عالم الســـــ ــــــــيارات المصفحة

[Elawany13]

حبيبي يا استاذ احمد .... دائماً متئلق في مواضيعك الرائعه
بس سؤال صغير كده .... فين نقطة الضعف في العربية المصفحة .... وعربية رفيق الحرير. رئيس وزراء لبنان كانت مصفحة ورغم ذلك بسبب الانفجار ادى الى استشهادة رحمت الله عليه

انا بعتقد ان ارضية السيارة او السقف بتعها. مش مصفح التصفيح الجيد. يعني ممكن اي واحد يطلع فوق سقف العربية برشاش الي ويقدر يصفي صاحب السيارة بسهولة ياريت ياباشا رابط الفديوا بتاع اليو تيوب علشان اقدر اشوفوا كويس لانوا لغايت دلوقتي قاعد يحمل. وشكراً ليك يا احمد باشا

حبيب قلبى واخويا Y a r i s
اللى كل الناس عارفاه وفقساه
ههههههههههه

لما تشوف الفيلم هتعرف ان التصفيح درجات ومستويات كتيره من 1 الى 10
أنا شايف ان الأفلام اللى انت كنت عاوز تلزقها على زجاج عربيتك للحماية من السرقة نوع من انواع التصفيح البسيط
تسليح الكاوتش اللى كان ليه اعلان فى المنتدى نوع من انواع التصفيح
التصفيح زى ما قولت درجات كتيره بتبدأ من أول التصفيح ضد المسدسات الصغيره الى طلقات الكلاشينكوف وأقصى درجات التصفيح بتبقى ضد طلقات البنادق الأمريكية الحديثه خارقة الدروع
وضد طلقات بنادق القناصة القوية جداً
بس عاوزك تاخد بالك من حاجه
لازم السيارة المصفحة يقودها سائق ماهر
يعرف يناور بيها رغم زيادة وزنها بسب التصفيح ويعرف يهرب بسرعه
لإن لو المنطقة المصفحة سواء كانت زجاج أو صاج تعرضت الى طلقات كثيرة فى نفس المنطقة ....التصفيح هينهار فى النهاية
نفس الكلام بالنسبة لتصفيح العفشة وخزان الوقود من أسفل
اكيد بيكون ليه حدود ضد العبوات الناسفة
واكيد مش هيصمد ضد الألغام أو العبوات الأشد فتكاً وتديمراً
ياراجل ده الدبابات الأمريكية الحديثه شديدة التحصين بيفجروها فى العراق
النقط الحصينة الاسرائلية على خط بارليف الجنود المصريين دمروها
فكل شيئ مهما كان قوى بيكون ليه حدود طبعاً

بالنسبة للينك اليوتيوب
اتفضل ياباشا

[FONT=Arial Black] http://www.youtube.com/watch?feature=player_embedded&v=RqFVJa5e6H4[/FONT]

تقدر تجيب اى لينك انت عاوزة
بالضغط على كلمة يوتيوب بالأسفل
شوف الصورة ديه
[img3]http://img856.imageshack.us/img856/4976/11092012040158.png[/img3]

[SHNORY]

مجهود رائع منك يا باشا وتسلم ايدك
كان مره في حد عامل موضوع في قسم مرسيدس عن السيارات المصفحه
فئه s-guard علي المنتدي
ححاول ادور عليه واحطلكم لينكه هنا برضه لوصاحب الموضوع يأذنلي

[naser_56]

موضوع جميل تسلم ايدك اقترح من الاداره افتتاح قسم للوثائقي بصراحه انا احب الوثائقي جدا وافضلها عن الافلام العاديه وياحبذا لو كانت hd من bbc

[amrico]

الله يكرمك ياباشا
ده ابداع الجزيرة الوثائقية


بعد الانفلات الامنى والحوادث اللى مرت بمصر وشعب مصر
أنا كنت بفكر أصفح الشاهين
بس لما شوفت الفيلم صرفت نظر
ههههههههههه

