المواطنون تصدو لمحاولة البلاك بلوك تعطيل مترو الانفاق

[Karim_Monir]

مواطنون يتصدون لمحاولة «بلاك بلوك» فرض «العصيان المدني» بخطي المترو


تصدى مواطنون لمحاولة عشرات الشباب، الذين يرتدون زي «بلاك بلوك»، قطع خطي المترو الأول والثاني في محطة مترو السادات، القريبة من ميدان التحرير بوسط القاهرة.



وتمكن «بلاك بلوك» مساء اليوم، الأحد، من قطع خط المترو الأول، الواصل بين محطتي حلوان والمرج، فيما توجهت مجموعة أخرى لقطع الخط الثاني الواصل بين محطتي شبرا الخيمة بمحافظة القليوبية والمنيب بالجيزة، مرددين هتافات « حرية وعدالة.. إخوان مفيهاش رجالة»، و«الله حي.. العصيان المدني جاي».

وافترش قاطعو الخطوط قضبان المترو في محاولة لوقف الحركة، لكن مجموعات من الأهالي تمكنت من التصدي لهم، ليتمكن سائقو القطارات من مواصلة طريقهم. فيما فشلت مجموعة أخرى في محاولة غلق شبابيك التذاكر.




عن بوابة الشروق

[Hondawy_2008]

لا حول ولا قوة الا بالله اللي عايز يعمل اضراب يعمل هو حر لكن يأثر على كل الناس التانية دة اللي مش حر فيه

[hossamalsadik]

هوا مينفعش أعبر عن راى بطريقه تانيه غير قطع الطريق ده جميع الديانات السماويه نهت عنه
فى الطريق المريض وذى الحاجه المفروض نعين الناس على قضاء حوائجهم مش نعطلهم لكن قطع الطريق بيضر الغلبان قبل الشبعان ربنا يهدى الأحوال

[mshaheen1]

قمة الغباء والتخلف ....

[sno7y]

حسبيى الله ونعم الوكيل فى كل واحد بيستهطر بحياه الناس

[hossam_elwani]

والله اغلب الشعب المصرى ماينفعش معاه الا القوه والحزم والعنف فى بعض الاحيان ... العصا لمن عصا فيييييييين الدوله والداخليه من المهزله دى المجمع يتقفل لعاشر مره النهارده والمترو والقر يتقطعو وعصيان مدنى بالاجبار ايه الفوضى دى .......... حيخلونا نترحم تانى على ايام حبيب العادلى حاجه بقت تتعب الاعصاب

[esam_ayad]

عايزين يعملو اضراب يبقي براحتهم ,يروحو يقعدو في ميدان التحرير بسلميه وبأمان
لكن انهم يضرو مصالح الناس اللي كل هدفهم انهم يوضلو شغلهم أو بيوتهم تبقي دي قلة أدب
وفعلا الناس اللي اتصدت لهم دول رجاااله بجد

[ahmedelfeky]

ايدي الخراب بتعبث بمصر والانتاج متأثر والدولار عمال ينط عايزين يجيبوا ضلفها حسبي الله ونعم الوكيل

[muslim_nsb]

انا من قنا لو فاكرين موضوع المحافظ المسيحي لما كان هناك شباب من قنا ومن خارجها قفلوا البلد وقطعوا السكه الحديد .
في يوم كنت مروح بيتنا ومعايا الوالد والوالده والمدام وابني لقيتهم قافلين مدخل بيودي الى البيت نزلت وقلتلهم افتحوا الطريق وكان اغلبهم اشكالهم غريبه من خارج المحافظه كان مش عاوزين يفتحوا الطريق رحت نبهت عليهم وقلت انا هاركب العربيه وهادوس اللي هايقف امامي وبالفعل ركبت العربيه ورحت دايس بنزين وعليت صوت العربيه ومتحرك بيها في الاول وقفوا قدام العربيه وانا اتحركت راحوا زي الكلاب فتحوا الطريق ورحت البيت .
وده اللي لازم كل واحد فينا يعمله لا يستسلم للكلاب مثل هؤلاء الذين يضرون بمصالح الآخرين

[GABER222]

رجالة مصر خير اجناد الارض لابد يتصدو للبلتجيه

[tutankhamoun]

أين الجيش و الشرطة من التعامل مع البلطجة دي ؟؟؟؟؟؟؟؟؟؟؟؟؟؟؟

أي حد يغطي وشه و يطلع يثير الفتن في الشارع و المشاكل يجب اعتقاله فورا .

الطبطبة ما تنفعش معانا و الله العظيم .

[فني دهان سيارت]

حسبي الله ونعم الوكيل في كل من يسعي في الارض فســـــــــــــــــــــــــــااادا