مفاجأة من العيار الثقيل : غبور يوفر نظام الحماية المتطور asp لسيارت هيونداي

[AshTurbo]

- النظام متوافر فقط لسيارات هيونداي المزودة بالأنذار الأصلي .

- أهم ميزة في النظام ده هي أنه بيقطع دائرة الكهرباء الخاصة بأدارة المحرك عند حالة سرقة السيارة .

- ميزة مهمة وهي وجود لاقط للحركة يعني أي كسر أو خبط في العربية الأنذار يشتغل تلقائي ودي مكانتش موجودة في النظام القديم .

جاري الأستعلام عن سعر تركيب النظام الجديد .

[AshTurbo]

السعر 300 جنيه شامل الضرائب وتم التأكيد على أن انذار سيارة هيونداي ألنترا 2012 هو الإنذار الأصلي ولم يتم أجراء أي تعديل عليها في مصر .

[devil_storm]

شكرا على المعلومة بس انا مش فاهم ايه هو النظام ده!!!
برجاء توضيح اكتر النظام ده عبارة عن ايه و حيفيد اللى حيركبة فى ايه؟؟

[AshTurbo]

مميزات النظام مكتوبة فوق ياديفل في الصورة .

- صوت أعلى .
- أضاءة أعلى .
- سينسور حركة وأهتزاز .
- فصل دائرة الكهرباء .

[nagy wassef]

طب ممكن يا رجالة حد يوضح الفرق بينه و بين الايمبوليزر ولا الاتنين واحد ولا ايه

[DEVILRIDER]

كنت لسه هعمل الموضوع لقيتك سبقتنى :) رايي انه كويس جدا و نركبه و فيه ان غبور مش هيصدعنا بالضمان

[verna2008auto]

حد يعرف هل ينفع للساحرة ( فيرنا ) وخصوصا موديل عربيتي 2008

[dozo]

لو النظام ده فعال لانى معرفوش . كده يبقى غبور اخد اول خطوه فى الاتجاه الصحيح و تطمين العملاء لان فعلا ابتدت سرقه الالنترا تزيد

[toty_305]

-أنا شايف أنه مجرد جهاز انذار أكثر تطور شبه الحاجات النظيفه في السوق مش أكتر

[DEVILRIDER]

بس يا ترى هيلغي الانذار اللي في العربية الاساسي ولا لأ لإن اللي في العربية كويس بس مش بيشتغل غير لما تفتح بامفتاح فـيا ريت حد لو فاهم طريقة عمله يرود عالسؤال ده و هو أصلا في نفس الميزة اللي في الأساسي وحاجات زيادة ولا مفيهوش الميزة دي ويعني آه حالات السرقة دي مشتملة على إيه يعني

[DEVILRIDER]

-أنا شايف أنه مجرد جهاز انذار أكثر تطور شبه الحاجات النظيفه في السوق مش أكتر

ماهو فيه زيه في السوء بس الميزة إنه مش هيقول على الضمان حاجة وفيه أحسن منه كمان

[toty_305]

-أصل مكتوب نظام حمايه متطور asp و كلام كبير

[dramir1]

ينفع على ال rb 2011 HIGH LINE???

[NaderNabil]

كام سؤال معلش بخصوص الموضوع ده:

1- إيه إختصار asp؟
2- هل نفس النظام يركب في جميع سيارات هيونداي بإستخدام نفس القطع؟
3-هل النظام ده جاي من الشركة نفسها في كوريا و قطعه كلها أصلية؟

[start_wow]

متااابع..بس معني كده انه ما ينفعش للموديلات 2006 ؟