حماية المستهلك يحذر من سيارات m.g الجديدة

[essam275]

حذر جهاز حماية المستهلك المواطنين من سيارات M.G""الجديدة التى يتم الاعلان عنها فى وسائل الاعلام.
وأشار إلى أن هذه السيارات يتم الاعلان عنها باعتبارها بريطانية المنشأ بالمخالفة للحقيقة, فى حين انها صينية المنشأ وجميع مكوناتها صينية
مما يعد عملية نصب وخداع للمستهلك.
وأوضح أن الشركة المستوردة ليست مصرية ولكنها شركة استثمار اجنبى، وقد قام الجهاز بمخاطبتها وديا لتعديل بيانات السيارة الجديدة والتاكد على انها سيارة صينية وليست انجليزية حفاظا على حق المستهلك وفى حالة عدم التزامها سوف يتخذ الجهاز الاجراءات القانونية ويحيل هذه الشركة للنيابة.


عن بوابة الوفد

[tutankhamoun]

حذر جهاز حماية المستهلك المواطنين من سيارات M.G""الجديدة التى يتم الاعلان عنها فى وسائل الاعلام.
وأشار إلى أن هذه السيارات يتم الاعلان عنها باعتبارها بريطانية المنشأ بالمخالفة للحقيقة, فى حين انها صينية المنشأ وجميع مكوناتها صينية
مما يعد عملية نصب وخداع للمستهلك.
وأوضح أن الشركة المستوردة ليست مصرية ولكنها شركة استثمار اجنبى، وقد قام الجهاز بمخاطبتها وديا لتعديل بيانات السيارة الجديدة والتاكد على انها سيارة صينية وليست انجليزية حفاظا على حق المستهلك وفى حالة عدم التزامها سوف يتخذ الجهاز الاجراءات القانونية ويحيل هذه الشركة للنيابة.

اقرأ المقال الأصلي علي بوابة الوفد الاليكترونية الوفد - حماية المستهلك يحذر من سيارات M.G الجديدة

[A.Adel]

والله كويس إن جهاز حماية المستهلك اتحرك

مع إن فيه توكيلات كتير قوي بتعمل الحركة دي

زي مثلا ال astra بولندي و منصور بيقول عليها بتكنولوجيا المانية
و زي ال megane وال fluence اللي تقفيل تركي و بيتقال فرنساوي برده
و ال sunny فيه ناس كتير متعرفش إنها تجميع مصري
و قيس بقى على كده كتير

المفروض يتقال صراحة كده كل حاجة بشفافية

[tutankhamoun]

والله كويس إن جهاز حماية المستهلك اتحرك

مع إن فيه توكيلات كتير قوي بتعمل الحركة دي

زي مثلا ال astra بولندي و منصور بيقول عليها بتكنولوجيا المانية

بس منصور مش ما كدبش .
ما هي الأسترا تكنولوجيا ألمانية فعلا .

و زي ال megane وال fluence اللي تقفيل تركي و بيتقال فرنساوي برده

بس مفيش أعلان بيقول على الرينو ده صناعة فرنساوي !
و ال sunny فيه ناس كتير متعرفش إنها تجميع مصري

ده عيب الناس اللي مش بتدور ..... الاعلانات كلها بتقول تكنولوجيا اليابان و لم تقول صناعة اليابان .
و قيس بقى على كده كتير

المفروض يتقال صراحة كده كل حاجة بشفافية

المنتج نفسه موجود عليه بلد المنشأ .

المشكلة في الاعلان .
يعني لو مودرن موتورز (وكيل مصنع نيسان مصر )
قال أن الصني صناعة الياباني ...... ده غش تجاري فاضح .

إنما أم جي بيتقال عليها أنجليزي و هي مفيهاش ريحة الأنجليزي في حاجة غير أسمها بس .

[eng.m7md.ali]

مدام خداع للمستهلك ليه ميتمش مقاضاة الشركة دي من الجهات المسئولة ؟؟

[Kareem Fawzy]

ما شاء الله جهاز حماية المستهلك بدأ يتحرك اهه!!

[A.Adel]

المنتج نفسه موجود عليه بلد المنشأ .

المشكلة في الاعلان .
يعني لو مودرن موتورز (وكيل مصنع نيسان مصر )
قال أن الصني صناعة الياباني ...... ده غش تجاري فاضح .

إنما أم جي بيتقال عليها أنجليزي و هي مفيهاش ريحة الأنجليزي في حاجة غير أسمها بس .