كان احساسك ايه وانت راكب السيارات المصفحة فى بلد زى العراق

عادي والله
الأمور هناك مش بالشكل الفظيع اللي الناس متخيلاه
طول ما انت بعيد عن المدن انت في الأمان
الموقف بس كان غريب عليا في الأول والعربيات طبعا مصفحة وتقيله أوي
بصراحة مسوقتهمش بنفسي عشان ممنوع

[Elawany13]

مجهود رائع منك يا باشا وتسلم ايدك
كان مره في حد عامل موضوع في قسم مرسيدس عن السيارات المصفحه
فئه s-guard علي المنتدي
ححاول ادور عليه واحطلكم لينكه هنا برضه لوصاحب الموضوع يأذنلي

الله يسلمك ياباشا
يامرحبا يامرحبا
أنا منتظرك من امبارح تيجى الموضوع
طبعا انت اكتر واحد فى المنتدى بيفهم فى الأسلحة
وأكيد أى مشاركة ليك هتكون اضافة جميلة

إتفضل ياباشا حط اللينك بدون استئذان

[Elawany13]

موضوع جميل تسلم ايدك اقترح من الاداره افتتاح قسم للوثائقي بصراحه انا احب الوثائقي جدا وافضلها عن الافلام العاديه وياحبذا لو كانت hd من bbc

الله يسلمك يا أخى الفاضل
أفلام ممتعة ومفيدة جداً
طبعا لا تقارن بأى أفلام تانية
الفيلم اللى فى الموضوع انا منزلة hd على الجهاز
وصورته رائعة

[Elawany13]

[img3]http://img24.imageshack.us/img24/7889/benzj.png[/img3]

mercedes-benz w126

العربية دى كانت عند والدى فى الامارات كانت مش ممكن عربية بجد مش لعب الاطفال اللى بتتباع

اليومين دول

بسبب العربية دى والدى حلف ما يركبش عربيات تانى غير مرسيدس و قد كان

دى تبقى تانى s-class رسمى مرسيدس تعمله

فضلت تنتج من 1979–1991

و تبقى اطول s-class تستمر فى الانتاج حتى يومنا هذا

و كانت اول عربية يتركبلها traction control

و يبقى نظام الairbags اللى بشكله الحالى(اول ما يقوم بوظيفته يروح مفضى الهواء اللى جواه)

و احزمة الامان ثلاثية النقاط

تقريبا كده مقولة (عايز تعرف عربيتك هاتبقى شكلها ايه بعد عشر سنين شوف الs-class دلوقتى)

شكلها صحيح

و اخدت جائزة سيارة العام سنة 1981

و جائزة اكثر سيارة امانا عام 1988

العربية دى كانت ضمن مشروع مرسيدس لتقليل استهلاك البنزين فبالتالى كانت معمولة من سبائك

خفيفة و كان drag coefficient قليل

تشكيلة محركاتها كانت تتراوح قوتها بين 164 حصان الى 294 حصان

فى موديل من مودبلاتها اسمه 350 sd/sdl كان بيعانى من مشكلة فى تصميم محركه و لم

تعترف مرسيدس بهذا العيب

و كانت تكلفة اصلاح هذا العيب 11000 دولار اى اغلى من سعر العربية نفسه

و اكتفت مرسيدس باصلاح سياراتها اللى لسة فى الضمان و اوقفت انتاج المتور ده نهائيا

اتعمل من تصميم السيارة دى اول s-guard و كانت مزودة بزجاج ضد الرصاص و كانت مصفحة

و مازالت تستخدم هذة السيارة فى مواكب الوزراء و الرؤساء حول العالم

و كانت و مازالت اشهر s-class ليومنا هذا

و تعتبر ثروة فى حد ذاتها و مازالت تحتفظ بسعر اعادة بيعها عاليا

حتى انها فى اوروبا ثمنها فى زيادة

تصبيرة كده على ما اخونا شنورى يجيب لينك الموضوع

[SHNORY]

