الغاء دعم بنزين 95 بداية من الاربعاء القادم

[Samah AbdAllah]

وزير المالية ممتاز السعيد

اعلن وزير المالية ممتاز السعيد تنفيذ قرار رفع الدعم عن بنزين 95
بداية من الاربعاء او الخميس القادم
وذلك فى اطار سعى الحكومة الى ترشيد الدعم الذي يمثل نحو ربع الإنفاق الحكومي
ويعتبر هذا القرار ضرورى وعاجل من وجهة نظر الحكومة خاصة مع سعيها للحصول على قرض عاجل بقيمة 4.8 مليار دولار من صندوق النقد الدولي لمساعدتها في سد العجز المتفاقم في الموازنة

[samyyousef]

و ما هو سعر اللتر بعد الغاء الدعم

[hossam_elwani]

تقريبا 5.5 جنيه

[Hegazio]

بعد زيارة وفد الصندوق الدولي بيوم!!!!

[Ahmed_Adham]

وزير البترول كان قايل ان ال 95 سعره الحر 5.10 وال 92 ب 3.9 يعنى ال 95 مش هيزيد عن 5 جنيه بعد الغاء الدعم.

دي أسعار بنزين 95 الحاليه فى 50 دوله مرتبه من الارخص (الكويت) للأعلى (تركيا)

Fuel-prices-europe.info - Current Fuel Prices in Europe

وعلى فكره الكويت بتستورد البنزين لأنهم بينتجو بترول خام فقط وبيستوردو كل الوقود والمواد البتروليه.

[eng.m7md.ali]

عاجل : تم تأجيل ألغاء الدعم عن بنزين 95
على فكرة الخبر من تأليفي وده اللي هيحصل فعلا زي ماأجلو قفل المحلات لحد الشهر اللي جاي وفي الاخر مش هيتنفذ

[magedfarid]

دي أسعار بنزين 95 الحاليه فى 50 دوله مرتبه من الارخص (الكويت) للأعلى (تركيا)

fuel-prices-europe.info - current fuel prices in europe

.

وفقا للجدول فنحن حاليا - عند سعر 275 قرش للتر - في المركز الثالث يعني ما فيش ارخص مننا غير الكويت و الجزائر
لو كان السعر الجديد من 5 : 5,5 جنية سيضع مصر في المركز الثامن
وده يعني ان مستخدمي بنزين 95 في مصر سيكونوا في وضع افضل من 22 دوله موجده في الجدول

[Ahmed_Adham]

وفقا للجدول فنحن حاليا - عند سعر 275 قرش للتر - في المركز الثالث يعني ما فيش ارخص مننا غير الكويت و الجزائر
لو كان السعر الجديد من 5 : 5,5 جنية سيضع مصر في المركز الثامن
وده يعني ان مستخدمي بنزين 95 في مصر سيكونوا في وضع افضل من 22 دوله موجده في الجدول

بس خد بالك ان الدول دي مستوى المعيشه فيها غير مصر خالص. دوله زي تركيا بالرغم من انها عندها جمارك السيارات زي مصر وأسعار العربيات كمان زي مصر بالاضافه لسعر 15-17 جنيه للتر بنزين 95 بس مستوى الدخل مرتفع والبلد متقدمه جدا وعندهم الناتج القومي ضعف مصر بالرغم من انهم نفس عدد سكان مصر ونفس عدد القوى العامله و كفايه ان الحد الادنى للأجور حوالي 1300 جنيه هناك.

[Kareem.ElAraby]

متابع

[a_bahaa14]

يا رب

[magedfarid]

بس خد بالك ان الدول دي مستوى المعيشه فيها غير مصر خالص. دوله زي تركيا بالرغم من انها عندها جمارك السيارات زي مصر وأسعار العربيات كمان زي مصر بالاضافه لسعر 15-17 جنيه للتر بنزين 95 بس مستوى الدخل مرتفع والبلد متقدمه جدا وعندهم الناتج القومي ضعف مصر بالرغم من انهم نفس عدد سكان مصر ونفس عدد القوى العامله و كفايه ان الحد الادنى للأجور حوالي 1300 جنيه هناك.

انا متفق معاك طبعا بس

• احنا بنتكلم على بنزين 95 فقط يعني في 3 منتجات اخرى مش هيتغير سعرهم 80،90،92 - ( بدائل للمستخدم المصري غير متاحه لكل دول المقارنة )
• الناتج القومي لتركيا ضعف الناتج القومي لمصر في حين ان سعر البنزين 95 في تركيا اكثر من 3 اضعاف السعر الجديد في مصر - انا عارف انها مابتتحسبش كده بس خدها كمؤشر

[Ahmed Nasser]

وبعد شوية هنسمع ان
تم الغاء الدعم عن بنزين 92

[Ahmed_Adham]

ده كلام انتخابات عشان الناس تتوهم ان الحكومه بتدعم الناس الغلابه على اساس ان ال 95 بتاع سيارات الاغنيا لكن اللي بيركب عربيه بنزين 95 تمنها +200 الف مش غني ولا حاجه.

قيمتهم ايه اله 50 مليون بتوع دعم بنزين 95 مقابل 17 مليار جنيه بتتصرف على دعم كل انواع البنزين؟ لو قدرو يسيطرو على الفساد فى الوقود هيوفرو أكتر بكتير من ال 50 مليون جنيه دول.

القرار عباره حلقه اخرى من مسلسل استخفاف الحكومات بعقول الناس عشان يكسبو شويه اصوات فى الانتخابات بتاعت مجلس الشعب اللي جايه.

[Mo.Kareem]

يعنى هما الخمسين مليون جنيه شوية يا جماعة لو هنبنى بيهم مستشفى ومدرسه كل سنة اعتقد يبقى افضل من دعم بنزين 95

[Ahmed_Adham]

يعنى هما الخمسين مليون جنيه شوية يا جماعة لو هنبنى بيهم مستشفى ومدرسه كل سنة اعتقد يبقى افضل من دعم بنزين 95

50 مليون جنيه من 17 مليار يعني اقل من 3 في الالف بشويه. يكونى لو مرتبك 1000 جنيه واتخصم منك 3 جنيه. هل ميزانيه بيتك هتتأثر؟

لكن لو مرتبك 1000 جنيه واتخصم منك 200 ولا 300 أكيد هتتزنق. الفكره هنا نسبيه. ال 50 مليون لوحدها مبلغ كبير لكن لما أقول 17 مليار للدعم كتير قوي عشان كده هوفر منهم 50 مليون يبقى أنا كده بهرج.