هليكوبتر الاسعاف الجوي قريبا في مصر

[Karim_Monir]

في خبر تناقلته صفحات الفيس بوك في مصر من السخرية عن قرب البدء بخدمة الاسعاف الجوي في مصر
حيث اعلن وزير الداخلية الجديد في برنامج مع المذيع جمال الشاعر
عن قرب دخول الخدمة مصر وحل مشكلة هل الطياريين تابعين للجوبة ام الداخلية


وسيتم نشر طيارات اسعاف هيلكوبتر من بداسة الشهر القادم علي الطرق السريعة
لو صح الخبر تبقي خطوة ممتازة مصر صاحبه اعلي معدل وفيات فى حوادث الطرق على العالم بلغت 12 ألف وعدد المصابين 40 ألفاً في حين أن الإصابات الناتجة من الحوادث خطرة وشديدة .
و الأغرب ان ضحايا حوادث الطرق في مصر سنويا ضعف عدد الشهداء في جميع حروبها..!!

[mazher_m]

ان شاء الله يتم التنفيذ

[MohammedAladel]

ههههههههههههههههههههههههه آه والله أنا أولهم نفسى أركب طيارة هيليكوبتر ههههههه وكمان لو ركبتها هفضل أتحايل على الطيار يخلينى أطير شوية أصل أنا كنت هموت وأكون طيار حربى

[SYD]

خبر هايل
وان شاء الله تتنفذ
لأن فعلا نقل المصابين في مصر يحتاج لطائرة وكمان بطء وصول الأسعاف في مصر بقي شئ مفزع

شكرا يا ا/ كريم لنقل الخبر

[Bishoy.Girgis]

ربنا يبعدنا عن الطيارة ديه خالص

[unit_delta]

والله الحاجه المحزنه هى اسلوب القياده الغريب اللى على الطريق الاغلبيه فاكرين نفسهم طيارين لدرجه ان باسلوب القياده ده يبقى عدد الحوادث اللى بيحصل قليل جدا

[Ahmed_Adham]

انا شايف ان عدد الحوادث على الطرق السريعه ممكن يقل بشويه حاجات بسيطه:-

1- السريع يمشي شمال والبطىء يمين وبالتالي التخطي يكون دايما من الشمال ولكن اصرار الكثيرين على المشي بالحاره الشمال على سرعه 60 وأقل في طريق حد السرعه فيه 90-100 بيجبر الناس تعدي من اليمين وتزيد فرصه الحوادث ده غير اني لما اكون فى الحاره الوسط وبعدي اللي قدامه من شماله ممكن ألاقى واحد ماشي بطيئ على الحاره الشمال وافضل مستني واحد منهم يتكرم ويشد حيله شويه ويدوس بنزبن عشان ألاقى حته اخرج منهم.

2- ربط حزام الأمان. مش عارف ليه الناس بتستهتر بالموضوع ده ومش بتربط الحزام الا لو لقو قدامهم لجنه يعني خايف تدفع المخالفه ومش خايف على حياتك؟ حزام الامان بيقلل فرص الوفاه بدرجه كبيره جدا فى التاصادمات والانقلاب وأنا شفت حادثه حصلت قدامي بنت خبطت بسرعه عاليه فى الحاجز الاسمنت وانقلبت مرتين واستقرت العربيه على الضهر والبنت خرجت من غير خربوش عشان كانت رابطه الحزام. بيحمي من ان الواحد يخرج من الازاز او يخبط فى الدريكسيون.

3- التاكد ان أنوار العربيه شغاله والالتزام باضائه السياره على الطريق السريع. فيه ناس عندها نور الفرامل مش شغال أو النور الاحمر اللي بيحدد ابعاد العربيه من ورا وناس تانيه بتكسل تفتح النور الامامي على الطريق وبالتالي مش بيكون ظاهر بوضوه فى مرايه اللى قدامه وممكن اللي قدامه ييجي عليه بما انه بالنسبه له مش موجود أساسا.

طبعا فيه احتياطات تانيه بس دي حاجات بسيطه ومش عايزه مهارات وأى حد سهل يعمل كده وملوش حجه.

[flightbyd]

مش حتيجى الا لكبراء البلد وابناؤهم