أزمة البنزين والسولار تضرب أسيوط من جديد

[Samah AbdAllah]

ومازال مسلسل ازمة البنزين واسولار مستمرا فى كافة المحافظات

حيث تضرب أزمة البنزين والسولار أسيوط من جديد
و تشهد محطات البنزين باسيوط طوابير طويلة من السيارات
والشاحنات نظرا لنقص المتوفر من البنزين والسولار
مما تسبب فى خلق حالة من التكدس المرورى بشوارع مدينة أسيوط بسبب تلك الطوابير الطويلة
وقد أكد المهندس مجدي سليم وكيل وزارة التموين بأسيوط
أن المحافظة تشهد نقصا في المواد البترولية "السولار ـ البنزين " عن معدل المستهلك بصفه يومية
مما تسبب في تزاحم السيارات على محطات البنزين.
وأشار سليم إلى أن نسبة السولار والبنزين التي تحصل عليها محافظة أسيوط اقل من الاستهلاك اليومي لجميع القطاعات.
الى متى ستستمر هذه الازمات ؟؟

[MohammedAladel]

يعنى المنيا اللى فيها قوى عندنا مفيش بنزين برضه

[tutankhamoun]

الحل في المواصلات الجماعية المحترمة لكل الناس .

[S O P H O S]

لا حول ولا قوة الا بالله

[Elawany13]

نفس الخيبة والوكسة التقيلة فى الغربية من قبل وقفة عيد الأضحى
تكدس وزحام مرورى على محطات البنزين بغباء
وشلل مرورى بسبب اغلاق الشوارع بالطوابير
خلاص بقى هوه ده العادى فى عصر الثورة وفى حكم العسكر وفى عصر النهضة !!!
اللى مش طبيعى دلوقتى انى الاقى بنزين بسهولة
حسبنا الله ونعم الوكيل فى الللى خربوا البلد وقعدوا على تلها

[Egyzizo]

أنا كنت فاكر ان ده بقى العادى دلوقتى فى كل حتة..

عندنا فى المنوفية الموضوع ده من زمان خصوصاً بالنسبة لبنزين 80 والسولار أحياناً وطوابير البنزينات اللى قافلة الشوارع بقى منظر طبيعى ، لدرجة انك لو وقفت تاكسى وقلت له على مشوار ، ممكن يعتذر لك لأنه فى المشوار ده هيعدى على بنزينة وهيتعطل على ما يعرف يعدى.

أنا بقيت أمون فى الويك إند علشان أبقى براحتى وبآخد معايا كتاب واللا حاجة علشان يسلينى فى الطابور.

[Elawany13]

انا غالبا باخد أجازه عارضه أو اعتيادى علشان اتفرغ لمهمة الحصول على البنزين