اليوم افتتاح محور سعد الشاذلى وتوسعة جوزيف تيتو

[Samah AbdAllah]

اليوم افتتاح محور سعد الشاذلى وتوسعة جوزيف تيتو




يفتتح الرئيس مرسي والفريق أول السيسي اليوم محور الفريق سعد الشاذلي
الذي يربط الطريق الدائري بطريق القاهرة الإسماعيلية الصحراوي
بطول 5 كم وبعرض 3 حارات مرورية في كل اتجاه
والذي يقضي نهائيا علي الاختناق المروري في المسافة من سوق العبور وحتى كوبري الحرفيين
وقد تم مراعاة ان يكون الطريق حرا فى تصميم المحور
الذي استغرق بناؤه ثلاثة أشهر فقط
خاليا من التقاطعات السطحية وذلك من خلال إنشاء كوبري الفريق سعد الشاذلى
بطول 1107 متر وعرض 13.9متر
لنقل الحركة المرورية من والي المحور
اعلي خط سكة حديد القاهرة السويس دون المرور بالمزلقان
وإقامة نفق أسفل الطريق الدائري بطول 65 متر وعرض 27 متر وبارتفاع 6.5 متر .

و قام الرئيس بافتتاح أعمال التوسعة والتطوير لطريق جوزيف تيتو
في المنطقة المحصورة من كوبري الحرفيين حتى الطريق الدائري
ليتكامل مع محور الفريق الشاذلي لمنع الازدحام المروري حتى الكلية الحربية
حيث تم نقل شبكات المرافق وتوسعة الطريق ليصبح بعرض 25 متر
وتم تقسيم الطريق لاتجاهين وإنشاء الدورانات وحارات التباطؤ والتسارع
وعمل تخطيط سطحي للطريق بطول 8 كم
وإقامة الأسوار والحواجز الخراسانية وأعمدة الإنارة لتحقيق متطلبات الأمن علي الطريق .

[dr.hazem]

ما شاء الله

يارب يبارك فيهم ويكتر من مجهوداتهم وافتتاحاتهم

تحياتي

[egyption2012]

شكرا للرئاسة والحكومة

[besso]

طب ما احنا كويسين اهو و بنعرف نفكر
اومال العطله كانت فين بس

[horas3000]

اخيراااااااا
و يا ريت لو حد استخدمه بالفعل ياكد لاني بقالي كام بوم مبروحش الشغل و عايز اتاكد

شكرا للرئاسة والحكومة

الاوقع ان حضرتك تشكر للقوات المسلحه
هي اللي تكفلت بعمل الطريق ده

[Sh_sunsea]

كان فيه فيديو احد الاخوة حطه من فترة بيوضح مشاريع ومحاور الجيش الجديدة - لو حد يتذكر اسم الموضوع ياريت يفيدني بيه

[Habd]

انا استخدمته رااااائع بكل المقاييس 3 دقايق من مطلع الكوبرى ع طريق الاسماعلية الصحراوى لحد النفق عالدايرى الطريق حلو بس تحسه لسه فاضى يمكن عشان ما اتعرفش لسه او الناس ماجزة و الحركة قليلة

[K.LOTFY]

الطريق رااااائع فى خلال 3 دقايق من طريق الاسماعيليه بتبقى على الدائري بس هو عيبه فى ملفات خطره لازم يكون الواحد سواقته هاديه عليه وربنا يبعد عنه بتوع الميكروباصات لأنى واثق انهم حيعملوا كوارث عليه

[speed_magnum]

مش دا الطريق الدائري اللي بيوصل بين الدائري ومدينة العبور ؟؟؟

[sherif222]

الله عليك يا جيش مصر

[A. Ibrahim]

هو شكرا للقوات المسلحه اللي عملته بمجهدها و فلوسها في تلات شهور
مش الدائري اللي بقلهم في سبع سنين مش عرفين يخلصوا شوية فواصل

[horas3000]

اخدته النهارده و انا رايح العبور
و ان شاء الله هرجع منه

الطريق رااااائع و معمول بنظافه كعادة طرق الجيش
و اليفط كبيرة و واضحه و بتراعي المسافات كويس جدا
بس كنت اتمني منع النقل التقيل من استخدامه لانه هيتهلك منهم
و اهو نستريح منهم شويه

الغريب ان كان في لجنه اوله تحت كوبري الحرفيين
معرفش كانوا بيعملوا ايه بالظبط بس كانوا موقفين الدنيا و عاملين زحمة علي الفاضي

شكرا للقوات المسلحه و كل القائمين علي المشروع ده

[al_manara]

بكون مبسوط جدا من طرق الجيش .
ياريتهم يمسكوا طرق البلد كلها .

جربت جوزيف تيتو . فين ايام زمان اما الواحد كان بيتفحت فية .

[S O P H O S]

بصراحة طريق ممتاز ..

[horas3000]

اخدته في طريق العوده لمدينه نصر
و كان زحمة شويتين لانهم قافلين مدخل طريق الاسماعليه من مخرج العبور فناس كتير متعرفش خدته اجباري
و زي ما قلت طريق رائع و حل ازمه كبييييره

و في النهايه احب اقول
الوداع يا موقف العاشر