوز أعمارهم الـ20 عامًا باستقلال دراجة بخارية وكسرهم لكمين شركة أمام قسم باب شرق فجر أول أمس مضيفين أن الضابط أمير دويدار أطلق عليهم الرصاص الحي فقتل أحدهم على الفور وهو محمد محمد إبراهيم ـ 16 عام ـ برصاصة في رأسه وخرجت من عينه، وتوفي الثاني اليوم في المستشفى.
يذكر أن قطع الطريق أدى لاختناق مروري شديد في طريق الكورنيش خاصة السيارات القادمة من بحري والأنفوشي إلى المنشية، وعلى الرغم من ذلك أيد عدد من أهالي المنطقة قطع الطريق والتظاهر مطالبين أهالي الضحايا بالاستمرار في مقابل حالة من السخط بين آخرين نتيجة لحالة الاختناق المروري والازدحام

[akmm]

لاحول ولاقوه إلابالله --- وهم ليه يكسروا الكمين بالموتوسيكل وكما ورد بالخبر وطبيعى الضابط يستخدم السلاح فىموقف زى ده وخصوصا الآيام دى .

[happak]

ان للة والية راجعون بس الفجر وكسر حاجز امنى وموتوسكل ؟ فى جو الانفلات الامنى دة ممكن يكون رد الفعل عنيف بس تكفى رصاصة واحدة للتهويش مش تلاتة

[Land_Cruiser]

البلد مش ناقصه يعنى اللى بيكسر كمين شرطه ده ايه هدفه؟ بيغلس عليهم و لا متعمد يبوظ الأمن و لا ايه وجهه نظره؟ ده بدل ما يساعد على عوده النظام زى ما احيانا باشوف شباب بيقفوا ينظموا المرور متطوعين لما الشوارع تتزحم ؟ انا مش عارف لو مش احنا اللى هنحافظ على بلدنا يبقى مين اللى هيحافظ عليها؟ هنستورد شعب من بره

[ahmedb1]

يستاهلوا للي مش هيحترم القانون والقانون قانون يطبق على الكبير قبل الصغير والاطفال بقت بتتربى على البلطجة فيعني لما يكبروا هيعملوا ايه والعتب على اهاليهم اللي سايبنهم

[tutankhamoun]

لو الأحداث و سبب القتل كما ورد بالخبر .

يبقى الأهالي هما كمان عايزين القتل ...
بتهمة قطع الطريق

البلد حالها مش هايتعدل إلا بتأديب الخارجين على القانون و الناس اللي بتستهبل

و كفاية بقى طبطبة.......... البلد باظت

[Mohamed.Ramah]

هو المفروض كان يحاول يوقف الدراجة النارية الاول ولو فى عربية فى الكمين كانو حيجيبوهم اكيد دة بمجرد ما يضرب نار على الكاوتش حيقعو وحيكونو فوق راسهم لاكن اضرب عليهم هما الاول اظن مش تصرف ذكى خصوصا ممكن يكون غباء من اطفال سنهم لا يتعدى 16 و 20 سنة وخافو من الكمين لانهم مش معاهم رخصة قيادة او الموتسيكل لايحمل لوحة دة فى حالة لو كانو ميحملوش اى سلاح او ضربو نار على الكمين طبعا هنا لية الحق يضرب عليهم نار وطبعا موضوع قطع الطريق دة المفروض يحاكموهم علية هو مش سوق اى حد يقفل الطريق لحسابة علشان فى ناس تانية عايشة معاهم فى نفس البلد ملهاش دعوة بالحصل دة

[ozy2026]

امال المفروض الظابط يعملهم ايه يعنى
هى الشرطه متعملش حاجه نقول مفيش امن
ولما يعملوا نروح نقطع الطريق
اكيد هما كسروا الكمين عشان هما حراميه ولا مسجلين مش دكاتره يعنى

[akmm]

ده اللى قولناه من الأول لايجب التعدى على الشرطه وإلاستكون العواقب وخيمه وربنا يستر على الجميع .... ..... ........