الله يسلمك ياباشا
يامرحبا يامرحبا
أنا منتظرك من امبارح تيجى الموضوع
طبعا انت اكتر واحد فى المنتدى بيفهم فى الأسلحة
وأكيد أى مشاركة ليك هتكون اضافة جميلة

إتفضل ياباشا حط اللينك بدون استئذان

ربنا يخليك يا باشا
انا بشوف كل مواضيعك والله وكلهم مجهودك واضح فيهم وجميل

دا لينك الموضوع
فعلا حاجه تعقد

http://www.nilemotors.net/Nile/70128-a.html

[Elawany13]

ربنا يخليك يا باشا
انا بشوف كل مواضيعك والله وكلهم مجهودك واضح فيهم وجميل

دا لينك الموضوع
فعلا حاجه تعقد
http://www.nilemotors.net/nile/70128-a.html

الله يكرمك ياباشا
شكراً على اللينك ... موضوع جميل جدا

[Elawany13]

Texas Armoring اقوى فديو للسيارات المصفحة ضد الرصاص.flv - YouTube

[Elawany13]

أول سيارة كهربائية في العالم مضادة للرصاص
وقادرة على تغيير لونها مثل الحرباء

[img3]http://img13.imageshack.us/img13/456/large14.jpg[/img3]

نجحت إحدى شركات صناعة السيارات الروسية في صنع أول سيارة كهربائية في العالم مضادة للرصاص يمكن تغيير لونها فضلاً عن حماية ركابها من الهجمات.
السيارة Jo-Mojo تملك محرك يولد قوة 80 حصان وقادرة على الوصول لسرعة 97 كم/ساعة في 9.5 دقيقة وسرعتها القصوى تصل إلى 201 كم/ساعة.


[img3]http://img821.imageshack.us/img821/5269/original110.jpg[/img3]

وبالإضافة إلى كونها تحمي راكبها من الاغتيال، فإن السيارة تملك إطارات مضادة للرصاص وطلاء مثل الحرباء يتغير لونه، فضلاً عن مقاعد خاصة معدلة ما يؤهلها إلى أن تكون إحدى سيارات فيلم “جيمس بوند”، وفقاً لما ذكرته جريدة “ديلي تايمز” البريطانية.

[img3]http://img4.imageshack.us/img4/1723/original24.jpg[/img3]

ولضمان عدم نفاد شحن بطارية السيارة فقد تم تزويدها بسقف قابل للطي من ألواح الطاقة الشمسية من تصميم شركة صناعة معدات الفضاء “سيدراب”، ما يمكنها من شحن البطارية أثناء السير بها أو عند وقوفها في موقف للسيارات.

[img3]http://img15.imageshack.us/img15/888/original25.jpg[/img3]

ومن المتوقع أن يتم عرضها لأول مرة أمام جمهور في معرض “توب ماركيز” للسيارات بإمارة موناكو في أبريل 2012، وسيتم الكشف عن المزيد من التفاصيل الخاصة بالسيارة وقتها.
قام بتصميم السيارة مصنع السيارات الروسي “دارتز” المتخصص في إنتاج السيارات المصفحة، ومن المتوقع أن تباع السيارة في عام 2012 بسعر مبدئي 25 ألف دولار أميركي (ما يعادل 151 ألف جنيه مصرى).

[Elawany13]

Mercedes-Benz S600 Guard - YouTube

[Elawany13]

أفضل 7 سيارات مصفحة

سيارات مصممة من أجل الصمود وتحمل العديد من المشكلات التي قد تصل لدرجة انفجار نووي صغير,فهي الملاذ الأمن لرجال السياسة وكبار الشخصيات الذين قد يتعرضون دوماً لمواقف قد تهدد حياتهم.

