هيونداي ix35 تنافس كيا سبورتاج بقوة بسعر 190 الف جنيه

[Samir Elshahawy]

الاخوة و الاخوات الكرام / نجوم و نجمات هيونداي

أسعد الله أوقاتكم ...

أخيرا و بعد طول أنتظار ظهرت و لأول مرة بمصر خلال معرض أوتوماك فورميلا 2013 , سيارة هيونداي ix35 بمحرك سعة 1600 سي سي (جي دي أي) و هو نفس المحرك الذي تحظي به شقيقتها كيا سبورتاج.

و بذلك تدخل ix35 لي حلبة المنافسة مع شقيقتها سبورتاج بالسوق المصرية

تقرير اليوم يأتي أليكم مباشرة من داخل معرض أوتوماك - فورميلا 2013 بالصور و المواصفات الكاملة و الاسعار للفئات الثلاث من هيونداي ix35

المواصفات

الأسعار

Hyundai ix35 GL A/T
190,000 EGP

Hyundai ix35 GLS A/T
205,000 EGP

Hyundai ix35 GLS panoramic
235,000 EGP

[m_medo]

مشكور

[MMMERO]

شكرا جدا على الخبر دة بس يا ريت تفاصيل اول فئة

[S O P H O S]

تسلم يا باشا ..

[محمد بدر]

الله الله
كده الكورى هيخبط فى بعض
انا شاهدت السيارة فعلا فى المعرض بسم الله ما شاء الله
وعلى فكرة بمقارنة الثلاث فئات تلاقى فيهم تشابه بنسة كبيرة جدا مع السبورتاج
بس تفضل السبورتاج برضو بشكلها الثورى وكلة الجو
بس يبقى هنا فى استفسار مهم - طبعا احنا متفقين ان الموتور واحد وهو gdi
هونداى بتقول انه 135 حصان وكيا بتقول انه 140 حصان
وكيا بتأكد استخدام بنزين 92 مفيش مشكلة وعن تجربة تحققنا من المعلومة
يا ترى ممكن هونداى يكون ليها كلام تانى فى موضوع البنزين ده
ومننساش نشكر معاليك على هذا الموضوع الرائع فعلا" كل الشكر والتقدير

[محمد بدر]

معلش نسيت اتطرق لموضوع مهم
نتمنى ان فترة الحجز متكنش طويلة لأن سعرها ممتاز بالنسبة لسيارات تانية ممكن تدخل فى المنافسة بس طبعا مما لا شك فيه انا شايف حتى هذه اللحظة الكورى واكل الجو فى هذه الفئة بالذات وبالرغم من ارتفاع الأسعار
يعنى نزول العربية دى بالذات ومن غير للأسف ومن غير ذكر ماركات لسيارة بعينها وكلام فى سركم (فى عربيات هتنام فى الخط - وفى ناس بيقولوا ان فيها مشاكل كثير - ملناش دعوة)
ربنا يوفق الجميع

[Samir Elshahawy]

أستاذ / محمد بدر


شرف كبير لي أنك تنور موضوعي المتواضع و شهادة كبيرة منك في حق هيونداي ix35 من واحد معاه عربية محترمة جدا زي الكيا سبورتاج

الموتور واحد بلا شك
الرقم الحقيقي للقدرة 138 حصان و ده من خلال بحثي أنا علي المنتديات و الصفحات و بيانات محركات هيونداي
المحرك ده أساسا بيستخدم للالنترا md
و لكن نظرا لأنه من الصعب أن كيا أو هيونداي تنزل عربية فوق ال 1600 سي سي بسبب الجمارك الخزعبلية فأضطروا ينزلوا عربية 1600 سي سي و هنا كان لازم يستخدموا محرك الألنترا (جي دي أي) اللي يقدر يحرك العربيتين دول

موضوع بنزين 92 أنت أكثر واحد يقدر يحكي لنا عن التجربة دي

و بعد ما ال ix 35 نزلت بشكل رسمس بمحرك جي دي أي كده يبقي غبور (اللي مش أمور و الهيونداي من وشه تغور) مالوش حجة أن ينزل الالنترا بموتورها الاصلي الجي دي أي

أما عن المنافسة مع الأسبورتاج فقد تتفوق ال ix35 لسبب واحد هو تأكيد غبور (اللي مش أمور ....) ان مافيش أوفربرايس (أفلح أن صدق) و هنا الهيونداي ستكتسح باقي السيارات في فئتها و فعلا زي ما أنت بتقول بعضها ان لم يكن كلها هاينام في الخط و يشد اللحاف كمان

