حصريا لنايل موتورز : تقرير بالصور عن الالنترا 2014 من داخل التوكيل

[Samir Elshahawy]

الأخوة و الاخوات الكرام / مالكي و محبي سيارات هيونداي

أسعد الله مسائكم بكل الخير ...

بالامس علمت خلال أتصال تليفوني بتوكيل هيونداي - العبور بوصول الالنترا MD الفيس ليفت و علي الفور تم الاتفاق علي تصويرها و أعداد تقرير حصري لنايل موتورز عنها

و بالاتفاق مع الاستاذ / أحمد أبوزيد (المنسق المساعد لقسم هيونداي - نايل موتورز) و المسئول عن العلاقات مع التوكيل تم عمل الترتيبات اللازمة لتلك الزيارة الهامة التي تمت اليوم الخميس لتوكيل العبور

في تمام الساعة الواحدة ظهرا توجهت الي توكيل هيونداي - العبور بطريق القاهرة الاسماعيلية حيث كان الاستاذ / محمود أبو العلا من المبيعات في أنتظاري , كما كانت الألنترا MD الجديدة أيضا في أنتظار كاميرا نايل موتورز

______________________________________

في البداية بدأت بجولة حول السيارة لتفحصها من الخارج قبل بدء التصوير كما تحدثت مع الاستاذ / محمود أبو العلا لمعرفة المعلومات الفنية و الاسعار و الاخبار عن سيارة هيونداي

الألنترا MD - 2014

السيارة الوحيدة الموجودة بالتوكيل هي ألنترا MD 2014 بيضاء اللون أول فئة أوتوماتيك و هي للعرض فقط

______________________________________

(1).. الشكل الامامي

بداية لم ألحظ أي تغيير جوهري في الشكل عن الشكل السابق سوي مصابيح الضباب الامامية التي تشبه الي حد كبير مصابيح ضباب الالنترا الكوبيه

___________________________

(2).. المصابيح الامامية

تم تعديلها في الشكل و النوعية التي أصبحت أفضل من الشكل السابق لعام 2012 و التي كانت تظهر بها بعض التشققات بعد فترة

_________________________________

(3).. الشكل الخلفي للألنترا

التغيير الملحوظ في الالنترا MD لموديل 2014 هو شكل الفوانيس و العواكس الخلفية التي تم رفعها قليلا و تعديل شكلها بالاضافة الي أن المصباح الخلفي أصبح مضاء بالكامل

التغيير طفيف جدا في شكل المصباح الخلفي و لايكاد يميزه ألا عاشقي الالنترا MD

_____________________________

و الان ندخل الي الألنترا MD - موديل 2014 من الداخل لنشاهد علي الطبيعة أهم التعديلات في الصالون و التابلوه

(1).. الكونسول الامامي الاوسط

1. تم تغيير اماكن فتحات التكييف لترتفع و تصبح علي جانبي الكاسيت و الشاشة الامامية

2. تغيير الكاسيت ليصبح نفس النوعية الموجودة بالالنترا الجي دي أي

3. تغيير شكل لوحة التحكم بالتكييف

4. تغيير شكل عصا ناقل السرعات و تزويدها بغطاء من الجلد

لوحة التحكم الجديدة في التكييف مع الاحتفاظ بنفس الخصائص في الموديل السابق

الصالون كما هو بنفس أتساعه و نفس خاماته

لوحة التحكم الموجودة بباب السائق و فيها فقط تم زيادة مفتاح فتح و غلق المرايات الجانبية

___________________________________

حقيقة هذا هو شعوري بعد أن شاهدت الالنترا MD

التعديلات التي حدثت بالألنترا MD ليست هي التي قرأت عنها لموديل 2014 حيث أن أبعاد السيارة كما هي بينما في التعديل الجديد تمت أطالة السيارة بمقدار 22 مم كما و هي تقريبا نفس التعديلات التي طرأت علي الالنترا عام 2013 في مصنع هيونداي بالصين و بالتالي فلم يأت غبور بجديد كعادته و خيب ظننا

___________________________________

و الوقت بقي نيجي للمهم ....

السيارة التي شاهدناها هي

ألالنترا MD - أول فئة أوتوماتيك

بدون AIR BAGS

بدون ABS

فقط تمت أضافة أيموبيلايزر

و السعر : 150900 جنيه

--------------------------------------

الفئة الثانية ستزيد فقط عن هذه الفئة بفتحة سقف

و بسعر : 153900 جنيه

__________________________________

أول دفعة سيتم تسليمها من الفئتين في منتصف مارس 2014

كما من المقرر أن نشاهد الالنترا MD - موديل 2014 بتعديلاتها الجديدة الكاملة

FULLY LOADED

في معرض أوتوماك القادم و لا معلومات عنها أو عن سعرها

___________________________________

أنتهي تقريرنا عن الانترا MD - موديل 2014

من داخل توكيل هيونداي - العبور

و التعليق لكم ...

