فتح ميدان التحرير مروريا وازالة كافة الاشغالات

[Karim_Monir]

انتظمت حركة المرور اليوم في ميدان التحرير بعد ان قامت قوات الأمن بإعادة فتح الميدان
وإزالة كافة الكتل الخرسانية والحواجز الحديدية التى وضعها المتظاهرون على جميع مداخل الميدان


وكانت قوات الأمن المركزى قد دفعت فجر اليوم بالعشرات من جنودها بكافة معداتهم إلى ميدان التحرير لإزالة الحواجز والكتل الخرسانية واعادة فتح الميدان أمام السيارات والمارة حيث تمركزت سيارتين من مصفحات الأمن المركزي ناحية ميدان عبد المنعم رياض واخري أعلى كوبرى أكتوبر وثالثة ناحية كوبرى قصر النيل.

وتمكنت قوات الأمن من فتح الميدان إلا أنها لم تقم بازالة خيام المعتصمين من منتصف ميدان التحرير كما القت قوات الأمن القبض على عدد من مثيرى الشغب المتواجدين فى منتصف الميدان.

عن صدي البلد

[ehab_mansour]

احسن ... نتمني ذلك لأنها بوخت قوي

[akmm]

عقبال ربنا ما يفتحها على مصر بالأمن والخير ... ان شاء الله .

[Mohamed.Fawzy]

خبر جميل ... و هيعمل سيوله فى حركه المرور بوسط البلد .... عقبال ما الداخليه تشيل الحواجز اللى هيا كمان عملاها عند شارع نوبار

[egman]

خير خير حلو اوى الشغل ده ، عقبال ما يضربوا كل الى فى الصينية دول بالنار او يرموهم بقنابل حارقة ويرحمونا من شرهم الى بيسموا نفسوا ثوار وهما اقل ما يقال عليهم بعد الفرجه على المناظر (مجرمين) موجود هناك جميع التخصصات فى الصيينة ده جميع تخصصات الاجرام .

[ecybrarian]

ربنا يخلي لنا الحاج كيري..احنا مش بنضف غير لما يجي لنا ضيوف

[hugan]

[QUOTE=egman;3874844799]خير خير حلو اوى الشغل ده ، عقبال ما يضربوا كل الى فى الصينية دول بالنار او يرموهم بقنابل حارقة ويرحمونا من شرهم الى بيسموا نفسوا ثوار وهما اقل ما يقال عليهم بعد الفرجه على المناظر (مجرمين) موجود هناك جميع التخصصات فى الصيينة ده جميع تخصصات الاجرام .[/QUOTE
ازاي الكلام ده
طب نصدق انهم بلطجيه ومسجلين
ولا نصدق الست لميس
والحاج وائل البقراشي

[ecybrarian]

على فكرة...الميدان اتقفل تاني

[egman]

انا الحمد لله والشكر لله بطلت اتفرج على الاعلام الكاذب بتاع الحاحات الى فوق الى حضرتك ذكرت اسمائهم دول ، دول كل الغرض من الى بيعملوه ان الناس تفضل خايفة ان الناس تفضل مرعوبة بيوصلوا الناس فى البيوت انهم بكرة مش هيلاقوا اكلهم وهيناموا فى الشارع هو ده الى عايزين يعملوة وهو ده الاعلام والى يحب يعرف الحقيقة كويس يدور فى بحر الانترنت على حقيقية الاعلام وانا طبعا بعزر كل الحاجات الى حضرتك ذكرت اسمائهم بالاعلى دول لان المقابل المادي يلوح ويغري لكن فقط لذوي النفوس الضعيفه فقط ...........

[mesaharaty]

الميدان مقفول النهاردة
أنا معدى الساعة 8 الصبح وما شاء الله مغلق من كل اتجاه وعليك أن تدخل السيرك والمعمعة علشان تعرف تخلص نفسك من المنطقة دى وتطلع منها .
وكمان قافلينه بعربية محروقة سادين بيها مدخل فى الميدان .
كم أنا حزين