الحلو بقي في الموضوع أن ممكن موضوع الاوفر برايس في الكيا و بعض السيارات الاخري المنافسة في الحالة دي يختفي أو أن الاسعار تنزل شوية (ألا لو كانوا هما بقي مرتبين أمورهم و متفقين علينا أحنا المستهلكين الغلابة اللي مالناش كلمة و لا حاجة تجمعنا قصادهم)

مرة أخري شرفت الموضوع و سعدت بتعليقك

[sherif222]

مشكووووووووووورين

[محمد بدر]

إيه يافندم الكلام الكبير ده والله احرجتنى جدا بهذه التعبيرات الرقيقة
شكرا" جزيلا" على هذا الثناء والشرف لى أنا
وبعدين انا من عشاق الهونداى حضرتك ناسى انا كنت أمتلك هونداى إلنترا 2005 ولمدة 8 سنوات وأحلف بالله إنها كانت أحسن من سيارات يابانى أخرى فى قوة التحمل والعفشة بفارق كبير وكمان ممكن الفرامل ده غير حاجات تانية كثير بس مش عايز حد يزعل وده مش موضوعنا علشان الكل هيقول إلنترا 2005 دى كانت غلطة والحمد الله انا لا أمتلكها الآن ولولا انها كانت منيول ما كنت فرطت فيها ابدا
بس انا حبيت أأكد ان الموضوع مش يابانى ولا كورى ولا غيره الموضوع عربية تثبت نفسها من خلال التجربة والحكم ميكنش سطحى والكلام ده انا بقوله قبل المداخلات السطحية المحبطة
وبعدين بخلاف موضوع التجربة خير دليل لأ فى عربية من أول نظرة ممكن تحكم عليها ولا يختلف عليها اثنين وكنت من أول السباقين فى ركوب الإلنترا من بداية ظهورها وكذلك الكارينز وكلاهما اثبتو نجاح رائع فى الشارع المصرى
وياريت حضرتك تتذكر كلامى هذا وهو توقعى لنجاح هذه السيارة ودخولها فى مقارنة شرسة مع شقيقتها السبورتاج
وأتفق معك طبعا ان توافر السيارتين ومن غير أوفر بريس هيعمل طفرة فى السوق المصرى وهى موجودة الطفرة بالفعل بس في عربيات تانية سوقها هينام تماما وأكيد طبعا الشركتين مرتبين مع بعض كويس جدا وعرفين هما بيعملو إيه وبقت حركات مكشوفة
تسلم يا أستاذ سمير على هذا الموضوع والله كنت منتظره

[Hussein_Ramdan]

اكيد بعد الاسعار الجميلة الى اصبحت عليها السبورتاج
الكافة سوف تميل على هيونداى

[محمد بدر]

اكيد بعد الاسعار الجميلة الى اصبحت عليها السبورتاج
الكافة سوف تميل على هيونداى

ده تكتيك بين الشركتين
وخطط موضوعة مسبقا
وهما أكيد بيخافوا على زعل بعض وبيعملوا حساب بعض والفترة القادمة سوف تتضح فيها الأمور
وبعدين انا لاأختلف معك - هونداى هتقول لكيا انتم بعتوا كثير اعطونا فرصتنا
الموضوع ده بيرجعنى لسنة 2005 (الإلنترا - السيراتو)
بيتكرر نفس السيناريو فى 2013
بين (الإلنترا - السيراتو ) و (السبورتاج - ix 35 )
المهم والواضح برغم ارتفاع الأسعار واقتراب الأسعار من الأوربى ما زالت هذه السيارات على القمة
كنا فكرين ان أهم حاجة بتميز الكورى عن الأوربى وغيره السعر !
ولاكن دلوقت الأسعار تقريبا تساوت وما زالت الناس مقبلة على الكورى بشراهة- طبعا الأسباب كثيرة ومعروفة

[esam_ayad]

وأخيرا نزلت العربيه الجامده جدا دي في مصر.
العربيه دي عامله شغل جامد هنا في الكويت بس بتنزل بموتور 2000 سي سي, ومسحوبه هنا اكتر من السبورتاج اللي برضو ليها معجبين كتيييير

[Samir Elshahawy]

