فكرة مبتكرة من شاب ايجابي .......

[ahmedsadek82]

صاحب هذه التجربة هو المهندس تامر المحروقي :

"انا واحد متضرر من الزحمة و سلوك الناس في القيادة و خاصة علي كوبري ٦ اكتوبر . فقررت اني ابدا فى تصليح الموضوع ده
معلومة صغيرة فى السريع كدة: ٨٠٪ من كبرى ٦ اكتوبر عدد ٢ حاره بس! مش ٣ !!! و لزيادة التاكيد لما يبقى فىه خط فى الارض ده المفروض يبقي علي يمينك او شمالك مش فى نص عربيتك !
المهم بقى انا عايز كل واحد يمشى فى حارته! و لو حصل كدة الكبرى مش هيقف لما عربية تعطل, عربية الاسعاف مش هتقف لحظه و ممكن ننقذ ناس كتير كده!
انا عملت ايه بقى
اولا: بدات امشى فى حرتى جنب الخط عشان محدش يعرف يحشر نفسو جنبى
ثانيا: بدات اكلم الناس المشيه فى النص دي و الوضوع ده جاب نتيجة ٢٠٪
ثالثا: يوم الثلاثاء الماضي ٢٤-٧-٢٠١٢ الساعة ٤:٣٠ عصرا توجهت الى كبرى ٦ اكتوبر بعد شغلى و معي لافتة كبيرة مكتوب عليها " لو سمحت امشى فى حارتك" و قمع و وقفت على الكبرى فوق الخط حطيت القمع على الخط و رافعت اليافتة لمدة ١٠ دقائق، و الكبرى لاول مرة اشوفو ماشى حارتبن فى عز الزحمة".

ياريت كل الناس تشارك معى فى الحملة
ازاى اي حد ممكن يشارك
١. يتواصل معى و ننزل فى صورة مجموعات
٢. يتكلم مع الناس فى الشارع
٣. Twitter : #emshi_fe_7artak
٤. او اقل حاجة الاتزام بالحارة المرورية


التفاصيل في هذا الفيديو :

‫ذيع انت| فكرة حلوة مفيدة .. أمشى فى حارتك‬‎ - YouTube

و الصفحة على الفيسبوك :

امشى فى حارتك | Facebook

[Karim_Monir]

واحنا من جانبنا بندعمه ونشرنا له عنون صفحته
تحياتي
كريم منير

[ahmedsadek82]

واحنا من جانبنا بندعمه ونشرنا له عنون صفحته
تحياتي
كريم منير

شكرا لتعاونك في يا كريم باشا

[tutankhamoun]

أستاذ أحمد صادق ..... بأحييك لك ما أملك من قوة و أرفعلك القبعة على التصرف ده .

أنا من فترة كنت عايز أعمل كدا ...... بس ما كنتش ناوي أعمل كدا لوحدي و كنت عايز أعمل مجموعة من الناس و ننزل نعمل كدا .

بس بصراحة ......... معنديش أمل في الناس .

بس كل شئ ممكن و يمكن من كتر السلبيات اللي بنشوفها ......... الواحد بيفقد الأمل .

بس ممكن .

حاجة كمان .
خط الوقوف عند الاشارة (ده للناس اللي بتقف فيها أصلا )

مش عارف ليه الناس كلها تتخطاه و تقف في طريق اللي اشارته حمراء و لما تبصله يبحلقلك .

المهم ........ أنت أنسان أيجابي ......... و أنا بروحي معاك ......... بس أنا ساكن بعيد عن كوبري أكتوبر و مش بأستخدمه إلا نادرا ......... مرة كل 7 الاف سنة و بحمد ربنا طبعا .

[S O P H O S]

تسلم علي الفكرة الجميلة
ويارب تتنفذ ..

[El Prince]

تحية خاصه للمهندس تامر المحروقي
و تحية للعضو اللى نشرها
و تحية للمنتدى الجميل بتاعنا اللى دعمها

و ده اوحى لى بفكرة ان ممكن نعمل ملصقات بالكلام ده و بمقاس مناسب و تتحط على الزجاج الخلفى أو الجانبى للسيارة و ده هايدعمه السلوك الحضارى لقائد السيارة اللى عليها الملصق
و مع العدد الكبير و السير فى شوارع المحروسه هاتنتشر الفكرة
مش على كوبرى اكتوبر بس - لأ فى الشوارع