"شاشات ذكية" على مطالع الكبارى ورخصة مميزة للملتزمين مرورياً

[Elawany13]

المرور:"شاشات ذكية" على مطالع الكبارى .. و"sms" لإبعاد السيارات عن الطرق المزدحمة ورخصة مميزة لاى شخص لم يرتكب أى مخالفة

اللواء حسن البرديسى مدير مرور القاهرة

محمد صبري و مصطفي رماح
أكد اللواء حسن البرديسى مدير مرور القاهرة -خلال مؤتمر صحفى عقد منذ قليل باتحاد الشرطة الرياضى بالدراسة لمناقشة وإعلان حلول فعلية لمشكلة المرور على مستوى الجمهورية -أنه تم اعتماد 320 مليون جنيه تم ايداعهم ببنك الاستثمار الدولى لصالح مرور القاهرة للبدء فى تطوير وإصلاح العلامات وكاميرات وإشارات المرور وتزويدها فى الشوارع والميادين والكبارى الهامة.

وأضاف البرديسى -فى كلمته بالمؤتمر بحضور اللواءين مدحت قريطم مدير المرور المركزى و سعيد طعيمه مدير مرور الجيزة -أن هناك حملة توعية كبيرة لطلاب الجامعات والمدارس قائدى السيارات والسرفيس لارشادهم بقواعد المرور ، والعمل على خلق جيل جديد من الطلاب على وعى كامل بقواعد المرور للقضاء على السلوك الفوضوى.

واشار البرديسى إلى أنه سيتم البدء فى وضع " شاشات ذكية " يتم تعليقها على مطالع الكبارى الهامة متصلة بال GPS" " لارشاد قائدى السيارات عن الطرق البديلة للمزدحمة ، كما ستكون هناك خدمة جديدة لرسائل ال "sms" داخل غرفة عمليات المرور لارشاد سائقى السيارات عن الطرق التى لايوجد بها كثافات .

واوضح مدير مرور القاهرة أنه سيتم تخصيص شباك خاص فى كل وحده مرور على مستوى القاهرة للخدمه المميزة لاى شخص لم يرتكب أى مخالفه مرورية ، وسيكون له معامله خاصة ولون مميز لرخصة قيادته ، وذلك لتشجيع قائدى السيارات على الالتزام بعدم ارتكاب مخالفات .

وقال البرديسي إننا نبذل جهودا مع المحليات لتخصيص اماكن بديله لحل مشكلة الباعه الجائلين الذين احتلوا الطرق و الارصفه ، كما أن هناك حملات مكثفة على الدرجات البخاريه التى تسير بدون لوحات معدنيه والتى يرتكب بها جرائم عده ، وتم التفاوض مع وزارة الاسكان ومحافظة القاهرة لتخصيص قطعتي أرض فضاء لوضع تلك "الموتسيكلات " بها.

وأشار إلى أنه أصدر تعليمات مشددة لضباط المرور لمنع سير سيارات النقل نهارا ، وتم تحصيص ميعاد لسيرها من الساعه 11 مساء وحتى الساعه 6 صباحا لتجنب حوادث الطرق التى تكون هى الفاعل الرئيسى لها.

[amro0000]

ياريت الكلام دا يطبق علي الواقع والحقيقي مع الاسف كلالالالالالالالالام رائع جدا جدا ومستحيل يطبق

[amr011111]

320 مليون جنيه
انا بالفلوس ديه احل المشلكه كلها من اولها لاخرها

بس ازاى حد معملش مخالفه مروريه خالص
خاصة ان المخالفات بتتحط عميانى

[aliabdo]

الحمد لله بقالى 12 سنه بسوق معملتش مخالفه واحد ربنا يديمها عليها نعمه :d

[gebreel]

و موضوع النقل ده هيعجب بتوع النقل ولا يبلطجوا شوية و الحكومة تجيب ورا؟؟

و موضوع النقل ده هيبقى على كل الطرق دائري و صحراوي الخ ولا جوة البلد بس

و طالما عارفين ان بتوع النقل دول هما سبب الحوادث مبيتعملهمش اختبارات مفاجئة ليه؟

[elgranaor_7784]

يارب امتى بقى التنفيد يكون بكل حزم

[akmm]

ياريت يكون الكلام ده فعلى ... خاصه سيارات النقل الثقيل .

[EngAhmedSayed]

بيقولك
هيكون فى شباك خاص للمميزين فى كل وحدة

عارفين انى الزحمة لينا عقاب
يبقو هما كدة بيعقبونا و هما عارفين الكلام دة

منهم لله

ربنا يهدى

[bassemali]

بيقولك
هيكون فى شباك خاص للمميزين فى كل وحدة

عارفين انى الزحمة لينا عقاب
يبقو هما كدة بيعقبونا و هما عارفين الكلام دة

منهم لله

ربنا يهدى

هههههههههههههههههههههههههههه ... أه والله .

[AhMeD MeTwAlY]

اشمعني القاهره الي هيخدو رخص مميزه بس ما انا طول حياتي معملتش مخالفه !! ولي احنا ولاد الغساله

[amr011111]

اشمعني القاهره الي هيخدو رخص مميزه بس ما انا طول حياتي معملتش مخالفه !! ولي احنا ولاد الغساله

طالما فيه زعل من اولها متزعلش ده كلام وخلاص وبلدنا مش هتزعل محافظات من محافظات

الله يرحم كانوا صرفوا فلوس لتطوير المرور بميدان الجيزة ويقولك بعد التطوير العربيات مش هتاخد 4 ثوانى للمرور منه
وبصراحه يعنى بدل ما يقول 4 ثوانى كان يقول 4 دقايق تبقى حتى محبوكه شويه
وفعلا بعد التطوير بناخد ساعه

[Ahmed Amin]

الراجل دا محترم, ومن الناس اللي بحس أنها عايزة تشتغل وتعمل حاجة كويسة فعلاً,
ربنا يعينه ويصلح حال مصر للأحسن.

[sherifgd]

أول ناس حا يكون معاها الرخص المميزه الضباط و عائلاتهم و المحاسيب

[Elawany13]

أول ناس حا يكون معاها الرخص المميزه الضباط و عائلاتهم و المحاسيب

ههههههههههههههههههههه
معاك حق

[S O P H O S]

لو الطرق اصبحت سهلة يبقي كل فرد ممكن يفكر
وده مش مطلوب
اهم شئ نشغل بلنا بالزحمة فننسي الكثير
رأي شخصي