اغلاق جزئي لبعض شوارع وسط البلد لرفع الاشغالات

[Karim_Monir]

تشهد محافظة القاهرة من اليوم حملات موسعة لإزالة الباعة الجائلين بشوارع26 يوليو, والشريفين, والألفي, وحديقة الأزبكية علي مرحلتين صباحية ومسائية. وأوضح اللواء سيف الإسلام عبدالباري
نائب محافظ القاهرة أنه لن يسمح لأي بائع بالوجود بالشارع.

ومن يخالف ذلك يطبق عليه القانون بالاستيلاء علي البضاعة وإيداعها مخازن المحافظة, وبيعها في مزادات. وحذر نائب المحافظ أصحاب المحال الذين يقومون بعرض بضائعهم علي الأرصفة, بأنه سيتم غلق المحل في المرة الأولي لمدة15 يوما, وفي حال تكرار المخالفة سيتم بحث إلغاء الترخيص.
وفي الوقت نفسه, تواصل محافظة الجيزة, بالتنسيق مع الأجهزة الأمنية, حملاتها لليوم الثاني علي التوالي بمنطقة إمبابة, وفتح الشوارع والأرصفة أمام المارة.

[أحمد الجندى]

بما انى ساكن فى وسط البلد فبإذن الله لما ارجع من الشغل ابص بصة كده واتأكد من الكلام ده

[Shiref_mohamed]

اه ربنا يكرمهم ويوفقهم
بس اهم من إزالة التعديات ومنع الباعه الجائلين هو المتابعه بإستمرار لهذه المناطق والشوارع
عشان هما بيشيلوهم من هنا ومجرد ما يمشوا تاني يوم ترجع ريمه لعادتها القديمة ،،
انا شغال في سنترال الأوبر في العتبه وبعاني اشد المعاناة لدرجه ان البياعين احتلو الشارع وسايبين مسافة لعربية واحده بس هيا الى بتعدي وحسبي الله ونعم الوكيل في اي انسان يقطع شارع او حتى يعطله ربنا يحرقه بجاز وسخ

[Motaz.Habib]

طبعا حركة فالجون من المحافظة و يارب يفضلوا كدة على طول
بس الاهم الناس دى لازم نوفرلهم مكان يقعدوا فية وإلا احنا كدة زودنا البلطجية بعدد لابئس بة من الباعة الجائلين اللى هما فالاصل بلطجية بس كتيمى هيشتغلوا اية فهيطر انوا يبلطج و يسرق

[أحمد الجندى]

اه ربنا يكرمهم ويوفقهم
بس اهم من إزالة التعديات ومنع الباعه الجائلين هو المتابعه بإستمرار لهذه المناطق والشوارع
عشان هما بيشيلوهم من هنا ومجرد ما يمشوا تاني يوم ترجع ريمه لعادتها القديمة ،،
انا شغال في سنترال الأوبر في العتبه وبعاني اشد المعاناة لدرجه ان البياعين احتلو الشارع وسايبين مسافة لعربية واحده بس هيا الى بتعدي وحسبي الله ونعم الوكيل في اي انسان يقطع شارع او حتى يعطله ربنا يحرقه بجاز وسخ

أنا عايزك تمشى فى شارع 26 يوليو من عند مستشفى الجلاء لغاية وكالة البلح وشوف البياعين البهوات عاملين ايه

ولا اطلع على طلعت حرب وشوف قدام مول طلعت حرب البهوات واخدين الرصيف ونازلين على الشارع واخدين منه حارتين وعاملين حاجة زى المربع .. الرصيف عليه بضاعة ونازلة لغاية الحارة الثانية وسايبين الحارة الأولى فاضية علشاز الزباين تتفرج براحتها وممكن تقيس كمان !! حسبى الله ونعم الوكيل فى جبروتهم

ده غير الخناقات والشتيمة والصواريخ طول الليل وحاجات تانية كتير

[Amr Axel]

شغل ما شاء الله ربنا يعينهم
بس مفيش بقي خط ساخن لو الواحد حب يبلغ عن المحلات اللي واخدين نص الشارع لحسابهم بلطجة و مخليين حارة واحدة تعدي عربية بالعافية او حجارة و طوب قدام الاكشاك و المحلات او البائعين اللي واخدين الرصيف بحتة من الشارع و مفيش ركنة بلطجة برده و غيره و غيره

[SASA3]

جميل جداا بس اهم حاجه الاول قبل ما نشيل الناس دى نقولهم يروحوا فين يعنى يكون فيه سوق للباعه الجائلين


و انا كنت سمعت ان فى حاجه زى كده هتتعمل قريب


و بعدين لازم متابعهللناس دى تانى و الى بيحطوا شجر و و طوب و بلوات اسمنت قدام المحل فى الشارع علشان محدش يركن


قمة ال............*

مش عاوز اشتم والله بس يستاهلوا

[أحمد الجندى]

لسه ماشى من طلعت حرب وبصيت بصة على 26 يوليو واحب اطمنكم ان شارع طلعت حرب لازال سويقة زى ما هو والبهوات البياعين بنفس بضاعتهم وفى نفس اماكنهم وقافلين الشارع وداوشينه

بالشكل ده اعتقد كده انهم كانوا عاملين حسابهم من الأول وحاطين حد ناضورجى ينبههم وقت الكبسة زائد طبعا ان الحملة غالبا بتبقى بالنهار فقط

[besso]

انا كنت فى العتبه النهارده وراكب المترو
مكنتش اعرف الحكايه اول ماخرجت من المحطه استغربت المحطه فااااااااااااااااااضيه بعد ماكان مفيش مكان للناس تمشى فيه وهدوء شديد
وخرجت فى الشارع يااااااااااااااه البلد طلعت واااااااااااااااااااسعه اوى
وناحيه شارع عبد العزيز والمطافى الشوارع واسعه والعربيات ماشيه فى هدوء من غير كلاكسات ولااى حاجه من اللى كنت بسمعه بسبب الزحمه

بس فيه ناس قليله لسه فارشه حاجتها

الكلام ده لازم يتطبع على المانطق كلها مش فى شوارع وسط البلد وبس
شارع ناصر فى شبرا الخيمه لحد كوبرى عرابى كلوا اشغالات واحتلال للشوارع لدرجه ان الاوتبيسات مابتعرفش تدخل المحطه
حاجه يعنى قمه فى الغباوه

[AhMeD MeTwAlY]

يخدو راحتهم لان احنا بعد كدا هنرتاح

[alu]

والله خبر بسم الله ماشاء الله عليه واتمنى ان يكون بصفه دوريه وبشكل مستمر واتمنى ان يتم تعميمه ليس فقط على مستوى جميع شوارع القاهره ولكن على جميع شوارع واحياء الدوله بالكامل

[egyptiandiver]

يارب