سعر وصور ومواصفات هوندا سيفيك 2013 الجديدة

[Samah AbdAllah]

صور ومواصفات هوندا سيفيك 2013 الجديدة





اعلنت هوندا عن الجيل التاسع من سيفيك والذى سيتم كشف الستار عنه كليا
فى معرض لوس انجلوس القادم بعد اسبوعين
وتحاول هوندا تجنب الانتقادات الكثيرة التى وجهت للجيل السابق من سيفيك
والذى طرح بالاسواق منذ ما يقرب من عام ونصف فقط




ستحتوي سيفيك 2013 الجديدة على مجموعة من أنظمة السلامة والمميزات الجديدة والراحة
والتحسينات في الشاسيه والتصميم الداخلي
التي ستحسن من فرص سيفيك فى الوصول لمركز افضل سيارة في فئة السيارات المدمجة


من متابعة الصور التى كشفت عنها هوندا نلاحظ الشبه بين ملامح سيفيك 2013 واكورد الجديدة


وقد اشتملت التغيرات الخارجية كما يظهر بالصور على

• مصابيح أمامية جديدة
• شبك أمامي يحتوي على قطعة كروم عريضة
• شبيه بشبك هوندا أكورد
• صدام أمامي جديد
• صدام خلفي جديد يحتوي على عواكس
• مصابيح خلفية جديدة على شكل L
• جنوط جديدة
• 
  هوندا
• 
  1.6 F/O A/T175,900 جنيه مصري
  
• 
  1.6 F/O A/T S/R High Line198,900جنيه مصري

[Hossam_hassan4]

هوندا نازله بتقلها بعد الفشل الذرييييييع :d

[mohamed_mohsen]

مع سياسة تسعير التوكيل الحالي العربيه دي بقي هتبقي بنص مليون جنيه و الا حاجه

[S O P H O S]

الحمد الله ادراك مشكلة التصميم السابق ..

[blazer]

شكراا على الخبر
الشكل دا ممتاز من وجهة نظرى
وان كنت منتظر اخبار انهم ينزلوا ماتور وفتيس جديد ونظام تعليق متطور" وفرامل " عن الى موجود

[alaamousa]

مجهود ممتاز كان نفسي الحق بيها مقابلة اسكندرية يلا مافيش نصيب ان شاء الله تتعوض

[MSL]

تصميم أحلى و تعديلات أفضل بكتير مع الحفاظ على نفس السعر

[ahmedeihab]

قلبى الصغير لا يتحمل يا جدعااااااااااااااان

^_^

[bassem.naguib]

تسلم أيدك على الخبر .

بس ممكن أعرف أيه كانت المشاكل والانتقادات اللي في الجيل الثامن اللي قبل ده .

[zrzr1]

200,000 جنيه ؟؟؟؟؟؟؟؟ ايه السعر دا يا جدعاااااااان

[hany63]

تسلم أيدك على الخبر .

بس ممكن أعرف أيه كانت المشاكل والانتقادات اللي في الجيل الثامن اللي قبل ده .

هو يقصد موديل ٢٠١٢ و ده كان اول انتاج للجيل التاسع و التعديل ده يعتبر فيس ليفت للجيل التاسع و الانتقادات كانت على الشكل الخارجي و اديه اتعدل و عدم فخامة المقصوره الداخليه و ادينا هنشوف ايه اللي هيتعدل فيها
اما الجيل التامن ما فيش عليه حاجه جوهريه

[dede_dodo88]

هو أنا بس اللي شايفها شبه السيراتو من قدام ؟!!
بس still كده أحلى بكتير من موديل 2012 اللي كان عار على هوندا الصراحة خصوصاً أنه جه خليفة الجيل الثامن العظيييم...

[ahmedwagdy03]

العربية من إنتاج مصنع هوندا فى تركيا و ليس اليابان

[jimmy86]

انا عندي احساس غريب ان الفيس لفت ده في الاخر مش هايجي عندنا يعني مش للشرق الاوسط لان موديل 2008 كان نزل ليه فيس لفت بره وماجاش عندنا وكمان موضوع بلد الصنع مش عارف يعني لو نزلت باوبشن رهيب وبنفس سعر هوندا تجميع اليابان مش عارف اعتقد الناس هاتخاف وكمان اللي ممكن يحصل تاني ان المقارنه هاتبقى في الاخر اتحسمت للسكودا كله هايقولك هادفع كل الفلوس ده في عربيه تقفيل تركيا منا اجيب سكودا تشيكي الماني مش عارف الموضوع هايبقاله حسابات كتير بس كده او كده عارف في ناس بتشتري اوبشن وخلاص مش مهم عنده العربيه تجميعها ايه بس اعتقد في الفئه السعريه اللي بتخاطبها العربيه ده مش عارف اعتقد الواحد هايفكر مليون مره لانه مبلغ في الاخر مش سهل وحاجه تانيه شوف فرق الاوبشن اللي مابين السكودا اول فئه اتوماتيك واول فئه هوندا هل معقوله هاينزلوا بلوتوث وسينسور للركنه ومرايات ضم وكل ده من غير اي اضافات في السعر من الاخر حاسس ان الموضوع ده بلونه على العموم هانشوف في شهر 3 كله هايبان

[hany63]

انا عندي احساس غريب ان الفيس لفت ده في الاخر مش هايجي عندنا يعني مش للشرق الاوسط لان موديل 2008 كان نزل ليه فيس لفت بره وماجاش عندنا وكمان موضوع بلد الصنع مش عارف يعني لو نزلت باوبشن رهيب وبنفس سعر هوندا تجميع اليابان مش عارف اعتقد الناس هاتخاف وكمان اللي ممكن يحصل تاني ان المقارنه هاتبقى في الاخر اتحسمت للسكودا كله هايقولك هادفع كل الفلوس ده في عربيه تقفيل تركيا منا اجيب سكودا تشيكي الماني مش عارف الموضوع هايبقاله حسابات كتير بس كده او كده عارف في ناس بتشتري اوبشن وخلاص مش مهم عنده العربيه تجميعها ايه بس اعتقد في الفئه السعريه اللي بتخاطبها العربيه ده مش عارف اعتقد الواحد هايفكر مليون مره لانه مبلغ في الاخر مش سهل وحاجه تانيه شوف فرق الاوبشن اللي مابين السكودا اول فئه اتوماتيك واول فئه هوندا هل معقوله هاينزلوا بلوتوث وسينسور للركنه ومرايات ضم وكل ده من غير اي اضافات في السعر من الاخر حاسس ان الموضوع ده بلونه على العموم هانشوف في شهر 3 كله هايبان

بدون الدخول في مقارنه بين الهوندا و الفانتازيا بس لازم تفرق ما بين الياباني التركي و ده منشأ ياباني تجميع تركي
و التشيكي الالماني تشيكي المنشأ ونحط تحتيها خط و اشراف الماني بحكم ملكية vw لمعظم الاسهم بدليل ان الاوكتافيا اقل شويه من الباسات