[M I D O]

موضوع ممتاز يا باشا بس مواصفات الامان ضعيفة و كمان السعر اوفر

[eltanamly]

مفتاح فتح و غلق المرايات الجانبية موجود فال-2013 كمان مش جديد

[J A G U A R]

يعتبر مغيرتش حاجه عن الموديل القديم .. على العموم مشكووور.

[mohamed hussei]

عربية فاشلة اشتري عربية ب 170 الف ومفيش وسائل امان لية

[YahiaAshraf]

الله ينور يا باشا مميز كالعادة

[ahmzd]

بصراحة العربيات الكوري زودتها أوي.. طيب ما الواحد يشتري أوروبي بقه وللا حتى ياباني بدل هبل الأسعار ده!
وبعدين وسائل الأمان دلوقتي مابقيتش كماليات، بقت أساسيات!

[sherif222]

من روائع هيونداى

[Diezel]

شكرا على المجهود والصور ... تسلم ايدك

[raedegypt]

اسعار الخليجى كام ؟؟ وكم فئه منه؟؟ للشكل الجديد

[akmm]

مجهود جميل .................. وفعلا السعر غالى ياغالى ..................

[raedegypt]

بصراحة العربيات الكوري زودتها أوي.. طيب ما الواحد يشتري أوروبي بقه وللا حتى ياباني بدل هبل الأسعار ده!
وبعدين وسائل الأمان دلوقتي مابقيتش كماليات، بقت أساسيات!

الاروبى يرخص لك العربيه ويشغلك بكمبيوتر الدروشه ( صيانه 5000 ك -شيك على الموتور - شوف الحرارة - شيك على التبريد - ضغط الزيت -شيك على الجير - شيك على الكهرباء ) ها طنش كويس كمان شويه يطفى لك العربيه حلو .. الاسطى بليه وحمامه وكفته ياريت مش ها يعرفوا فيها هاتروح للتوكيل وكمبيوتر فحص ولعب وقطع من عندة هاتروح برة تركب مقلد الكمبيوتر يقولك شيك عليها ها ياخد منك فوق ثمنها اضعاف الارقام دة .. وفوق كل دة الاروبى بيسخن مع حر مصر والزحمه فى السرعه البطيئه ووجهه السيارة فى شكمان ال امامك تخنق العربيه والتكييف بيضيع منك وشكرآ

[م.أحمد الدسوقي]

انا ركبت السيارة دي وكنت جنب واحد شد بيها عالبحر وكان بيحرق لما قبل الرييد زوون

شمنا منها ريحه شياط بعدها قولت التفت لتقييم العربيه

المساند اللي علي الابواب بلاستيك درجه تالته وبتتفعص في الايد

اتزان العربية ضئييييل جدا

والله حرام الكوري وغبور الاتنين وكمان الضرايب والشوارع البيظه والله حراااااااااااااام

لايوجد عوامل امان وكمان بتبدأ من 150 الف

انا اشتري مرسيدس مستعمل ونضيف بالرقم ده اهون عليا

[raedegypt]

انا ركبت السيارة دي وكنت جنب واحد شد بيها عالبحر وكان بيحرق لما قبل الرييد زوون

شمنا منها ريحه شياط بعدها قولت التفت لتقييم العربيه

المساند اللي علي الابواب بلاستيك درجه تالته وبتتفعص في الايد

اتزان العربية ضئييييل جدا

والله حرام الكوري وغبور الاتنين وكمان الضرايب والشوارع البيظه والله حراااااااااااااام

لايوجد عوامل امان وكمان بتبدأ من 150 الف

انا اشتري مرسيدس مستعمل ونضيف بالرقم ده اهون عليا

العربيه ال مش عجباك ليموزين فى كل محافظات السعوديه بلا استثناء ... ملاكى مغرق جده وبالحجز وعليها اقبال ... بعكس الاروبى والله عندهم سيارات 2013 وعليها عروض ومحدش بيشتريها لانها غاليه فى صيانتها ولازم توكيل وتخيل السعودى بيعمل كدة فما بالك احنا المصريين

[ashouhdy]

العربية رائعة و غبور دبحها بالطمع