ده تكتيك بين الشركتين
وخطط موضوعة مسبقا
وهما أكيد بيخافوا على زعل بعض وبيعملوا حساب بعض والفترة القادمة سوف تتضح فيها الأمور
وبعدين انا لاأختلف معك - هونداى هتقول لكيا انتم بعتوا كثير اعطونا فرصتنا
الموضوع ده بيرجعنى لسنة 2005 (الإلنترا - السيراتو)
بيتكرر نفس السيناريو فى 2013
بين (الإلنترا - السيراتو ) و (السبورتاج - ix 35 )
المهم والواضح برغم ارتفاع الأسعار واقتراب الأسعار من الأوربى ما زالت هذه السيارات على القمة
كنا فكرين ان أهم حاجة بتميز الكورى عن الأوربى وغيره السعر !
ولاكن دلوقت الأسعار تقريبا تساوت وما زالت الناس مقبلة على الكورى بشراهة- طبعا الأسباب كثيرة ومعروفة

فعلا بالرغم من تقارب الأسعار بين الكوري و الأوروبي الا أن مبيعات الكوري مازالت في المقدمة و مستمرة

و اللي بيأكد كلامي قدوم مالايقل عن 4 سيارات كورية الصنع جديدة الي الباركينج الذي أسكن امامه
- 2 ألنترا md فئة ثالثة
- كيا ريو هاتشباك
- هيونداي فيلوستر

الغريب بقي أن بعض من أصحاب تلك السيارات الجديدة كان معاهم عربيات ياباني وواحد منهم كان معاه ماركة أوروبي

ناس كتييييييير مش عايزة تفهم ان الكوري قرب أوي من الاوروبي و يمكن تخطي الياباني في المواصفات الفنية (كالامان - الاتزان - القوة) أضافة الي التفوق الكاسح في :
- الشكل و التصميم
- الكماليات

و ده اللي بيأكده أستمرار مبيعات سيارة زي الالنترا md بالرغم من أرتفاع أسعارها بشكل خزعبلي

[Ahmed Khafagy]

تقرير مختصر عن IX 35 Full Loaded الفئة الاعلى ..
املك السيارة منذ عام .. وهذه ملاحظاتي ووجهة نظري في السيارة في منتهى الامانة وبتأكيد اصدقاء لي تم تجربة السيارة من خلالهم للرغبة في شراء IX 35 ..

1- الشكل العام للسيارة .. جيد جدا
2- العفشة .. جيده جدا
3- الإضاءة الداخلية والخارجية .. جيده جدا
4- الكلاكس .. الصوت ضعيف وغير مناسب لحجم السيارة
6- المساحة الداخلية للركاب والشنطة .. جيده جدا
7- كونسول الميديا .. جيد ( كنت افضل ان يكون الكونسول DVD باللمس )
8- المقاعد ومساند الرأس .. فاخرة
9- التكييف .. جيد جدا ( علما بأنه لا يوجد خرج للمقاعد الخلفية ولكن الفتحات الامامية كافية للتوزيع لمساحة السيارة .. بشهادة الجالسين بالمقاعد الخلفية )
10- كونسول القيادة .. جيد جدا
11- استهلاك البنزين .. جيد جدا
12- الثبات .. جيد جدا ( طريق السخنة الغردقة .. تم الوصول الى سرعة 180 كم .. وكانت هذه اقصى سرعة للسيارة .. بمعنى الضغط الكامل على دواسة البنزين .. علما بأن اقصى سرعة للسيارة هى 220 كم .. وبالرجوع للتوكيل افادوا بأن هذه السرعة فعلا هى اقصى سرعة للأمان .. ولكن للوصول للسرعة 220 كم .. يوجد قطعة من الجلد اسفل دواسة البنزين يمكن نزعها .. ولكن على مسئوليتك )
13- اوبشن السيارة .. جيدة جدا ( وكنت اتمنى ان يكون هناك ماكينة الرفع للزجاج وايضا غلق الابواب أوتوماتيكيا عند تشغيل السيارة والعكس Center Lock .
14- بالنسبة لوضع التربو .. وهو زيادة السرعة بشكل لحظي لتخطي سيارة ما .. لم يكن واضح بالنسبة لي .. وبالرجوع للتوكيل .. افادوا بأن وضع التربو هو تحويل عصا الفتيس من الوضع الاوتوماتيك الى الوضع الرياضي ( اليدوي 6 سرعات ) وتحريك العصا الى الوضع السالب ( الاسفل ) .. وبصراحة لم يتم تجربة هذا الوضع حتى الان ؟؟؟

هذه وجهة نظري الشخصية .. اما بالنسبة للسيارات الأخرى .. الله اعلم

مع تحياتي

[Omar Sarray]

اشكر خبرك وموضعك الجميل وياريت لو فيه اسعار ومواصفات اكتر لوتقدر