[Mohamed.Ramah]

امال المفروض الظابط يعملهم ايه يعنى
هى الشرطه متعملش حاجه نقول مفيش امن
ولما يعملوا نروح نقطع الطريق
اكيد هما كسروا الكمين عشان هما حراميه ولا مسجلين مش دكاتره يعنى

السن الصغير دة تتوقع منهم اى شىء بس فى حالات زى ما حصل قدامى ان شابين سنهم لا يتعدى 18 سنة كانو سايقين ودخلو الكمين القدام المخابرات العامة القبل جامعة عين شمس وتخيل عمل اية بمجرد ما دخل وفتح الباب وقام جرى كل الحصل انهم جريو وراة وجابوة طلع اولا دة عربيتهم وصاحبة فضل قاعد متنح وطلعت عربية والد الشاب الجرى وممعهوش رخص طبعا اتحط فى البوكس انا هنا اقصد ان الحصل دة من الشاب هو الخوف

من المسئولية فجرى خوفا من انة يتقيض علية وهو ولا كان حرامى ولا تاجر ولا سارق العربية ولولا التصرف الذكى من الظباط والشرطة العسكرية لكان اتصفى ولو كان اتقتل كان والدة ووالدتة فى حال لا يعلم بها الا الله دة قصدى وطبعا لازم يتطبق القانون بكل حزم وشدة فى ظروفنا الحالية

[ahmedbasto]

لو الأحداث و سبب القتل كما ورد بالخبر .

يبقى الأهالي هما كمان عايزين القتل ...
بتهمة قطع الطريق

البلد حالها مش هايتعدل إلا بتأديب الخارجين على القانون و الناس اللي بتستهبل

و كفاية بقى طبطبة.......... البلد باظت

+1111111111111111111

[OMAR61995]

يا جماعة الخبر ده نصف الحقيقة
امبارح كنت مروح فى تاكسى و السواق بيحكى لواحد على الموبايل أنهم قتلوا سواق تاكسى تانى
بس ملحقتش أكمل الباقى عشان نزلت
و باقى الحكاية من كومنتات الناس اللى ساكنة فى بحرى على الفيس أن دول عيال صيع و بلطجية و قتلوا سواق فعلاً
يعنى مجرمى المستقبل
و كانوا رايحين يتعاركوا فى الابراهيمية
و لما شافو الكمين ضربوا عليه خرطوش و فى عسكرى اتصاب
يعنى حلال فيهم اللى حصل
و الناس اللى قاطعة الطريق دول أهاليهم البلطجية طبعاً
صوت الإسكندرية | S.T.X - التحفظ على سلاح ضابط قتل شابا وأصاب 2 أثناء فض مشاجرة بالإسكندرية

[osama.m]

ربنا يرحم اللي اتوفي اولا
بس لو الناس تعرف الموتسيكلات اللي عليها عيال صغيرة دي بتعمل اية مكنش حد هيقول كدا

وبعدين سؤال واحد .. سن صغير و سايقين موتسيكل و كسروا كمين !! المفروض اية يحصل ؟
لو فضلنا كدا كل ما حاجة تحصل نروح نقف ونزعق يبقى علية العوض

[lost2008]

انا بصراحة محنوق من تصرفات العيال الصغيرة الى بتسوق موتيسكلات مفيش التزام بادنى قواعد المرور وﻻ الذوق حتى و استهتارهم بارواح الناس بالجرى الغبى و طبعا معظمهم مش مرخص اصلا و الشرطة حسبى الله و نعم الوكيل لسة بيستهبلو, واحد قريبى دكتور جامعة توفى بسبب حيوان من دول خبطة رماة على عربيىة فداستو و طبعا الحيوان الى كان سايق الموتيسيكل فص ملح و داب.

[Mostafa.Mahran]

ده اقل واجب طبعا
المفروض الى راكبين الموتوسيكلات الصينى دى و مشغلين الاغانى الزبالة يضرب عليهم نار من غير تفكير لان دى فئة فى المجتمع ملهاش لازمة و عيال شكلها وحش و بكل بساطة ممك يخطفو شنطة واحدة او يغلسو على اى واحدة بكل قلة ادب و ممكن يشدو الموبايل من ايد اى حد