حصريا على نايل موتورز اسعار وموصفات تويوتا ياريس الجديده كليا

[احمدعبدالعزيز]

كتب : احمد عبد العزيز

اعلنت تويوتا ايجبت عن انضمام صغيرتها الجديده كليا ياريس 2014 التى تم تغيرها تماما من الخارج ومن الداخل فالخطوط الخارجيه للسيارة اصبحت اكثر انسيابية وسلسة لمقامة احتكاك الهواء وبالتالى المزيد لتوفير الوقود كما اصبحت اكثر طولا عن الموديلات السابقة ومن الداخل اضافة تويوتا تعديلات على الصالون بحيث اصبح اكثر اتساعا ورحابة .

اما بالنسبة للمحرك تم تصميم ياريس الجديده كليا من طراز DOHC اربعة سلندر بسعة 1300 سى سى وتبلغ اقصى قدرة للمحرك 84 حصان عند 6000 لفة بالدقيقة كما يبلغ عزم الدوران 121 نيوتن / متر لكل 4400 دورة . اما نظام التعليق فيعمل بنظام ماكفرسون للتعليق الامامى ونظام قضبان اللى للتعليق الخلفى لتكون السيارة اكثر ثبات على الطريق ...

بالنسبة للاسعار جاءت السيارة فى اربع موديلات منها اثنان مانيوال و اثنان اوتوماتيك ويبداء سعر المانيوال من 132 الف الى 140 الف جنية والفئة الثانية اوتوماتيك تبداء من 140 الف الى 165 الف واخير السيارة تم تجمعها فى مصنع تويوتا فى تايلاند ..

[ahmed sa3ed]

اة الاسعار دى فى ايه حسبى الله ونعم الوكيل

[AboBassem]

اعتقد ان الاسعار مبالغ فيها وكان المفروض تكون اقل من كده لانها قربت جدا من سعر الكرولا

[Silent~Dream]

حاسس سعرها مبالغ فيه شويتين تلاته و موتورها تعبان شويه بالنسبه ل 2014

[احمدعبدالعزيز]

لو 1500 سى سى كان السعر يبقى معقول

[M I D O]

ازاي محرك 1300 سي سي علي العربية دي ؟؟ علي كدة معا التكييف هتبقي بطة بلدي لسة متزغطة

[temokemo]

غالية جدااااااااا علي 1300

[A.Roushdy]

اية يا خوانا هو احنا كفرة
ادفع 165 الف جنية في عربية 1300 سي سي 84 حصان !!!!
ماهو لو عليها تربو والحصان اعلي كنا قلنا ماشي لكن بالسعر دة ، كدة غباء مسكوفي بصراحة من الوكيل
مبقاش في مصر عربية واحدة توحد ربنا قيمتها السعرية متناسبة مع امكانيات العربية اللي بتاخدها

[bassemali]

سعر سيء جدا على مواصفات العربيه السيئه دي ...

[blazer]

ايه الهبل د!
دى اغلى من السيراتو الجديده و الشارك و البوما و قربه من تمن الفلونس و الكروز و الامبريزا

[rednemo]

يا جماعة الفئة اللى ب ١٦٤٠٠٠ دى ١٥٠٠ سى سى جميع الكماليات مش ١٣٠٠

[mo3tazanas]

يعنى هيا الكيا ريو الذقردة دى هى اللى عجباكوا ماتشوفوا اسعار العربيات التانية اية ؟على الاقل اسمها تويوتا

[احمدعبدالعزيز]

يا جماعة الفئة اللى ب ١٦٤٠٠٠ دى ١٥٠٠ سى سى جميع الكماليات مش ١٣٠٠

لا يا فندم العربيه 1300 مش 1500 انا اتصلت بالتوكيل وسألتهم

[ahmzd]

هذه الأسعار مبالغ فيها جدا من وجهة نظري!
توكيلات السيارات اليابانية في مصر أصبحت تعتمد على أسماء الماركات فقط، لا على المواصفات والإمكانيات.. أنا لن أقارن السيارات اليابانية بالكورية ( ليس تقليلا من شأنها ) ولكني سأقارنها بالأوروبية.. هل - وبغض النظر عن موضوع الفتيس ال dsg - أترك السيات ليون وأشتري النيسان التيدا؟! أم هل أترك الفلوينس وأشتري الياريس؟! ولقد تعمدت هنا أن:
1. أتحدث عن وجهة نظري الشخصية.
2. أقارن بين سيارات في فئة سعرية واحدة.

[S O P H O S]

مشكوررر
وراي ان المشكلة مش فالسعر
المشكلة ان الناس كانت منتظرة محرك غير ده واقوي