سعر اسكودا a7 الشكل الجديد من ارتوك اوتو

[amgomaa]

انا كنت شفت اعلان الاوكتافيا الجديده اللى كان نازل فى الاهرام وبما انى بحب سكودا جدا قلت اتصل اسئل على الرقم المختصر وكان الرد كلم المعرض طبعا طنشت المهم كلمونى النهارده من التوكيل سعر الفئه الاولى من 220 الف ل 230 الف والتسليم شهر 9 والفئه التانيه 270 ل 280 الف والتسليم شهر 9 وطبعا الفرق ده علشان يبقوا عملين حساب ارتفاع الدولار ومش فاكر دفعة الحجز كام بس العربيه على حسب كلامهم مفيش منها مانوال الفئتين اتوماتيك dsg سالته طيب مفهوش مشاكل الرد لا العربيه الفانتازيا بقالها كام شهر بنفس الفتيس ومفيش منها مشاكل يالا مين اول واحد هيحجز؟؟؟

[M I D O]

غالية اووووووووووووووي

[Ahmed_Adham]

كده يادوب قوي وبكره على ما ييجي وقت التسليم تقفل 300 ألف. وبخصوص ال dsg هوه مستحيل يقول انه فيه مشكله.

[برنس الليالي]

غالية اووووووووووووووي

والفانتازية القديمة مكنتش غالية ؟ والنيو سيراتو اللي الفانوس بتاعها وصل للـ6200 جنيه بالرغم انها كوري والمفروض تكون اقتصادية مش غالية ؟

لا يا فندم العربية سعرها لائق مع جودتها وفخامتها وتجهيزاتها

[elkadry]

ربع مليووووووووووون و اكثــــــــر اعتقد المفروض العربيات سعرها يقل عن كدا اه العربية تمام و تستاهل بس الربع مليون دي لو في اي بلد غير بلدنا كان الواحد راكب بي ام ابن ناس

[2CODE]

والغريب هتلاقي ناس بتشتريها !!!!!!!!!!!!!!!!!!!!!!!!!!!!!!!!!!!!!!

[ahmedalaahosny]

تحفة ومش خسارة فيها مش احسن من الكورى اللى عامل شبه ورق الكلينكس مع احترامى بس فعلا الكورى اسعاره اليومين دول ناااار

[dr_ahmed80]

ماشى سعرها غالى جدا عليها .... بس العربيات دى مشاكلها كتييييييييييييييييييييير
لا فى اعتمادية و لا اقتصادية فى التشغيل و اتفرج على الفتيس ده بعد ال 60 الف كم
بس معلش يا برنس الليالى هوة فعلا فانوس السيراتو الجديدة ب 6200؟؟؟؟؟؟؟؟
رايحة بينا على فين يا مصر

[eleanor]

السعر طبعا مبالغ فيه هى المفروض كامله تكون ب 240 مش اكتر

[S O P H O S]

السعر مرتفع فعلا !

[برنس الليالي]

تحفة ومش خسارة فيها مش احسن من الكورى اللى عامل شبه ورق الكلينكس مع احترامى بس فعلا الكورى اسعاره اليومين دول ناااار

آه والله عندك حق

ماشى سعرها غالى جدا عليها .... بس العربيات دى مشاكلها كتييييييييييييييييييييير
لا فى اعتمادية و لا اقتصادية فى التشغيل و اتفرج على الفتيس ده بعد ال 60 الف كم
بس معلش يا برنس الليالى هوة فعلا فانوس السيراتو الجديدة ب 6200؟؟؟؟؟؟؟؟
رايحة بينا على فين يا مصر

كله حسب استخدامك وحفظك للفتيس ...
-مفيش حاجة اسمها اقتصادية ... زمان الاقتصادية دي كانت ناتجة عن العربيات الكوري ودا كان زمان
حضرتك ممكن تكلم توكيل كيا حالاً ... فانوس النيو سيراتو الامامي ليدات بـ6170 جنيه + الضريبة
يعني خلاص عليه العوض معدش في حاجة اسمها "هات كوري عشان اقتصاديته" وانا شايف اننا نتجه للاوروبي عشان جودته افرص من الكوري

السعر طبعا مبالغ فيه هى المفروض كامله تكون ب 240 مش اكتر

السعر مرتفع فعلا !

مرتفع ليه ؟؟
اتشطرو على السبورتاج اللي بـ240 الف والكارينز اللي بـ220 الف والـix35 اللي عدت الـ230 الف واديكو اخدتو فكرة اسعار قطع الكوري بقت عاملة إزاي

[Elkordy2000]

غاليه جدا طبعا ..بس طول ما فيه xxx اللي بيشتري الاسعار هتفضل في الطالع .., احنا شعب طيب

[Omar_H]

غالية جدا طبعا ... يعني أنا بالعقل كده اسيب الباسات ليه واجيب اوكتافيا لما يبقوا ال 2 بنفس السعر !!!!
و الباسات فئة اكبر و فولكس هي الاصل أساسا !! و كده كده ال 2 بقوا dsg

[besso]

الكورى خلاص راحت عليه لان اسعاره عدت مستواه اصلا لكن العيب في المستهلك
طب ما اروح للاوروبى ماهما الاصل والعربيه فيها كل حاجه والاسعار متقاربه جدا من اسعار الكورى
ده غير عوامل الامان والانظمه الحديثه من abs & esp & tc ........الخ
ده غير الاعتماديه والاداء والبرستيج العالى والفخامه

[romioromio]

بعيدا عن السياره التي لا غبار عليها
وبعد شكر صاحب الموضوع علي موضوعه

مستغرب جدا من عقليات بعض الناس اللي بتدافع بشكل غريب ومريب عن ارتفاع اسعار السيارات في مصر
ويقلك اشمعني الكوري وغيره يبقي الاوروبي يستاهل

طب هو من الاساس ايه اللي يخلي ده يزيد عشان ده يزيد


بالامانه اصحاب التوكيلات والنصابين والحراميه ملهمش اي ملامه يرفعوا الاسعار ويرفعوا الناس كمان
طول ما في شوية مضحوك عليهم بيبرروا كل شئ
لا واللي يغيظ اكتر ان لو العربيه بمليون جنيه
حتلاقي اللي يشتريها برده ويقلك تستاهل
والاخر نقول منك لله يا حكومه

شوفوا اسعار العربيات في بلادها عامله ازاي
وفي مصر عامله ازاي

واخيرا ابشرا
لسه بدري علينا اوي

اللي عايز يرد براحته