7 – BMW 760Li High Security
أهم ما يميز السيارة هو تضمنها لنظام داخلي رائع يتيح للراكب التحدث مع الأشخاص في الخارج بدون الحاجة لفتح الأبواب أو النوافذ، كما تتضمن أجهزة استشعار للغاز والتي تقوم بغلق جميع المنافذ في حالة وجود غاز سام ويتبقى فقط داخل السيارة هواء نظيف.
[img3]http://img213.imageshack.us/img213/8356/armoredcars12.jpg[/img3]


6 – Maserati Quattroporte
على الرغم من إن السيارة معدة خصيصاً للشخصيات المهمة إلا أنها تتشابه جداً,مع النسخة العادية في الشكل الخارجي، ولكن الخبراء في مجال السيارات سيتعرفون,على الاختلاف بسرعة كبيرة خاصة وأنها تظهر في أكثر من مكان بسبب التعديلات التي تمت عليها لإضافة الدروع المصفحة.
[img3]http://img9.imageshack.us/img9/2596/armoredcars9.jpg[/img3]


5 – Cadillac One – The Beas
إنها الاختيار الأول لمعظم الرجال الأقوياء في العالم بما في ذلك رجال الأعمال ورؤساء الدول، اختارها الرئيس أوباما بنفسه حيث تتضمن 7 مقاعد ويصل وزنها إلى 8 أطنان وتستخدم درعاً سميكاً للغاية في جميع الأبواب كما تأتي مع إمدادات منفصلة للأكسجين للحماية من هجوم الغازات السامة
[img3]http://img442.imageshack.us/img442/1249/armoredcars7.jpg[/img3]


4 – Porsche Panamera 4.8 V8 Turbo
هي سيارة بورش معدلة ولكنها ليست من الشركة الأصلية بل يتم تعديلها في فرانكفورت حيث أصبح بإمكان السيارة الآن التصدي لعملية إطلاق نار من مسافة قريبة، حتى إذا استخدم المهاجم الألغام أو القنابل اليدوية فالسيارة تمتلك طبقة عريضة من الصلب المقاوم للرصاص والانفجارات في السقف والأرضية.
[img3]http://img11.imageshack.us/img11/7383/armoredcars5.jpg[/img3]


3 – Range Rover
إنها نفس سيارة Range Rover المعروفة بقوتها وأناقتها ولكنها تمتلك مميزات,إضافية أكثر مما تتخيل تتمثل في زجاج مقاوم للرصاص، وعجلات مسطحة،وجميع أجزاء العربية مصفحة بما في ذلك خزان الوقود بالإضافة إلى وجود أسلحة نارية مدمجة بالسيارة لتوفير الأمان الكامل لمن بداخلها.
[img3]http://img163.imageshack.us/img163/7523/armoredcars4.jpg[/img3]


2 - Rolls-Royce Phantom V1 Limousine
وجود زبائن مهمين جداً لا يعني أن رولزرويس ليست مستعدة للتخلي عن الكثير من المعلومات بشأن ما يتم استخدامه في سياراتهم لحماية الأثرياء والمشاهير، في هذه السيارة تم تغيير كل جوانبها بدروع مضادة للرصاص من نوع كيفلر مع وجود زوجين متطابقين من المدافع الرشاشة مرصعين بالألماس.
[img3]http://img407.imageshack.us/img407/7043/armoredcars2.jpg[/img3]


1 - Volkswagen Phaeton
تم تصميم السيارة من قبل الجناح المميز بشركة فولكس فاغن، تمتلك عجلات من المفترض أنها متاحة فقط لفئات معينة في سيارات بنتلي ورولزرويس، ولا تقوم الشركة بتعديل مميزات السيارة من الداخل والخارج فقط لإرضاء العميل، بل تمتلك أيضاً دروع حماية حتى تتمكن من النجاة من الهجمات الأكثر وحشية.
[img3]http://img198.imageshack.us/img198/2623/armoredcars.jpg[/img3]