عاجل - الحكومة المصرية تدرس تخفيض جمارك السيارات

[Nader]

نايل موتورز

كتب نادر الطرابيشي



عاجل - الحكومة المصرية تدرس تغيير التعريفة الجمركية على السيارات

تدرس الحكومة المصرية حاليًا بشكل جاد تغيير التعريفة الجمركية المفروضة على السيارات المستوردة من الخارج. يأتي ذلك في إطار مراجعة الحكومة لالتزاماتها تجاه الاتفاقيات الدولية التي أبرمتها مصر مثل اتفاقية الجات.

تهدف الحكومة المصرية إلى تحفيز مُصنعين السيارات حتى تتحول مصر من دوله تقوم بتجميع السيارات إلى دوله مُصنعة للسيارات وهو الشيء الذي سيفتح المجالات أمام المئات من الصناعات التكميلية والمُغذية لتلك الصناعة مما سينعكس في النهاية على الاقتصاد المصري وسيكون له دورًا فعالًا في...| تابع باقي الخبر على موقع نايل موتورز|

[ahmedbasto]

يا مسهل وشكرا استاذ نادر على الخبر

[Ahmed Selim]

يا ريت و الله يبقى فيه تخفيض مع أنى اللى فهمته أنهم عاوزين يعلوها علشان يشجعوا بعض الشركات أنها تفتح مصانع تجميع فى مصر

[S O P H O S]

يارب حاجة زي دي تتنفذ
مشكوررر ..

[Nader]

لا، - بسبب اتفاقية الجات الجمارك مش هتزيد، لكن الضرائب والرسوم والتراخيص كل دي عناصر مطاطة الحكومة تقدر تلعب عليها بدون خرق الاتفاقات الدوليه

[hossam_elwani]

انا مع كده بس يحددو حد ادنى لسنة الصنع للعربيات الكهنه الى ماشيه فى مصر

[besso]

بس اهم حاجه انه يتم تكهين السيارات القديمه والمتهالكه
من اول سنه 70 او 80 بكده السوق هاينتعش وفى نفس الوقت الوارع مش هاتتكدس وطبعا ده هايفيد فى اقتصاد البنزين والاضرار بالبيئه وكده


سؤال بقى هو ينفع انت يتم عمل زى تسعيره للعربيات
او حد اعلى للبيع من قبل التوكيلات

علشان ما يبقاش السعر مبالغ فيه لانى خايف ان الجمارك تقل لكن المستفييد يبقى المستورد مش اللى زينا ويفضل سعر العربيات ثابت؟؟؟؟؟

[Ahmed_Adham]

ياخوفي ليقللو الجمارك من ناحيه ويرفعو الضريبه من الناحيه التانيه وكأنك يابوزيد

نفسي يخلصونا من عقده ال 1600 سي سي اللى مشوهه العربيات ومخلياها تمشي بمواتير مش بتاعتها. وبما ان تخفيض الجمارك هينزل أسعار العربيات ياريت يلغو الموديلات العتيقه اللي بتعطل اكتر ما بتمشي لأن الواحد بيتخنق لما الطريق يقف نص ساعه وفى الاخر يطلع السبب عربيه قديمه عطلانه على كوبري ويصدرو العربيات دى لدول أكثر فقرا والحكومه تساعد اصحابها باعتبار تمن العربيه القديمه مقدم عربيه جديده وتقسطلهم تمنها..

[sherif222]

يا مسهل يا رب سهل الامور لبلدنا

[sanhory]

يا جماعة نركز في الخبر

الخبر بيقول تغيير التعريفة الجمركية و ليست تخفيض

تغيير يعني يا اما يعلو يا اما يخفضوا

و من سياق الكلام واضح انهم حيعلو عشان بيقولك تشجيع الصناعة المحلية يعني بالعقل كدا لما حاجة تجيلي من برا بسعر منخفض ايه التشجيع في كدا ما انا حجيب اللي من برا وش يبقي التغيير اللي حيحصل ايه ؟؟؟؟ اكيد زيادة ههههههه

[megamoudy]

شكلنا مش هنركب عربيات عدله :(

[SASA3]

كل واحد عنده عربية مش مدايقاه و مستريح فيها يمسك يها بايديه و سنانه و اما نشوف بقا

و ان شاء الله خير

[megamoudy]

هو الخبر ده مصدره ايه طيب