[img3]http://i.imgur.com/SUAgH.png[/img3]

البناء على أنقاض الكوراث المأساوية فى الدول
المتقدمة & المتخلفة


( إيه جى فى ) القطار الأسرع فى العالم
كيف يتعلم المهندسون والمصممون فى الدول المتقدمة الدروس من الكوارث المأساوية ، ويعملوا جاهدين على عدم حدوثها مرة اخرى. فمثلاً حلقة من ضمن الحلقات تحكى عن كوراث القطارات فى أوروبا وكيف تعلموا من هذا الكارثة وطوروا من بنية وتكنولوجيا القطارات وانظمة الأمان فيه وطوروا السكك الحديديه ليجعلوا الرحلة بالقطار أكثر أمان وراحة وسرعة... والمذهل انهم صنعوا قطار فائق السرعة بينتج كهرباء ... نعم قطار ينتج الكهرباء أثناء سيرة ويضخها فى شبكة الكهرباء وبيباع للحكومة وبالتالى للجمهور ويساهم فى التقليل من أزمة الطاقة !!!

شاهدوا معى هذا الفيلم المذهل
واتحسروا على الكوراث اللى بتحصل فى مصر

اللى احنا كشعب بنتحرق وبنتفرم وبنغرق وبنفقد أرواحنا وممتلكتنا ....وبعد كل ده ندفع كمان تمن اصلاحها من جيوبنا .. السؤال هنا على بتتصلح فعلاً !!! ..الإجابة متروكة لخيال القارئ وتجاربه السابقة وتوقعاته .. بندفع من جيوبنا ملايين لكبار رجال الدولة وكبار الموظفين علشان يركبوا سيارات فارهة ويقعدوا فى مكاتب فاخره مكيفة يمارسوا مهامهم الجسيمة

وياريتنا بنتعلم من أخطاءنا أو حتى بنحاول نقلل فرص حدوثها ... ابداًًً
إنما الكارثة اللى بتحصل فى مصر بتكون سبوبه لرفع الأسعار على هذا الشعب المسكين الذى يأن منذ عقود طويلة
فاكرين كارثة قطار الصعيد البشعة

احنا كشعب اللى اتحرقنا واتفحمنا فى هذا القطار
واللى ربنا نجاه من هذا الحادث اتحرق ايضاً من ارتفاع وتضاعف اسعار تذاكر السكك الحديدية بعد هذا الحادث مباشرة وتلتها مباشرة موجة من غلاء اسعار المواصلات كلها بلا استثناء وكلنا عارفين تأثير كل ده بيكون عامل ازاى على كل فرد فى هذا الشعب
كل هذا بحجه تطوير القطارات والسكك الحديدية وتأمينها
ولا شوفنا تطوير ولا شوفنا أمان ولا حتى السكك الحديد فى مصر تحولت من الخسارة الى الربح !!!!

كل اللى شوفناه المزيد من السرقة والنهب والفساد والمزيد من الكوراث والمأسى والمعاناة

كل اللى شوفناه تضاعف مرتبات رئيس هيئة السكك الحديدة وكبار الموظفين فى السكك الحديدية ودمتم بخير
"8 مليارات جنيه تخصصها الدولة سنويا لـ"السكك الحديدية".. 2 مليار منها مرتبات وحوافز.. و3 لشراء الوقود وقطع الغيار وأعمال الصيانة.. ودراسة: 120 مسئولا يتقاضون سنويا 950 مليون جنيه "

ونفس الفيلم بيتكرر مع حادث عبارة السلام 98
ومع كل كوراث الدول المتخلفة

ومن كارثة الى أخرى مع بعض الإجراءات الشكلية لذر الرماد فى العيون وفى الآخر نحن الضحية سواء كنت فى قلب الحادث أو مجرد مشاهد له على شاشات الإعلام لازم ينولك من الحب جانب
اللهم ارفع مقتك وغضبك عنا ... واستر طريقنا

SCREEN SHOTS
[img3]http://img39.imageshack.us/img39/2356/hdyoutube2mp4thumbs2012.jpg[/img3]


شاهد الفيلم الوثائقى الممتع على اليوتيوب
HD بناء من أنقاض الكوارث إيه جى فى القطار الأسرع | وثائقي - YouTube










Comment