هم مظنش قالوا إنها انجليزي

هم تقريبا بيقولوا إيه 'السيارة الإنجليزية العريقة رجعت مصر تاني ' :)
و يقعد يقول كلام عن الشركة وكده
بس مقالوش إن موديلاتهم دي انجليزي

كله غش حضرتك ,بس بطرق مختلفة
المفروض كله يقول كل حاجة بصراحة

يعني البولندي يقول بولندي ,مش تكنولوجي الماني
و التقفيل التركي يقول كده صراحة
و التقفيل المصري برده يقول صراحة كده ,مش يضحكوا على اللي مش عارف

أنا عارف إن صعب يعملوا كده طبعا وده دور الهيئات الرقابية في الدولة على فكرة

[dede_dodo88]

هم مظنش قالوا إنها انجليزي

هم تقريبا بيقولوا إيه 'السيارة الإنجليزية العريقة رجعت مصر تاني ' :)
و يقعد يقول كلام عن الشركة وكده
بس مقالوش إن موديلاتهم دي انجليزي

كله غش حضرتك ,بس بطرق مختلفة
المفروض كله يقول كل حاجة بصراحة

يعني البولندي يقول بولندي ,مش تكنولوجي الماني
و التقفيل التركي يقول كده صراحة
و التقفيل المصري برده يقول صراحة كده ,مش يضحكوا على اللي مش عارف

أنا عارف إن صعب يعملوا كده طبعا وده دور الهيئات الرقابية في الدولة على فكرة

بس الفرق أن دي عربية صيني بالكامل يعني خط الأنتاج من الألف للياء صيني و لا يمت أي صلة بأنجلترا..
غير بي أم أو مرسيدس لما يتقفلوا في مصر مثلاً.. هما لا يزالوا عربيات ألماني متقدرش تقول عليهم عربيات مصري..
لكني دي صيني صيني يعني ..

[A.Adel]

أنا مش من النوع اللي بحب أقول كلام بناءا على معلومات مش مؤكدة

بس أنا قريت موضوع قبل كده إن توكيل MG اللي هو EBA

ده نفس توكيل عربية صيني كانت عملت مشاكل جامدة وقفل و ساب العربية من غير ضمان
مش فاكر اسمها إيه بصراحة , kumodo أظن

يا ريت حد يصلح الكلام ده لو فيه حاجة مش مظبوطة

ده بقى اللي لو صح ,المفروض التوكيل يتقفل و يرجعوا للناس فلوسها عشان يبقى عبرة

[A.Adel]

بس الفرق أن دي عربية صيني بالكامل يعني خط الأنتاج من الألف للياء صيني و لا يمت أي صلة بأنجلترا..
غير بي أم أو مرسيدس لما يتقفلوا في مصر مثلاً.. هما لا يزالوا عربيات ألماني متقدرش تقول عليهم عربيات مصري..
لكني دي صيني صيني يعني ..

dede-dode باشا

لا مؤاخذة :)
أنا مخدتش بالي إن فيه astra في الموضوع
ده مجرد مثل و أنا مش بدافع عن MG ولا حاجة

أنا اللي اقصده إن هي بقت عادة فالسوق ,الضحك على العميل يعني حتى فالمعارض
المعارض دي بيحصل فيها بلاوي مش بتبان

تصدق بايه :) ,مهاب بيحكيلي واحد بيسألوا يقول له التقفيل المصري في ال citroen عامل إيه ؟؟
ههههههه

[dede_dodo88]

dede-dode باشا

لا مؤاخذة :)
أنا مخدتش بالي إن فيه astra في الموضوع
ده مجرد مثل و أنا مش بدافع عن MG ولا حاجة

أنا اللي اقصده إن هي بقت عادة فالسوق ,الضحك على العميل يعني حتى فالمعارض
المعارض دي بيحصل فيها بلاوي مش بتبان

تصدق بايه :) ,مهاب بيحكيلي واحد بيسألوا يقول له التقفيل المصري في ال citroen عامل إيه ؟؟
ههههههه

lol
و للا أنا بدافع عنهم!!
أنا كنت بتكلم في حاجة تانية خالص و مجبتش سيرة أسترا في حاجة..
و عندك حق فعلاً في بتوع السيلز اللي بيقولوا معلومات مغلوطة أو مش دقيقة للعملاء, و بعضهم بيعمل كده لقلة معلوماته مش أكتر يعني مش عشان عايز يبيع أو حاجة..
أنا معرفش الصراحة هما كانوا قايلين أيه في أعلاناتهم عن الـMG.. بس أكيد لازم يتحاسبوا لو كانوا فعلاً بيسوقوها على أساس أنها عربية أنجليزي و هي أصلاً صيني..

[Elawany13]

فعلا الإعلان بيوهمك انها انجليزى
انا اللى كنت قريت عنها فى المنتدى وعارف انها عربية صينى
اتلخبطت لما شوفت الإعلان
التركيز على انها صناعة انجليزى وماجبوش سيرة الصين
قولت لنفسى يبقى انا مش واخد بالى او اختلط عليا الأمر او تشابهت الأسماء